Levitikas 25:17 - Buka Blahi Ka Cheke Holo

¹⁷ Ghotilo thosei chaichaghi fari themi. Nu ghotilo mala ghatho tahu ghau iara naugna iara Lord, nomi God ghotilo.”

Levitikas 25:17 ပူးပေါင်းရင်းမြစ်များ

Levitikas 19:32

“Eghuteuna ghotilo kegra haghe ke uludi goro mae biꞌo, mala filoni naiknore te ghatho tahudi ghotilo mae khuekuꞌe re. Eghuteuna ghotilo mala ghatho tahu ghau iara nomi God ghotilo. Iara Lord.

Levitikas 19:14

“Eghuteuna ghotilo thosei tibrini mae te megli na, ghotilo thosei goigonini mae te dofu na mala uka mana, naugna iara Lord, nomi God ghotilo, eghuteuna ghotilo mala thofno ghatho tahu ghau iara.

Levitikas 25:43

Ghotilo thosei fanolidi naikno te kuma re naugna ghotilo mala ghatho tahu ghau iara kolho, nomi God ghotilo.

Eksodas 20:20

Mae Moses ne cheke eghu, “Thosei mhaghu, God na mei mala fariuriu ghami ghotilo kolho, eghume ghotilo mala ghatho tahuni Mana eghuteuna ghotilo mala thosei eni kaisei nakhibo eghu.”

Jenesis 42:18

Ka fatilo narane na mae Josep ne cheke eghu ka mare, “Iara kaisei mae mala mhaghuni God. Jame te leghudi ghotilo nogu cheke iara igre na, ghotilo ginauna na theome lehe.

Ululahu Tesalonika 4:6

Eghume theome tangomana kaisei mae te eꞌei puhi diꞌa ranghini mae kheragna fofodu na ka puhi igne. God ginauna fatedi naikno te edi glepo igre. Ghehati kulu cheke faheta ka ghotilo eigna igne.

Letas Teke Riso Tei Mae Pol Ka Khiloau Rom 11:20

Tuana tutuani fara. Nu God neke kato koko grege tuare naugna mare ne theome fatutuani ni mae Jisas. Eghuteuna ghotilo mala kaisei vidogna thofno gaju oliv igne fabrahu, naugna ghotilo ne fatutuani. Ghotilo mala thosei fahaehaghe ghami eigna igne, nu fiofilo ghami eghu.

Letas Teke Riso Tei Mae Pol Ka Khiloau Rom 3:18

“eghuteuna mare theome ghatho tahuni God.”

Mae Khuru 10:35

Nu God keli tagna fara ngala ka vike ba ka kokholo te ghatho tahuni ba te eni unha te doglo na. Tuana ngala te magnahagheni mana na.

Mae Khuru 10:2

Mana kaisei mae keli fara, eghuteuna mana nei tharaknagna teuna mare ghatho tahuni nei pogho soruni eghu God. Mana toghodi fabiꞌo fara naikno te kumare nei mana tarai koba ka God.

Mae Khuru 9:31

Ka narane tuare, naikno khiloau te au heva heva ka Provins Judia nei Galili nei Samaria teure ne au ka pharikeli. Eghuteuna kau nogna thotogho Tharunga te Blahi na nodi gloku mae khiloaure ne nheta fara nei naikno te ruma haghe ka khiloau na kmana ne kmana. Eghuteuna leuleghu narane na naikno khiloaure ne ghatho tahuni nodi Lord na.

Luku 12:5

Iara na falalase ari ka ghotilo unha nafnata mae te mala mhaghuni ghotilo na. Mae jame te mala mhaghuni ghotilo na God ngala, naugna mana au nolaghi te mala falehe ghami ghotilo na, nei jaola au nolaghi te mala koko lao ghami ghotilo Gehena. Uve, kaisei mana ngala jame te mala mhaghuni ghotilo na.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Profet Jeremaea 22:16

Kate fatedi naikno te kuma nei naikno te glaꞌe teu igre, mana phile ka mare. Ka puhi igne mana fakakhana te lase ghau iara na.

Proveb 22:22

Thosei fakokhoanadi naikno te kumare. Eghuteuna thosei goigonidi ka fate na.

Proveb 1:7

Fufunu gna glalase na, iagho ghatho tahuni Lord. Nu naikno te fameomekro na tirogna fanomho nei leghuni eghu famane farirhiu na.

Nodi Khoje Hatimare Mae Jiu 19:9

Ihei te ghatho tahuni Lord na mana eni puhi te keli na, eghuteuna puhi igne ginauna au fabrahu ka mana. Gaoghathogna Lord na thofno keli fara, eghuteuna mana ginauna kafe fate ghita gnafa ka puhi te doglo.

