Levitikas 25:28 - Buka Blahi Ka Cheke Holo

²⁸ Nu jame mana theome naba te mala foli fapulo glose teke sabiri mana igne, te eghu na, glose tangomana te au ka mae khotogna majaghani na ghilei thokeni Falimafulu Finogha. Aonu ka Falimafulu Finogha igne, glose igne ginauna snagla nake pulo mei ka mae ihei teke kulu khotogna na, mana tangomana teke loku tagna.

Levitikas 25:28 ပူးပေါင်းရင်းမြစ်များ

Profet Jeremaea 32:15

Naugna Lord mae ihei te au nolaghi fateote'o, nei nodi God mae Israel teu igne neke cheke eghu, nathuꞌu nauriha na naiknore ginauna foli suga, glose nei nagare grep eghu ka kantri igne.’ ”

Levitikas 25:13

“Jame kaisei naikno neke sabiri nogna glose na ka keha mae, glose tuana mala ke pulo ka mae teke kulu khotogna na igne ka falimafulu finogha.

Levitikas 25:10

Ghotilo fablahi falimafulu finogha, igne mala kaisei finogha blahi mala nogu iara. Finogha igne mala chekeni ka naikno te au heva heva ka nodi glose re narane nate snagla nodi naiknore ke lamna gna kantri igne. Ka finogha igne, glose teke sabiri naiknore ka keha mae mala ke pulo mei ka tharakna teke kulu khotogna na. Eghuteuna ka finogha igne, iheire teke sneka ra nake snagla nodi mala tangomana mare teke pulo ka tharaknadi re.

Levitikas 25:29

“Jame kaisei mae au nogna suga ke lamna namono te au gringni thina biꞌo, eghuteuna mana sabiri suga igne ka keha mae, mana au nogna nolaghi mala foli mala teke hata fapulo ke lamnagna finogha thongana te funu ka narane teke sabiri mana na.

Levitikas 25:30

Nu jame te theome foli mana mala ke hata fapulo ka finogha igne na, mana theo nogna nolaghi mala teke foli ke leghu na. Eghuteuna suga igne ginauna nogna mae teke foli eghuteuna nogna tharakna gna mana na fabrahu. Eghuteuna ka Falimafulu Finogha igne, suga igne theome tangomana teke pulo mei ka mae ihei teke khotogna ulu lahu na.

Levitikas 25:41

Aonu ka Finogha igne, mana baludi thugna re mala snagla ke pulo ka thabukna gna na, nei ka nodi glose na.

Levitikas 27:24

Nu ka Falimafulu Finogha na, vido glose tuana ginauna nake figri ka tharaknadi iheire teke kulu khotogna glose tuana.