Levitikas 24:8 - Buka Blahi Ka Cheke Holo

⁸ Leuleghu wik, ka narane Sabat, pris mala lilisei bret igre ke ulugu iara Lord. Igne kaisei vetula te mala leghuni fabrahu ghotilo na.

Levitikas 24:8 ပူးပေါင်းရင်းမြစ်များ

Fapea Kronikols 2:4

Uve, iara gognarona tarabana mala horo kaisei Sugablahi mala tarai nei tufru soruni eghu Lord nogu God, nei mala gahu insens te famane sisiri keligna fara. Eghuteuna ghehati ginauna fafara bret blahi na ka Lord leuleghu narane, hamerane nei grafi, ka narane Sabat, nei ka Gaghamu Khafa, nei ka keha nogna narane blahi God. Ghehati ginauna gahu fafara ka Sugablahi igne mala ghatho tahuni Lord. Eghuteuna ghehati ginauna eni igne fabrahu leghuni unha teke chekeni Lord.

Naba 4:7

“Eghuteuna ke atha keha pohe blu mala toutoku lao ke kligna gna tevo mala lisei bret blahi na. Thilomare mala atha keha tapera, dis, kapu nei keha botol waen eghu, mala nanhaꞌa lao ka tevo na. Eghuteuna bret blahi igne mala au fabrahu ka tevo tuana.

Ululahu Kronikols 9:32

Eghuteuna keha mae Livaet ka vikegna mae Kohat, nodi gloku mare na mala tarabana Bret Blahi mala tusu ranghini God leuleghu Narane Sabat.

Nehemaea 10:33

Sileni igne mala foli Bret Blahi te mala lilisei ke kligna tevo ka Chogho Blahi na, nei famane wit mala fafara nei fafara te gahu te krono fara te mala edi ghehati phia fata leuleghu narane, nei fafara ka narane Sabat, nei Gaghamu Khafa, nei keha gaghamu, nei keha fafara blahi, nei fafara te mala doglo ghehati maemi Israel ka tathagna Lord, nei keha glepo te mala loku ka nogna Sugablahi God.

Ululahu Kronikols 23:29

Nodi gloku mare te mala fiofilodi bret blahi te lilisei mae pris ka Tevo Blahi na. Eghuteuna mare mala fiofilodi flaoa teke gahu hatimare mae pris gre mala fafara, nei bret te theo isigna, nei bret teke gahu mare ka biti. Eghuteuna leuleghu fata na mare skel gobigna nafnata glepo te mala fafara igre.

Eksodas 25:30

Eghuteuna ghotilo lilisei ka tevo igne Bret Blahi te mala fagaglana gna te au iara balumi ghotilo na, bret igne ginauna au fabrahu ke ulugna vido te au iara na.”

Ululahu Samuel 21:7

Kaisei nogna mae gloku mae Sol na au jare ka narane tuana. Mae igne kaisei mae biꞌo mala reireghi sipu. Mare atha mae igne mala fadoglidi keha glepo ke ulugna Lord. Mae igne maegna Idom, nanghagna na, mae Doeg.

Fapea Kronikols 13:11

Leuleghu narane, fei hamerane nei fei grafi, mare gahu insens mala ei fafara te thofno krono fara mala tufru soruni Lord. Mare hata bret mala lilisei ka Tevo blahi na mala tusu lao ka Lord, eghuteuna leuleghu narane fei grafi na, mare fakasa juta ka mala nanhaꞌa ka glepo te mala lilisei juta teke horo ka gol. Ghehati edi gobigna lepo te chekedi Lord, nu ghotilo tei kokonihi mana.