Nehemaea 5:15

Mae iheire teke gavana ke ulugu iara Juda igre neke paradi fara naiknore. Leuleghu fata na mare hata gano nei waen eghu ka naiknore, eghuteuna mare jaola hata vido kilo silva ka naiknore. Eghuteuna nodi mae gloku mae gavana gre jaola faparidi naiknore. Nu iara theome magnahaghei te eni igne, naugna iara ghatho tahuni God, eghuteuna iara magnahaghei te leghuni mana.

Nehemaea 5:9

Aonu iara ne cheke eghu, “Unha te eni ghotilo igne theome doglo! Te keli na ghotilo jame ghatho tahuni God, eghuteuna leghuni mana mala theome famamaja ghita naikno bongihehe te naoka ka tahati igre.

Fapea Kronikols 19:7

Ghotilo ghatho tahuni Lord noda God. Fiofilo ghami mala fate ka puhi te doglo, naugna mana tirognani puhi te theome doglo na. Eghuteuna mana jaola tirognani mae fate te phile ka ihei na, ba tirognani puhi te fate famaemahe te mala hata sileni na.”

Ululahu Samuel 12:24

Ghotilo mala ghaoghatho heta fabrahu mala faꞌuveni, nei leghuni eghu Lord ka gaoghathomi fateote'o. Eghuteuna leuleghu fata na, ghotilo mala ghatho tahudi u gloku biꞌo teke edihi mana ka ghotilo ra.

Diutronomi 25:18

Ka narane tuana, mare neke theome mhaghuni God, aonu neuba ghotilo ne babaꞌo fara, nei glaꞌe soru neu, mare ngolhi ghami ghotilo aknu falehedi iheire te thoghei fara te nolo leghui.

Levitikas 25:14

“Eghume, jame ihei ka ghotilo magnahaghei sabiri glose ka keha mae na, ba foli glose eghu, ghotilo thosei chaghi fari themi.

Jenesis 39:9

Agne na theo kaisei mae te jateula iara teu ka te loku ka suga igne na. Mae Potifa theome lhotini kaisei glepo ka iara. Mana neke theome cheke ranghi ghau iara te mala thuru balumu iagho na, theo fara, naugna iagho khetogna mana. Iara theome tangomana te eni kaisei puhi te diꞌa ranghini mana. Jame te eni iara puhi te diꞌa tuana ranghini mana na, iara tapla jafra ka nakhibo ke ulugna God eghu.”

Jenesis 22:12

Engel na ne cheke eghu, “Thosei faleheni mae thumu na, ba eni kaisei glepo ka mana. Iagho kaisei mae thumu kolho, eghuteuna iagho neke theome lhotini mae thumu na ka God. Thono theo fara. Iagho neke tarabana neke snakreni ka God. Eghume gognaro na iara lase nigho iagho kaisei mae te ghatho branani God.”

Jenesis 20:11

Mae Ebraham ne cheke eghu, “Igne unha teke ghathoni iara ka thegu na, theo kaisei naikno ka namono igne te ghatho tahuni God na, eghuteuna mare ginauna na falehe ghau iara naugna mare magnahaghei te atha te khetogu iara na.

Proveb 14:31

Mae te fakokhoanani naikno te kuma na, mana theome ghatho tahuni Lord mae ihei teke vuavuhani naikno na. Nu mae te keli ranghini naikno te kuma na, mana ghatho tahuni Lord.

Levitikas 19:13

“Eghuteuna ghotilo thosei chaghi tafrini ba blauni kherami na. Eghuteuna kate hata ghotilo kaisei te mala edi nomi gloku re, ghotilo mala thosei toki au nogna taba mana na ghilei thokeni keha narane na. Ghotilo mala folini mana ka narane teke loku mana tuana la.

Levitikas 25:36

Eghuteuna ghotilo mala thosei chekeni mae te kuma igne mala foli intres ka kaisei kaoni teke tusu lao ghotilo ka mana. Ghotilo mala ghatho tahuni Lord, eghuteuna ghotilo mala keli ranghidi naikno te kuma te au balumi ghotilo are.

Proveb 16:6

Ghatho tahuni Lord, eghuteuna leghuni mana fabrahu, eghuteuna mana ginauna hata koko nakhibomu iagho re. Ghatho tahuni mana, eghuteuna iagho ginauna na theome tangomana te tei namo ka puhi te diꞌa na.

Profet Isaia 3:14

Eghuteuna gognarona Lord funu fatedi goro mae biꞌo nei mae mala baubatu ghita tahati nogna naikno manare. Eghuteuna mana ne cheke eghu ka mare, “Ghotilo mae igre goigonidi koba nogu naikno iara igre ka puhi te fafofodu nomi sugare ka glepo teke blau ka naikno te kuma re. Puhi igne ghotilo jateula te goigonini nogu nagare grep iara na eghu.