Levitikas 25:23 - Buka Blahi Ka Cheke Holo

²³ “Jame kaisei ka ghotilo magnahaghei sabiri nogna glose na ka keha mae, mana ginauna thosei sabiri fahui, naugna glose igne theome nogna mana, nu nogu iara Lord. Iara neke tusu ari ka ghotilo mala loku ghotilo, nu ghotilo jateula naikno phosa te au katha vido kolho ka glose igne eghu.

Levitikas 25:23 ပူးပေါင်းရင်းမြစ်များ

Ululahu Pita 2:11

Uve kheraguro, ghotilo jateula naikno fasigho nei mae phosa eghu ka nauthoglu igne naugna ghotilo theo kaisei namono ka nauthoglu gne te thofno namonomi ghotilo na. Eghume, iara thofno tore ghami ghotilo mala au fadelei ka glepo te diꞌa te magnahaghedi thinimire. Naugna glepo te diꞌa igre magra ka nakarhami ghotilo re.

Nodi Khoje Hatimare Mae Jiu 39:12

“Lord, fanomho fakeli ka nogu tharai gre, mala mei togho ghau. Eigna iara gne jateula teke edi mae kmagu tifara eghu au katha vido kmo'ei kolho balumu iagho ka nauthoglu igne.

Profet Esikiel 48:14

“Glose nate snakre mei ghotilo ka iara igne, thofno famane glose fara salaꞌudi glose te gnafa igre. Eghuteuna ghotilo ginauna thosei fofoli vido glose igne, ba tughu ka keha glose aheva ghotilo tangomana te snakre lao ka keha mae delei. Glose igne ginauna blahi, naugna ne nogu iara.

Nodi Khoje Hatimare Mae Jiu 24:1

Nauthoglu nei thua nafnotu fateo te au ke lamnagna igre nogna Lord, eghuteuna naikno te au tagna re jaola nogna mana.

Ululahu Kronikols 29:15

Lord, iagho laseni nakarhami ghehati ka nauthoglu igne. Leuleghu fata na, ghehati haimini te jateula te au teu ka keha kantri delei ra eghu. Leuleghu fata na ghehati naikno phosa jateula teke kuꞌemi Ijep tifa ra eghu. Nakarhami ghehati gre ghosei tei salaꞌu jateula naungo eghu, eghuteuna ghehati theome tangomana te rikhani glehe na.

Diutronomi 32:43

“Ghotilo te gnafa klignara, ghotilo mala glealeꞌa balugna Lord. Ghotilo god te gnafa ra, ghotilo pogho soru ka mana. Lord ginauna nake tughu fapulo glehedi goro thugna mana ra. Nu ginauna mana hata fadelei nakhibodi nogna naiknore, eghuteuna nodi glose re ginauna na klino ka tathagna mana.”

Eksodas 19:5

Jame te leghu ghau iara ghotilo na, eghuteuna tajini ghotilo nhaꞌa cheke teke eni iara balumi ghotilo ia teuna, ghotilo mala thofno nogu naikno iara salaꞌudi keha naikno te gnafa ka nauthoglu igne. Neuba nauthoglu igne ne nogu iara gognarona,

Profet Joel 3:2

Iara ginauna salofodu mei naikno te gnafa ka keha kantri are mala mei au ka glogu Jehosafat. Naugna ka vido igne nate fatedi iara iheire teke edi puhi te diꞌa ranghidi nogu naikno iara Israel. Keha naiknore neke fofota nodi vido glose maedi Israel igre, nei khi fajifladi naiknodi Israel ka nodi thofno namono na.

Profet Joel 2:18

Aonu naiknore ne tughu nagnafa, eghuteuna Lord ne ghatho tahuni nogna glose na ne kokhonidi nogna naiknore.

Profet Hosia 9:3

Eghuteuna ghotilo ginauna na theome au ka nogna namono Lord igne. Ghotilo ginauna mala ke tei sosolo fapulo ka kantri Ijep, nei jaola mala ke tei sosolo ka kantri Asiria. Aonu kate tei au teu ka kantri igre, ghotilo ginauna nake ima gano mala thosei ima teku God ra.

Nodi Khoje Hatimare Mae Jiu 85:1

Lord God, kani au teku ghehati ka nou kantri na tifa ia iagho neke kelitamu fara ka ghehati. Naugna iagho neke togho ghami ghehati naiknomi Israel mala au fakeli.

Fapea Kronikols 7:20

Jame te eghu ghotilo na, iara ginauna khi fajifla ghami ghotilo ka glose mala nomi ghotilo teku iara igne, eghuteuna iara ginauna tiroguni Sugablahi teke fablahi iara mala pogho soru ghotilo ke ulugu iara teku igne. Eghuteuna naiknodi keha kantri are ginauna cheke faparini nei maꞌeni eghu Sugablahi igne.

Levitikas 25:10

Ghotilo fablahi falimafulu finogha, igne mala kaisei finogha blahi mala nogu iara. Finogha igne mala chekeni ka naikno te au heva heva ka nodi glose re narane nate snagla nodi naiknore ke lamna gna kantri igne. Ka finogha igne, glose teke sabiri naiknore ka keha mae mala ke pulo mei ka tharakna teke kulu khotogna na. Eghuteuna ka finogha igne, iheire teke sneka ra nake snagla nodi mala tangomana mare teke pulo ka tharaknadi re.

Nodi Khoje Hatimare Mae Jiu 119:19

Iara gne au ka nauthoglu igne katha vido kmo'ei kolho, eghume iagho falase mei ranghi ghau chekemu iagho re.

Ululahu Kings 21:3

Nu mae Nebot ne cheke eghu ka mana, “Glose tuana nodi glose vikegu iara, funu ka kuꞌemi tifa ra ghilei mei posa ka narane gognarogne. Theome doglo ka tathagna Lord na jame te snakre ari iara ka iagho na.”

Jenesis 47:9

Mae Jekop ne cheke eghu, “Iara au ka nauthoglu igne kaisei gobi tolufulu finogha. Thono kmoꞌe fara, eghuteuna iara jaola thafodi kmana puhi biꞌo te ninhigrana fara. Mae ku'egu iara re neke au raugha fara ka nauthoglu igne, eghuteuna finogha dire teuna uludi fara finogha gu iara re eghu.”

Jenesis 23:4

“Ghotilo lase ghauhi iara, naugna iara gne maegu ka keha kantri delei mei au kolho agne fari hoteimi ghotilo. Khetogu gne la lehehi, eghuteuna iara gognaro na magnahaghei te foli kaisei gluma ka ghotilo agne mala giugilui thinigna khetogu gne.”

Eksodas 2:22

Ke leghu, Sipora ne karha kaisei thugna nalhaꞌu, eghuteuna mae Moses ne ghaoghatho eghu, “Iara kaisei mae phosa ka namono igne. Eghume, iara kiloni mae sitei igne Gesom. Gaoghathogna nangha igne, ‘Mae phosa.’ ”

Levitikas 25:24

Eghuteuna heva heva ka nomi kantri ghotilo igne, kate sabiri kaisei mae nogna glose na ka keha mae, mae ihei teke kulu khotogna mana au nogna nolaghi te mala ke foli fapulo glose tuana, eigna mana neke kulu khotogna tifa.

Nodi Khoje Hatimare Mae Jiu 39:13

Ame lehe nga iara me dofi ghau ka nauthoglu igne teuna lisa lao ghau mala ke keligu iara nagnafagu na. Iara tore nigho mala thosei para ghau iara.”