Levitikas 24:6 - Buka Blahi Ka Cheke Holo

⁶ Eghuteuna ghotilo mala hata mei nabotho phei bret igre ke ulugu iara ka Tevo malagna Bret Blahi teke horo mare ka famane gol igne. Ghotilo mala lilisei bret igre ka phei thura, namno bret ka kaisei thura, eghuteuna namno bret ka keha thura na.

Levitikas 24:6 ပူးပေါင်းရင်းမြစ်များ

Ululahu Kings 7:48

Eghuteuna mae Solomon ne chekedi mae glokure mala horo glepo mala lilisei lamna Sugablahi. Glepo teke horo mare ka famane gol re igre: Olta mala gahu insens. Tevo mala lilisei Bret Blahi.

Hibru 9:2

Mare kiloni u suga te au ke lamnagna u bara na igne “Suga tapuale”. Eghuteuna chogho ulu lahu te mala ruma naikno na, mare kiloni “Chogho blahi”. Jare ka chogho tuana au kaisei juta, nei kaisei tevo mala lilisei gna u bret blahi na.

Fapea Kronikols 13:11

Leuleghu narane, fei hamerane nei fei grafi, mare gahu insens mala ei fafara te thofno krono fara mala tufru soruni Lord. Mare hata bret mala lilisei ka Tevo blahi na mala tusu lao ka Lord, eghuteuna leuleghu narane fei grafi na, mare fakasa juta ka mala nanhaꞌa ka glepo te mala lilisei juta teke horo ka gol. Ghehati edi gobigna lepo te chekedi Lord, nu ghotilo tei kokonihi mana.

Fapea Kronikols 4:19

Aonu King Solomon neke chekedi mae glokure mala edi glepo te mala lilisei ke lamnagna Sugablahi na. Glepo teke edi mare ka famane gol igre: Olta mala Gahu Insens. Tevo mala lilisei Bret Blahi.

Ululahu Korin 14:40

Eghuteuna ka khiloau na ghotilo mala edi gobigna lepore ka puhi te keli, theome mala fiti reꞌe eghu kolho.

Eksodas 39:36

Tevo malagna Bret Blahi baludi glepo gna re.

Nehemaea 10:33

Sileni igne mala foli Bret Blahi te mala lilisei ke kligna tevo ka Chogho Blahi na, nei famane wit mala fafara nei fafara te gahu te krono fara te mala edi ghehati phia fata leuleghu narane, nei fafara ka narane Sabat, nei Gaghamu Khafa, nei keha gaghamu, nei keha fafara blahi, nei fafara te mala doglo ghehati maemi Israel ka tathagna Lord, nei keha glepo te mala loku ka nogna Sugablahi God.

Profet Esikiel 41:22

Kaisei olta teke horo mare ka thaba na au ka vido igne. Haghegna na kaisei mita vidogna, eghuteuna kaisei nanaba ngala eigna gerigna te gnafa re thokeni kaisei mita. Mare horo khukrugna re, eghuteuna pesigna na eghu baludi keha philegna re neke eni ka thaba. Mae igne ne cheke eghu ka iara, “Tevo igne kegra fabrahu ke ulugna Lord.”

Eksodas 25:30

Eghuteuna ghotilo lilisei ka tevo igne Bret Blahi te mala fagaglana gna te au iara balumi ghotilo na, bret igne ginauna au fabrahu ke ulugna vido te au iara na.”

Nehemaea 10:34

“Ghehati mae pris ra, mae Livaet ra, nei mavitu ra teuna ginauna lalahu khale, mala laseni gaoghathogna God na, tharakna aheva gne nate hata gaju te mei ka Sugablahi na mala gahu ke kligna nogna olta Lord nomi God, leghuni unha te chekeni ka vetula na.