Levitikas 24:5 - Buka Blahi Ka Cheke Holo

⁵ Lord ne cheke eghu, “Ghotilo mala hata duku biꞌo famane flaoa, eghuteuna ghotilo mala gahu nabotho phei bret tagna.

Levitikas 24:5 ပူးပေါင်းရင်းမြစ်များ

Eksodas 25:30

Eghuteuna ghotilo lilisei ka tevo igne Bret Blahi te mala fagaglana gna te au iara balumi ghotilo na, bret igne ginauna au fabrahu ke ulugna vido te au iara na.”

Eksodas 40:23

Eghuteuna kligna ka Tevo igne, mana nanhaꞌa Bret Blahi na ke ulugna vido aheva nate au Lord tagna na, igne thofno leghuni unha teke chekeni Lord.

Ululahu Kings 18:31

Aonu mana ne hata nabotho phei thina, thina igre nanaba ka nabotho phei vike teke karha mei ka nabotho phei thugna mae Jekop, mae ihei Lord te kiloni mana Israel.

Jemes 1:1

Iara mae Jemes, nogna mae gloku God nei nogna Lord Jisas Kraes. Kubae ghami nogna naikno God te au heva heva ka nauthoglu gne.

Mae Khuru 26:7

Eghuteuna nabotho phei vikemi ghehati re neke pogho soru ka God bongi narane, naugna mare ofou mala filoni thoke meigna u nhaꞌa cheke igne. King Agripa, hatimare mae Jiu gre fathoro ghau iara gognaro na naugna iara jaola ofoni nhaꞌa cheke igne!

Matiu 12:4

Kau narane tuana mae pris na neke snakreni mae Devet neke ruma ka Sugablahi na neke hata bret teke fafara ka God na neke ghamu baludi mae kheragnare. Igne thono blahi fara ka vetula nogna mae Moses, hatimare mae pris kolho tangomana te ima na nafnata bret tuana. Eghuteuna God neke theome diꞌatagna ka mae Devet.

Hibru 9:2

Mare kiloni u suga te au ke lamnagna u bara na igne “Suga tapuale”. Eghuteuna chogho ulu lahu te mala ruma naikno na, mare kiloni “Chogho blahi”. Jare ka chogho tuana au kaisei juta, nei kaisei tevo mala lilisei gna u bret blahi na.

Eksodas 39:36

Tevo malagna Bret Blahi baludi glepo gna re.

Naba 4:7

“Eghuteuna ke atha keha pohe blu mala toutoku lao ke kligna gna tevo mala lisei bret blahi na. Thilomare mala atha keha tapera, dis, kapu nei keha botol waen eghu, mala nanhaꞌa lao ka tevo na. Eghuteuna bret blahi igne mala au fabrahu ka tevo tuana.

Ululahu Samuel 21:6

Aonu pris ne tufa ka mae Devet bret blahi igre naugna mana theo kaisei bret te au jare na. Leghu narane na mare atha fajifla bret blahi te jemnu igre ka Sugablahi na mala ke tughu kate brana.

Ululahu Kronikols 9:32

Eghuteuna keha mae Livaet ka vikegna mae Kohat, nodi gloku mare na mala tarabana Bret Blahi mala tusu ranghini God leuleghu Narane Sabat.

Ululahu Kronikols 23:29

Nodi gloku mare te mala fiofilodi bret blahi te lilisei mae pris ka Tevo Blahi na. Eghuteuna mare mala fiofilodi flaoa teke gahu hatimare mae pris gre mala fafara, nei bret te theo isigna, nei bret teke gahu mare ka biti. Eghuteuna leuleghu fata na mare skel gobigna nafnata glepo te mala fafara igre.

Fapea Kronikols 13:11

Leuleghu narane, fei hamerane nei fei grafi, mare gahu insens mala ei fafara te thofno krono fara mala tufru soruni Lord. Mare hata bret mala lilisei ka Tevo blahi na mala tusu lao ka Lord, eghuteuna leuleghu narane fei grafi na, mare fakasa juta ka mala nanhaꞌa ka glepo te mala lilisei juta teke horo ka gol. Ghehati edi gobigna lepo te chekedi Lord, nu ghotilo tei kokonihi mana.

Nehemaea 10:33

Sileni igne mala foli Bret Blahi te mala lilisei ke kligna tevo ka Chogho Blahi na, nei famane wit mala fafara nei fafara te gahu te krono fara te mala edi ghehati phia fata leuleghu narane, nei fafara ka narane Sabat, nei Gaghamu Khafa, nei keha gaghamu, nei keha fafara blahi, nei fafara te mala doglo ghehati maemi Israel ka tathagna Lord, nei keha glepo te mala loku ka nogna Sugablahi God.

Eksodas 40:4

Iagho atha Tevo te mala lilisei Bret Blahi igne mala nanhaꞌa ke demei gna pohe igne, eghuteuna nanhaꞌa glepo gnare balugna. Eghuteuna iagho atha mei thaba mala nanhaꞌa juta na, eghuteuna nanhaꞌa haghe juta igre tagna.

Ululahu Samuel 21:7

Kaisei nogna mae gloku mae Sol na au jare ka narane tuana. Mae igne kaisei mae biꞌo mala reireghi sipu. Mare atha mae igne mala fadoglidi keha glepo ke ulugna Lord. Mae igne maegna Idom, nanghagna na, mae Doeg.

Nehemaea 10:34

“Ghehati mae pris ra, mae Livaet ra, nei mavitu ra teuna ginauna lalahu khale, mala laseni gaoghathogna God na, tharakna aheva gne nate hata gaju te mei ka Sugablahi na mala gahu ke kligna nogna olta Lord nomi God, leghuni unha te chekeni ka vetula na.