Levitikas 23:24 - Buka Blahi Ka Cheke Holo

²⁴ “Cheke ka naiknodi Israel, leuleghu finogha, ka fafitu nhigra ka narane ulu lahu gna nhigra tuana, ghotilo mala tathaji kaisei narane mala thofno gnafa kolho. Kate nomhini ghotilo naogla gna trampet te taitanhi fabiꞌo na, igne fagaglana gna narane biꞌo na, ghotilo te gnafa na mala kafe mei mala kilo fnakno ghau iara.

Levitikas 23:24 ပူးပေါင်းရင်းမြစ်များ

Ululahu Tesalonika 4:16

Lord thegna ginauna mei funu kligna. Tahati ginauna nomhini kaisei neha biꞌo balu naoglagna kaisei mae funeidi engel nei balu naogla khufli nogna God. Eghuteuna naikno khiloau teke lehe ra ginauna kulu kegra mala thafoni Lord.

Levitikas 25:9

Ka phiatutu nheva finogha tuare, ka fafitu nhigra na, ka fabotho narane gna na, igne Narane biꞌo mala Hata Fadelei Nakhibo, eghume ghotilo mala kurudi naiknore mala tei ifu fabiꞌo trampet heva heva ka nomi kantri na.

Fapea Kronikols 5:13

Eghuteuna kate koje teu mae te mala koje gre, hatimare mae pris gre ifu ka trampet, eghuteuna keha maere mare lalahu ka simbol nei ghita. Nodi khoje mare igre famane fara fanomhodi re. Mare koje mala kilo fnaknoni Lord, ne cheke eghu: “Lord thofno keli fara, eigna Mana ghatho ghita fabrahu.” Aonu kaisei khoveo mei ne fodu ka Sugablahi na,

Profet Isaia 27:13

Eghuteuna ka narane igne, kaisei mae ginauna kufli mala kafe kilodi vikeda teke hata teke tei mae naoka teke tei au Asiria nei Ijep, mala ke mei mala pogho soruni Lord ka Thogele Blahi Jerusalem.

Esra 3:6

Nabotho glima narane ke ulugna narane Gaghamu Grorofe igne, neuba mare ne theome funu babana fapulo neu Sugablahi na, mare ne funu eni fafara te thofno krono na mala tufru soruni Lord.

Ululahu Kronikols 15:28

Aonu naiknodi Israel te gnafa igre hata ne haghe Jerusalem nogna Bokis Nhaꞌa Cheke Lord na, mare ne eha fabiꞌo ne glealeꞌa fara. Eghuteuna mare kufli nei lalahu babuban nei lalahu thua nafnata gita.

Levitikas 23:23

Lord ne cheke eghu ka Moses,

Nehemaea 8:2

Aonu ka narane ululahu ka nhigra igne, mae Esra hata ne mei buka igne, eghuteuna mana kegra haghe ke uludi mae nalhaꞌu, nei goro gaꞌase, nei goro sua iheire te tangomana te laseni unha te iuꞌijuni mana na.

Nodi Khoje Hatimare Mae Jiu 89:15

Iheire te koje kilo fnakno nigho iagho gre ngala te glealeꞌa nodi na, naugna iagho ne keli fara ranghidi, nei kaisei phile baludi.