Levitikas 25:13 - Buka Blahi Ka Cheke Holo

¹³ “Jame kaisei naikno neke sabiri nogna glose na ka keha mae, glose tuana mala ke pulo ka mae teke kulu khotogna na igne ka falimafulu finogha.

Levitikas 25:13 ပူးပေါင်းရင်းမြစ်များ

Levitikas 25:10

Ghotilo fablahi falimafulu finogha, igne mala kaisei finogha blahi mala nogu iara. Finogha igne mala chekeni ka naikno te au heva heva ka nodi glose re narane nate snagla nodi naiknore ke lamna gna kantri igne. Ka finogha igne, glose teke sabiri naiknore ka keha mae mala ke pulo mei ka tharakna teke kulu khotogna na. Eghuteuna ka finogha igne, iheire teke sneka ra nake snagla nodi mala tangomana mare teke pulo ka tharaknadi re.

Naba 36:4

Eghuteuna ka nomi kastom ghehati na, ka faglimafulu finogha teke atha fapulo mare nodi vido re, vido glose teke nodi thugna gaꞌase mae Selofehad gre ginauna ke kaisei fodu baludi vike te tolaghi lao reꞌe tadire eghuteuna nomi vido ka tharakna ghehati gre ginauna nake theome pulo mei ka ghehati.”

Levitikas 25:12

Finogha igne blahi, ghotilo mala ghamu kolho kaisei gano teke karha thegna.

Levitikas 25:28

Nu jame mana theome naba te mala foli fapulo glose teke sabiri mana igne, te eghu na, glose tangomana te au ka mae khotogna majaghani na ghilei thokeni Falimafulu Finogha. Aonu ka Falimafulu Finogha igne, glose igne ginauna snagla nake pulo mei ka mae ihei teke kulu khotogna na, mana tangomana teke loku tagna.

Levitikas 25:54

“Jame te theo kaisei mae te foli fajiflani mae kherami igne, ka Falimafulu Finogha, mana baludi thugnare mala tei snagla.

Profet Isaia 61:2

Lord neke kuru ghau iara mala cheke thakleni narane Lord nate fablahidi nogna naiknore, eghuteuna mana ginauna uludi nodi naokare. Mana neke kuru ghau iara mala fameomegodi nagnafadi naikno te diꞌanagnafa nei tanhi teure,

Profet Esikiel 7:13

Ginauna theo kaisei naikno nate au teu te mala teke loku tughudi gobigna lepo tela dofidi ra, naugna chekegna God te filoni iara ka mifi na igne theome tangomana teke tughu na, eghuteuna ginauna naikno te diꞌare na theome tangomana nate karha na.