Levitikas 23:39 - Buka Blahi Ka Cheke Holo

³⁹ “Leuleghu finogha, ke leghu kate hata gano ka nomi nagare re, ka fafitu nhigra, ka fabotho glima narane gna na, ghotilo mala eni Narane biꞌo te mala Au ka Grorofe Ikoi igne. Narane biꞌo igne mala eni nabagna fitu narane. Narane ululahu gna na, nei fahana narane gna na, phei narane igre mala gnafa ghotilo.

Levitikas 23:39 ပူးပေါင်းရင်းမြစ်များ

Eksodas 23:16

“Ghotilo mala jaola ke ghatho fapuloni narane biꞌo teke funu atha gano majaghani teke joꞌu ghotilo ka nomi nagare ra. “Nei ghotilo mala ke ghatho fapuloni narane biꞌo teke au teku ghotilo ka suga tapuale ra, ghotilo neke kulu ukli sisi grep mala eni waen nei oliv mala eni oliv oel neku neke thokei mei nga ka nhigra nakhete na.

Diutronomi 16:13

Mae Moses ne cheke eghu, “Leuleghu fata kate gnafa gloku ghotilo ka nagare na, nei hata keha sisi grep ka nagare na teuna, ghotilo ei Gaghamu biꞌo te mala Au ka Grorofe Ikoi na. Gaghamu biꞌo igne nabagna fitu narane.

Levitikas 23:34

“Cheke ka naiknodi Israel, leuleghu finogha, ka fafitu nhigra igne, ka fabotho glima narane gna na, ghotilo mala eni Narane biꞌo te mala Au ka Grorofe Ikoi, narane biꞌo igne mala eni nabagna fitu narane.

Levitikas 23:36

Eghuteuna leuleghu narane te tei thoke ka fafitu narane na, ghotilo mala eni kaisei fafara mala tusu mei ka iara jateula kaisei glepo blahi eghu ka iara Lord. Ka fahana narane na, ghotilo mala kafe mei mala kilo fnakno ghau iara, nei mala ke eni kaisei fafara mala tusu mei jateula kaisei glepo blahi eghu ka iara. Igne narane mala kilo fnakno ghau iara, eghuteuna blahi te mala eni ghotilo kaisei gloku tagna na.

Levitikas 23:24

“Cheke ka naiknodi Israel, leuleghu finogha, ka fafitu nhigra ka narane ulu lahu gna nhigra tuana, ghotilo mala tathaji kaisei narane mala thofno gnafa kolho. Kate nomhini ghotilo naogla gna trampet te taitanhi fabiꞌo na, igne fagaglana gna narane biꞌo na, ghotilo te gnafa na mala kafe mei mala kilo fnakno ghau iara.

Levitikas 23:38

Narane biꞌo te gnafa igre ghotilo mala jaola tathaji fakeli narane Sabat te gnafa, nei namha te gnafa, nei nhaꞌa cheke te gnafa, nei nogna fafara te gnafa mae ihei te leghuni unha te magnahagheni mana.

Levitikas 23:40

Ka narane ululahu gna narane biꞌo igne, ghotilo mala hata mei famane sisi ka nomi gaju ghotilo ra, eghuteuna ghotilo mala hata khakladi gaju thubo, nei gregedi gaju te au kmana khaklagna, mala fufunu narane biꞌo igne. Eghuteuna ghotilo mala glealeꞌa nei ghatho tahu ghau iara Lord nomi God ghotilo.