Levitikas 23:32 - Buka Blahi Ka Cheke Holo

³² Funu ka faheva narane gna nhigra igne ghilei plulu naprai ka fabotho narane na, ghotilo mala gnafa. Igne kaisei narane mala gnafa ghotilo, blahi ghotilo te ghamu kaisei gano na.”

Levitikas 23:32 ပူးပေါင်းရင်းမြစ်များ

Hibru 4:11

Tahati fariuriu fara mala tei thoke ka namono igne mala gnafa tifa tifa balugna God. Na eghunu jateula teke edi mae tifa teke patugama ra eghu keha naikno ka tahati te figri tagruni God na, naugna mare neke theome thokeni namono tuana.

Hibru 4:3

Nu tahati naikno te fatutuani gre tangomana te ruma ka namono mala gnafa na tifa tifa. “Tahati laseni kaisei namono te thofno tutuani mala gnafa naugna God neke cheke eghu eidi mae Israel, ‘Ginauna na theome tangomana te mei ka namono te au iara na mala gnafa balugu iara!’ ” God ne cheke eghu theome eigna teke theome kulu tarabana mana kaisei namono te mala gnafa na, theo. Namono igne la kulu tarabanahi kate ke loku fagnafa nogna gloku na ka teke vuavuhadi mana gobigna lepo ka nauthoglu gne. Tutuani, nogna gnafa mana na fufunu ka narane tuana tifa tifa.

Ululahu Korin 11:31

Jame te kulu filo glanidighu tahati nagnafada thedare nei edi gobigna lepo te doglo ba loku ka puhi te keli teuna, God ginauna theome fate ghita.

Matiu 5:4

Keli tadi iheire te au diꞌanagnafa, mare ginauna nake gleꞌau. Naugna God ginauna fameomegodi.

Profet Isaia 61:3

eghuteuna mala fameomegodi nei faglealeꞌadi eghu naikno te diꞌanagnafa ka namono Saion. Mare ghiha nakrofu ka phaꞌudire fagaglana gna nodi diꞌanagnafa na, nu mare ginauna nake gleale'au, jateula te fahaghe khepi nafnakno ra eghu. Tifa na mare neke diꞌanagnafa nei tanhi neku, nu ginauna mare na koje mala kilo fnaknoni Lord. Mare ginauna doglo ke ulugu iara jateula gaju ok te doglo teke joꞌu thegna Lord ra eghu. Eghuteuna mare te gnafa na ginauna kilo fnaknoni Lord eidi glepo te keli teke edi manare.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Nodi Khoje Hatimare Mae Jiu 51:17

Nafnata fafara te magnahagheni iagho na, u nakarha te nhaꞌa fapari na kolho. Iagho theome tangomana te figri tagruni ihei te tughu nagnafa te nhaꞌa faparini thegna na.

Nodi Khoje Hatimare Mae Jiu 35:13

Nu iara theome jateula mare eghu. Thono theo fara. Kate fogra mare na iara pipichi pohe thona nei theome ghamu eghu, fagaglanagna nogu diꞌanagnafa eidi mare na. Eghuteuna iara neke tore nigho iagho mala toghodi mare.

Levitikas 23:27

“Leuleghu finogha, ka fabotho narane gna fafitu nhigra na, ghotilo mala tarai ka Narane biꞌo igne mala Hata Fadelei Nakhibo. Ka narane biꞌo igne, ghotilo mala thosei ghamuni kaisei glepo. Eghuteuna ghotilo mala kafe mei mala kilo fnakno ghau iara, eghuteuna ghotilo mala eni kaisei fafara mala tusu mei jateula glepo blahi eghu ka iara Lord.

Levitikas 16:31

Narane igne kaisei narane ulu mala gnafa fakeli ghotilo tagna jateula kaisei narane Sabat eghu. Eghume leuleghu finogha, ka narane igne, blahi te mala ghamu ghotilo na, eghuteuna jaola blahi te mala loku ghotilo na. Vetula igre ghotilo mala thofno leghudi fabrahu.

Levitikas 23:31

Ghotilo thosei eni kaisei gloku ka narane igne! Igne kaisei vetula te mala leghuni fabrahu ghotilo ka vido aheva te au ghotilo na.

Levitikas 23:33

Lord ne cheke eghu ka Moses,

Nehemaea 13:19

Ka grafi ame fufunu nga narane Sabat na teuna, kate theome agha naprai ka grengathagna namono Jerusalem igne, iara chekedi hatimare mae greireghi grengatha igre mala bobotho grengathare, eghuteuna thosei tothora grengatha igre ghilei gnafa narane Sabat na. Aonu iara lilisei keha nogu mae gloku mala fiofilodi grengatha igre, mala theome tangomana kaisei naikno te hata maket te tei ke lamnagna namono na ka narane Sabat.

Levitikas 16:29

“Igne vetula eigna Narane biꞌo te mala Hata Fadelei Nakhibo te mala leghuni fabrahu ghotilo na. Leuleghu finogha, ka fafitu nhigra, ka fabotho narane gna na, ghotilo naiknomi Israel baludi keha naikno te au balumi ghotilo are, ghotilo te gnafa na mala thosei ghamu nei thosei eni kaisei gloku.