Levitikas 25:11 - Buka Blahi Ka Cheke Holo

¹¹ Ka finogha igne, ghotilo thosei joꞌu gano. Eghuteuna ka finogha igne gano teke karha thedi ka phegra ghotilo ra, ghotilo thosei hata tathajiu malami themi ba mala sabiri. Eghuteuna ghotilo thosei te pala sisi grep ka nagare ra tathajiu malami themi ba mala sabiri.

Levitikas 25:11 ပူးပေါင်းရင်းမြစ်များ

Levitikas 27:17

Jame kaisei naikno nhaꞌa cheke mala tusu mei vido glose ka iara ka Falimafulu Finogha na, te eghu na, praes te mala foli fajifla vido glose tuana mala thokeni nabagna praes thongana na.

Levitikas 25:10

Ghotilo fablahi falimafulu finogha, igne mala kaisei finogha blahi mala nogu iara. Finogha igne mala chekeni ka naikno te au heva heva ka nodi glose re narane nate snagla nodi naiknore ke lamna gna kantri igne. Ka finogha igne, glose teke sabiri naiknore ka keha mae mala ke pulo mei ka tharakna teke kulu khotogna na. Eghuteuna ka finogha igne, iheire teke sneka ra nake snagla nodi mala tangomana mare teke pulo ka tharaknadi re.

Levitikas 25:12

Finogha igne blahi, ghotilo mala ghamu kolho kaisei gano teke karha thegna.

Profet Isaia 37:30

“Aonu profet Isaia ne cheke eghu ka King Hesekaea, “Igne kaisei fagaglana malamu iagho na: Ka finogha igne ghotilo ginauna ghamu gano teke karha kolho thedi ka nagaredi tifa ra. Eghuteuna ka finogha te mei gno, ghotilo ginauna ghamu gano nate kotu mei ke leghure. Nu ka fatilo finogha gno, ghotilo ginauna tangomana te loku ka nagare mala hata gano tagna. Eghuteuna ghotilo ginauna tangomana te joꞌu grep mala ghamu sisigna na.