Levitikas 23:27 - Buka Blahi Ka Cheke Holo

²⁷ “Leuleghu finogha, ka fabotho narane gna fafitu nhigra na, ghotilo mala tarai ka Narane biꞌo igne mala Hata Fadelei Nakhibo. Ka narane biꞌo igne, ghotilo mala thosei ghamuni kaisei glepo. Eghuteuna ghotilo mala kafe mei mala kilo fnakno ghau iara, eghuteuna ghotilo mala eni kaisei fafara mala tusu mei jateula glepo blahi eghu ka iara Lord.

Levitikas 23:27 ပူးပေါင်းရင်းမြစ်များ

Eksodas 30:10

Kaisei fata leuleghu finogha, Eron atha katha dadara buluka teke aknu falehe na mala fafara mei mala gae ghotilo ka tathagu iara na, eghuteuna lilisei ka fati hona gna olta igne mala fablahi iara Lord. Leuleghu finogha na mae pris biꞌo mala eni igne fabrahu.”

Levitikas 16:24

Eghuteuna mana mala apu ka vido blahi tuana, eghuteuna ke leghu mana mala fahaghe keha pohe mala eni nogna gloku na. Mana fahaghe nogna pohe ne jifla kosi mala fafara sipu nalhaꞌugna te thofno krono fara na mala hata fadelei nakhibo gna thegnare, eghuteuna mana fafara keha sipu nalhaꞌu gna na mala thofno krono fara mala hata fadelei nakhibodi naiknore.

Levitikas 16:15

“Eghuteuna ke leghu na, mana mala aknu falehe nanigot gna fafara te mala ke doglo ghotilo ka tathagu iara na. Eghuteuna mana mala hata mei dadara gna na lamna ka Chogho te Thofno Blahi fara na, eghuteuna mana mala fuafusa lao katha ka thotoku gna Bokis Blahi na nei ka glose ke ulugna Bokis Blahi na, jateula teke eni ka dadara gna buluka ia eghu.

Profet Sekaraea 12:10

Lord ne cheke eghu, “Iara ginauna edi tharaknagna Devet nei naiknodi Jerusalem mala thofno au gaoghatho te keli, eigna mare tangomana te kokhoni ni keha mae na, eghuteuna mare tangomana te tarai ka iara mala toghodi. Mare ginauna filo mei ka iara, mae ihei mare teke fadini. Eghuteuna mare ginauna diꞌanagnafa nei tanhi eghu ka mana, jateula mae te au kaisei thugna kolho te lehe ra eghu, ba mae te lehe thugna teke kulu karha na.

Profet Isaia 58:5

Kate mala ghatho tahu ghau iara teu te theome ima na, ghotilo papara fara. Ghotilo pogho pari ghilei tei gefe jateula khakla gaju eghu pari phaꞌumire. Ghotilo tofa nakrofu ka nomi pohere mala thuru ke klignadi. Ba, na keli tagu iara ka nafnata puhi te edi ghotilo igre neu si ghotilo ia? Thono theo fara!

Esra 8:21

Kate au teu ghehati ka gerigna khoꞌu biꞌo Ahava igne, iara ne cheke ka mae iheire te khapru teu ka vido igne mala thosei ghamu nei nhaꞌa fapari ghami themi ke ulugna God. Eghuteuna ghehati toreni mana mala batu ghami ka nabrou na nei reireghi fakelidi thumi nei nomi gobigna lepore.

Levitikas 25:9

Ka phiatutu nheva finogha tuare, ka fafitu nhigra na, ka fabotho narane gna na, igne Narane biꞌo mala Hata Fadelei Nakhibo, eghume ghotilo mala kurudi naiknore mala tei ifu fabiꞌo trampet heva heva ka nomi kantri na.

Levitikas 16:11

“Kate aknu falehe Eron buluka nalhaꞌugna igne mala fafara eigna thegna nei tharakna gna mana teu te mala ke doglo ka tathagu iara na,

Jemes 4:9

Ghotilo theome nabami te maꞌe nei gleale'a teuna, nu ghotilo nabami na au diꞌanagnafa nei tanhi eghu, naugna ghotilo au nakhibo biꞌo fara.

Nodi Khoje Hatimare Mae Jiu 35:13

Nu iara theome jateula mare eghu. Thono theo fara. Kate fogra mare na iara pipichi pohe thona nei theome ghamu eghu, fagaglanagna nogu diꞌanagnafa eidi mare na. Eghuteuna iara neke tore nigho iagho mala toghodi mare.

Mae Khuru 27:9

Ghehati ne au kmana narane jare, aonu kaisei nodi narane biꞌo mae Jiu te mala gae ke ulugna God na la sala'uhi. Eghuteuna gognaro na ghehati thokeni hila narane diꞌa te theome naba te mala tei ka nhorora na. Aonu mae Pol ne cheke eghu,

Levitikas 23:26

Lord ne cheke eghu ka Moses,

Levitikas 23:28

Ghotilo thosei eni kaisei gloku ka narane biꞌo igne, blahi! Naugna narane mala hata fadelei nakhibomi ghotilo re, mala ke doglo ghotilo ka tathagu iara na.

Levitikas 16:16

Eghume ka puhi igne, pris biꞌo tangomana te eni igne ka Chogho te Thofno Blahi fara na nei ka Suga Tapuale te Blahi na mala klino ka tathagu iara na. Eron mala jateula igne eghu ka nakhibodi naiknodi Israel naugna mare theome klino ka tathagu iara na.