Levitikas 24:9 - Buka Blahi Ka Cheke Holo

⁹ Bret igre ghegna pris biꞌo baludi tharakna gna mana re. Bret igne ghedi mare fabrahu. Eghuteuna mare ghamu lamna ka vido aheva te blahi na naugna kaisei baludi glepo blahi te famei ka iara Lord.”

Levitikas 24:9 ပူးပေါင်းရင်းမြစ်များ

Levitikas 8:31

Mae Moses ne cheke eghu ka mae Eron baludi thugna mana re, “Ghotilo atha nafnahigna fapea sipu na mala kuki ka khoꞌu ka vido igne kolho, ka grengathagna Suga Tapuale te Blahi. Eghuteuna ghotilo mala ghamu nafnahi igne balu bret te au ka kharaꞌo gano te mala taofi ghotilo ana. Igne unha te chekeni Lord te mala eni ghotilo na.

Luku 6:4

Mae Devet neke ruma ka Sugablahi nogna God na, neke hata bret teke fafara ka God na neke ghamu, eghuteuna tufa langau keha bret ka mae teke tei balugna re. Igne thono jafra fara ka nogna vetula mae Moses. Te chekeni ka vetula na, kaisei mae pris ngala tangomana te ghamu nafnata bret tuana.”

Matiu 12:4

Kau narane tuana mae pris na neke snakreni mae Devet neke ruma ka Sugablahi na neke hata bret teke fafara ka God na neke ghamu baludi mae kheragnare. Igne thono blahi fara ka vetula nogna mae Moses, hatimare mae pris kolho tangomana te ima na nafnata bret tuana. Eghuteuna God neke theome diꞌatagna ka mae Devet.

Levitikas 10:17

“Fafara igne mala doglo naikno te gnafare ka tathagna Lord! Eghume naugna unha si ghotilo te theome ghamu thofno nafnahi blahi igne ka glalaba blahi gna Suga tapuale te Blahi gnea?

Levitikas 6:16

Aonu keha vido flaoa te au teu igne maladi mae pris, mala tangomana mare te ei bisket tagna na, nu blahi te nhaꞌa lao isi tagna na. Eghuteuna mare ghamu bisket igne ka glalabagna Suga Tapuale te Blahi na, naugna vido igne blahi. Gano te tusu lao iara ka mare igne kaisei glepo blahi, blahi fara jateula fafara te mala doglo naikno na ka tathagu iara na igne eghu, nei fafara mala poloru.

Ululahu Samuel 21:6

Aonu pris ne tufa ka mae Devet bret blahi igre naugna mana theo kaisei bret te au jare na. Leghu narane na mare atha fajifla bret blahi te jemnu igre ka Sugablahi na mala ke tughu kate brana.

Levitikas 21:22

Nu mana tangomana te ghamu vidodi fafara te mala ghedi mae pris, neuba vido gna fafara igne ne blahi, ba thono blahi fara.

Profet Malakai 1:12

“Nu ghotilo cheke fadiꞌani nogu olta iara na, eghuteuna ghotilo atha mei gano te tiromidi themi re mala fafara.

Levitikas 24:10

Selomit thugna gaꞌase Dibri ka vikegna Dan, mana tolaghi ka kaisei maegna Ijep. Repa au kaisei thudi nalhaꞌu. Kaisei narane, thudi repa igne ne tei ka nodi vido mae Israel eghuteuna mana ne fapholai balugna kaisei maegna Israel. Kate fapholai phia mare na, mana ne cheke diꞌa ka nanghagna Lord. Aonu naiknore lokini mana, hata ne tei ka Moses.

Eksodas 27:21

Leuleghu bongi na, Eron na fakasa juta re ka Thaba te lilisei Juta, eghuteuna mana fiofilodi mala phae ke ulugu iara ghilei hamerane. Thaba te mala lilisei Juta igre mala au ke ulugu iara ke lamna Suga Tapuale te Blahi ke kosi ka pohe te bobotho Chogho te Thofno Blahi fara na aheva te au Bokis Blahi na. Ghotilo naiknodi Israel mala leghuni fabrahu vetula igne.”

Levitikas 3:17

“Ghotilo naiknomi Israel ra thosei ghamu kaisei garofa ba dadara buluka. Igne kaisei vetula te mala leghuni nei taji fakelini teu fabrahu ghotilo ka namono aheva nate au ghotilo tagna na.”

Levitikas 6:9

“Cheke ka mae Eron baludi thugna mana ra cheke igne: Igne vetula gna fafara te thofno krono na. Fafara te thofno krono igne te mala atha te mei ghotilo leuleghu rafi na, fafara igne mala au ke kligna olta ghilei hamerane, eghuteuna mae pris mala reireghi khaꞌaghi gna olta na mala dudulu fabrahu bongi thongana na.

Levitikas 6:11

Aonu mana tei tughu nogna pohere, eghuteuna ke pulo mei mala atha nakrofu igre tei kosi ka vido te au ghotilo na tei ka kaisei vido te gae ka tathagu iara Lord na mala totofa ka vido tuana.

Levitikas 10:12

Aonu mae Moses ne cheke ka mae Eron nei ka phei thugna mana mae Eleasa ghe mae Itama, phei thugna mana te karha nga teu, mana ne cheke eghu, “Kate atha te mei naiknore flaoa teke eni ka famane wit na, ghotilo tangomana te atha flaoa blahi te theome krono igne mala ei bret te theo isi gna. Eghuteuna leuleghu fata na, ghotilo ghamu bret igne rhegna olta kolho, naugna blahi fara.