Levitikas 24:2 - Buka Blahi Ka Cheke Holo

² “Cheke ka naiknodi Israel, mare mala hata mei thofno famane oliv oel maladi juta di Thaba mala lilisei Juta lamna ka Suga Tapuale te Blahi na, mala phae fabrahu.

Levitikas 24:2 ပူးပေါင်းရင်းမြစ်များ

Fapea Korin 4:6

Naugna God neke chekeni naphae na mala siasigla kate romno na, eghuteuna God tuanala te fasigla mei u naphae gna na ka nagnafami ghehatire. Mana eni igne mala lase fakelini ghehati nogna nolaghi biꞌo God te sigla mei ka thinigna Kraes.

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Mae Khuru 26:18

Iara na kuru tei nigho mala tothora tathadi iheire te au kate romno mala filoni mare u thofno naphaegna God. Uve, iara na kuru nigho mala jifla kokoni mare nogna nolaghi mae Satan mala ke pulo ka God. Eghuteuna te fatutuani ghau iara mare na, God ginauna hata fadelei nakhibodire. Eghuteuna mare ginauna na kaisei ngala baludi naikno teke kulu vavahi God re.’

Jone 5:35

Mae Jone gne jateula kaisei juta te faghano phae te mala filo fakelini u nabrou te tei ka God ia eghu. Eghuteuna katha vido ikoi ghotilo neke nomhidi chekegna mana re neke gleale'a fara.

Jone 1:9

Thofno naphae igne ne mei kau nauthoglu gne mala kafe faphaedi naikno te gnafare.

Jone 1:4

Thofno karha na neke funu mei ka mana. Eghuteuna, karha tuana jateu langau u naphae eghu mala faphaedi naiknore.

Luku 12:35

Mae Jisas ne cheke eghu, “Ghotilo tarabana nomi koba leghu fata jateula kaisei mae gloku te kulu fakasa nogna juta na nei kulu famamhaku nogna phipichi na teu ia eghu.

Luku 1:79

Na phae jateula naprai eghu ka tahati te au kate romno, nei au ke parigna naungogna u glehe. Mana ginauna na batu fadoglo ghita kau nabrou te mala hatini tahati u pharikeli na.”

Matiu 5:16

Eghume, jateula tuana eghu, ghotilo mala falalase nakarhami na mala laseni naiknore te nogna naikno God ghotilo na, nei filo glani unha te keli te eni ghotilo na. Eghuteuna mare ginauna cheke fakelini mae Kmami, mae ihei te au kligna.”

Matiu 4:16

Naikno te theome laseni God, te au kate romno igre ginauna filoniu naphae te biꞌo na. Naphaegna God na ginauna na jateula naprai te haghe hamerane ia eghu na thakle ranghidi naikno te theo tadi nakarhagna God.”

Profet Isaia 11:2

Eghuteuna Tharungagna Lord na ginau mei au ka mana mala tusu ranghini gaoghatho te keli nei glalase. Tharunga igne ginauna tusu ranghini mana cheke te keli nei nolaghi mala funei fruni. Tharunga gna Lord na ginauna au balugna mana, mala batuni mana. Eghuteuna Tharunga igne ginauna toghoni king mala laseni unha Lord te magnahagheni te mala laseni mana na, nei mala ghatho tahuni mana.

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Proveb 6:23

Chekedi idomu kmamu are jateula kaisei juta eghu mala fadoglini nakarhamu iagho na.

Nodi Khoje Hatimare Mae Jiu 119:130

Jateula naphae eghu ka naiknore kate glola fara u gaoghathodi nou cheke iagho re, eghuteuna naikno teke ihore ke lalase eghu.

Nodi Khoje Hatimare Mae Jiu 119:105

Nou cheke iagho tuare jateula juta eghu mala batu ghau iara tei ka nabrou te doglo, ba jateula naphae te batu fakeli ghau iara ka nabrou te keli ra eghu.

Fapea Kronikols 13:11

Leuleghu narane, fei hamerane nei fei grafi, mare gahu insens mala ei fafara te thofno krono fara mala tufru soruni Lord. Mare hata bret mala lilisei ka Tevo blahi na mala tusu lao ka Lord, eghuteuna leuleghu narane fei grafi na, mare fakasa juta ka mala nanhaꞌa ka glepo te mala lilisei juta teke horo ka gol. Ghehati edi gobigna lepo te chekedi Lord, nu ghotilo tei kokonihi mana.

Eksodas 40:24

Moses atha thaba mala lilisei juta na ne lilisei lamna ka Suga Tapuale te Blahi na, ke mata ka chogho aheva Tevo igne ke raru na.

Eksodas 39:37

Thaba mala lilisei juta teke horo ka famane gol, baludi glepo gna re, nei juta gna na baludi oel.

Levitikas 24:1

Lord ne cheke eghu ka Moses,

Levitikas 24:3

Leuleghu bongi na, Eron fakasa juta re ka Thaba te lilisei Juta, eghuteuna mana fiofilodi mala phae ke ulugu iara ghilei hamerane. Thaba te mala lilisei Juta igre mala au ke ulugu iara ke lamna Suga Tapuale te Blahi ke kosi ka pohe te bobotho Chogho te Thofno Blahi fara na aheva te au Bokis Blahi na. Ghotilo mala leghuni fabrahu vetula igne.