Levitikas 24:19 - Buka Blahi Ka Cheke Holo

¹⁹ Jame kaisei mae fafnerani keha mae na, ghotilo mala tei mala jaola fafnerani mana.

Levitikas 24:19 ပူးပေါင်းရင်းမြစ်များ

Matiu 7:2

Unha puhi teke fateni ghotilo naikno tuana, God ginauna nake fate ghami la ghotilo ka puhi tuana. Unha vetula teke fateni ghotilo naikno na, God ginauna jaola nake fate ghami ghotilo kau vetula tuana.

Matiu 5:38

Mae Jisas ne cheke eghu, “Ghotilo la nomhinihi u cheke farirhiu te cheke eghu ia, ‘Mae ihei te fadidiꞌa kaisei tathagna mae kheragna fofodu na, mare ginauna nake jaola fadidiꞌa kaisei tathagna mana. Eghuteuna mae ihei te pipisu kaisei kheꞌigna mae kheragna fofodu na, mare ginauna jaola nake pipisu kaisei kheꞌigna mana.’

Diutronomi 19:21

Ghotilo thosei kokhonini ihei te chaghi ka fate te mala goigonini keha mae na. Nafnata papara te magnahaghei eni mana ka keha mae na igne, ghotilo mala parani mana ka nafnata puhi teke enila mana na. Eghume, ghotilo mala hata tathagna, kheꞌigna, khamegna, gahegna, nei nakarhagna eghu naikno tuana nabagna unha teke eni mana na.”

Eksodas 21:23

Nu jame keha nafnera biꞌo thokeni gaꞌase igne, papara eigna igne ginauna leghuni unha nafnata nafnera teke eni mana ka gaꞌase igne. Jame gaꞌase igne lehe, fadiꞌa gaꞌase igne na, ghotilo ke tughu fapulo ka mana unha nafnata puhi teke eni mana tuana. Tutuani, jame gaꞌase igne lehe, mae igne mala jaola lehe.

Levitikas 24:18

Nu jame kaisei mae aknu falehe nogna glepo tautagu keha mae na, mana mala ke tughu fapulo glepo tautagu tuana balugna keha glepo tautagu te karha.

Levitikas 24:20

Jame kaisei mae lolhopa nhubragna keha mae na, ghotilo mala jaola tei lolhopa nhubragna mana na. Jame kaisei mae goigoni tathagna keha mae na, ghotilo mala jaola tei goigoni tathagna mana na. Jame kaisei mae magrini keha mae na eghuteuna klopa kaisei kheꞌi gna mana, ghotilo mala jaola tei mala lolhopa kaisei kheꞌi gna mana. Neuba unha nafnata glepo te eni mana te fnera keha mae na, ghotilo mala enila ka mae tuana mala enila nafnata nafnera tuana.

Jajis 1:7

Mana ne cheke eghu, “Tifa na, iara neke jaola neke kusu koko geghesu biꞌo khamedi fitusalei king, eghuteuna mare au fadiꞌa jateula khuma te ghamu phike gano ke parigna nogu tevo iara na ia eghu. Gognarona God kela tughu fapulo unha teke eni iara ka mare na.” Mare atha ne teini mana Jerusalem, aonu ke leghu, mana ne lehe jare.

Eksodas 21:24

Jame te koko mana kaisei tathagna gaꞌase na, mae igne mala jaola koko kaisei tathagna. Jame mana koko kaisei kheꞌigna gaꞌase na, mae igne mala jaola koko kaisei kheꞌigna. Jame mana koko kaisei khamegna gaꞌase na, mae igne mala jaola koko kaisei khamegna. Jame mana koko kaisei ghahegna gaꞌase na, mae igne mala jaola koko kaisei ghahegna.

Eksodas 21:25

Jame gnubra mana gaꞌase igne ka khaꞌaghi, mae igne mala jaola gnubra ka khaꞌaghi. Jame te vahe mana gaꞌase igne, mana mala jaola mala ghoreho. Eghuteuna jame te fnera gaꞌase igne, nu theome jifla mei dadara teuna, mae igne mala jaola fnera.