Levitikas 23:30 - Buka Blahi Ka Cheke Holo

³⁰ Eghuteuna jame kaisei naikno eni kaisei gloku ka narane biꞌo igne, iara ginauna faleheni mana.

Levitikas 23:30 ပူးပေါင်းရင်းမြစ်များ

Levitikas 20:3

Mae ihei te eni igne mana goigoni ni nogu vido blahi iara na, nei goigoni ni nanghagu iara te blahi na. Eghume iara ginauna figri tagruni nei lisei fadeleini ka naiknodi Israel.

Ululahu Korin 3:17

Eghuteuna jame ihei te roꞌeni sugagna God na, God ginauna jaola roꞌeni mana. Naugna sugagna God na blahi fara, eghuteuna ghotilo jateula sugagna mana na eghu mala blahi fara.

Profet Sefanaea 2:5

Ghotilo naiknomi Filistia te au ka gratha ra, ghotilo ginauna au papara, naugna God na la fate ghamihi ghotilo. Mana ginauna goigoni ghami ghotilo, eghuteuna theo kaisei naikno nate au faleghu ka ghotilo na.

Profet Esikiel 14:9

“ ‘Jame kaisei mae chaghini kaisei mae profet, eghuteuna mae profet igne tusu lao kaisei cheke tughu chaichaghi, mana ginauna jateula iara Lord te chaghini na eghu. Eghuteuna iara ginauna roꞌeni mana ka nogu naiknore.

Profet Jeremaea 15:7

Iara ginauna atha fajifla ghami ghotilo ka nomi namono are, jateula mae ihei te koko haghe wit ka nuri te mala khoko chara ka khatudi ra eghu. Ghotilo nogu naikno iara gre jateula chara wit te theo nafudi ra eghu. Eghuteuna iara ginauna atha fadelei, nei goigoni fahui eghu nomi gobigna lepo te gnafa ghotilo are, naugna ghotilo ne theome koko puhimi te diꞌare.

Jenesis 17:14

Mae ihei te theome tohi fagaglana na, mae tuana theome nogu iara, naugna mana ne huhughuni nogu nhaꞌa cheke iara na.”

Levitikas 23:29

Jame ihei te huhughu te ghamu ka narane biꞌo igne na, ghotilo mala lisei fadelei ka nogu naikno iara re.

Levitikas 23:31

Ghotilo thosei eni kaisei gloku ka narane igne! Igne kaisei vetula te mala leghuni fabrahu ghotilo ka vido aheva te au ghotilo na.