Levitikas 25:2 - Buka Blahi Ka Cheke Holo

² “Cheke ka naiknodi Israel kate tei ghotilo ka glose aheva teke nhaꞌa cheke hi iara mala tusu ari ka ghotilo teku ia, leuleghu fata ka fafitu finogha na, ghotilo mala thosei joꞌu gano ka nomi glose na. Nomi glose ghotilo na mala gnafa jateula narane Sabat eghu. Ghotilo mala eni igne mala fagaglana gna ghotilo te ghatho tahu ghau iara Lord.

Levitikas 25:2 ပူးပေါင်းရင်းမြစ်များ

Fapea Kronikols 36:21

Ka puhi igne nodi glose mare na ne krogha fabrahu ne ghilei posani fitusalei finogha leghuni unha teke chekeni mae Jeremaea nogna profet Lord tifa ia.

Eksodas 23:10

“Ghotilo joꞌu nei salo fodu gano eghu nabagna namno finogha.

Diutronomi 34:4

Aonu Lord ne cheke eghu ka mana, “Glose igne iara neke nhaꞌa cheke hi ka mae Ebraham, nei mae Isak nei mae Jekop. Iara neke chekeni nate tusu lao iara glose igne ka vikedi thilo mare. Iara snakre nigho iagho mala filo kolho tagna, nu iara theome snakre nigho iagho te tei ruma tagna na.”

Diutronomi 32:49

“Iagho tei ka nohi Moab, ka keha phile Khoꞌu biꞌo Jordan ka namono Jeriko. Eghuteuna jare, iagho tei apla ka thogele Nebo, eghuteuna iagho ginauna filoni namono Kenan nate tusu lao iara ka naiknodi Israel.

Diutronomi 32:8

God mae ihei te haghe fara igne neke tufa vido glose ka soasopai naikno mala au tagna. Mana ei nodi nohi keha naiknore. Eghuteuna mana ne lilisei nodi nohi naiknodi keha kantri are leghuni nabadi nodi god.

Levitikas 23:32

Funu ka faheva narane gna nhigra igne ghilei plulu naprai ka fabotho narane na, ghotilo mala gnafa. Igne kaisei narane mala gnafa ghotilo, blahi ghotilo te ghamu kaisei gano na.”

Levitikas 14:34

“Kate tei ghopa te atha glose gna Kenan nate tusu ari iara ka ghotilo te mala khotogna fabrahu igne, eghuteuna jame kaisei naikno filoni kaisei thona teke lilisei iara te kotu ka gringni gna nogna suga na,

Profet Jeremaea 27:5

‘Ka nogu nolaghi biꞌo, iara neke vuavuha nauthoglu igne baludi naikno nei gobigna lepo fateote'o te au ke lamna gna. Eghuteuna iara tufa glepo igre ka ihei te vahini iara na.

Nodi Khoje Hatimare Mae Jiu 115:16

Kligna na nogna namono Lord kolho, nu nauthoglu igne mana neke tusu ranghini naikno.

Levitikas 25:1

Kate au teu Moses ka Thogele Sanai, Lord ne cheke eghu ka mana,

Levitikas 25:3

Eigna ka namno finogha igre ghotilo tangomana te joꞌu gano ka nomi nagare ghotilo re, eghuteuna ghotilo tangomana te reireghidi nomi nagare grep, eghuteuna ghotilo tangomana te hata gano ka nagare.