Levitikas 23:21 - Buka Blahi Ka Cheke Holo

²¹ Ghotilo mala thosei eni kaisei gloku ka narane biꞌo igne, ghotilo mala kafe mei mala kilo fnakno ghau iara. Igne vetula gna narane biꞌo te mala leghuni fabrahu ghotilo ka vido te gnafa aheva te au ghotilo na.

Levitikas 23:21 ပူးပေါင်းရင်းမြစ်များ

Levitikas 23:2

“Cheke ka naiknodi Israel. Igre nogna narane biꞌo Lord mala khapru mei ghotilo mala kilo fnakno ghau iara.”

Naba 18:23

Vikegna Livae kolho te mala reireghini Suga Tapuale te Blahi na. Eghuteuna jame kaisei mae theome leghuni vetula gna Suga Tapuale te blahi na, vikegna Livae igne naba te papara na. Mare mala leghuni fabrahu vetula igne. Vikegna Livae igre ginauna theome khotogna kaisei vido glose.

Levitikas 23:14

Blahi te ghamu ghotilo gano saro ulu ka nomi nagare are, neuba ne famane, ba ghotilo gahu, ba ghotilo ei bret tagna, ghilei thokeni narane te fafara ghotilo ka iara na. Igne kaisei vetula te mala leghuni fabrahu ghotilo na, neuba ghotilo ne au ka namono aheva.”

Levitikas 23:4

“Keha Narane biꞌo te mala kafe khapru mei te mala kilo fnakno ghau iara, iara neke vahini malami ghotilo, eghuteuna iagho mala chekeni thofno narane gna na ka naiknore.

Jenesis 17:7

Iara ginauna na farerheta nogu nhaꞌa cheke na ka iagho nei ka thumu iagho nate mei ke leghumu iagho re eghu fabrahu tifa e tifa. Iara ginauna mala nou God iagho nei jaola mala nodi God thumu iagho re eghu.

Profet Isaia 11:10

Ka narane igne, king te jateula glathi ka vikegna King Devet teu igne, ginauna na jateula kaisei flagi eghu, mala tangomana naiknodi keha kantri are te mei filoni mana. Eghuteuna naikno te gnafare ginauna ghatho tahuni namonogna mana Jerusalem.

Diutronomi 16:11

Ghotilo balu thumi, nomi mae gloku nei gaꞌase gloku, nei mae Livaet ka namonomi ghotilo ra, maedi delei te au balumi ghotilo ra, goro sua glehe kokoi ra, goro naikno biꞌo ra, ghotilo te gnafa na kafe tei mala glealeꞌa ka vido blahi aheva Lord teke vahini te mala au nanghagna na.

Levitikas 23:7

Ka narane ulu lahu gna gaghamu biꞌo igne, igne kaisei narane blahi mala kafe khapru mei ghotilo mala kilo fnakno ghau iara. Eghuteuna ka narane igne ghotilo mala thosei loku.

Levitikas 3:17

“Ghotilo naiknomi Israel ra thosei ghamu kaisei garofa ba dadara buluka. Igne kaisei vetula te mala leghuni nei taji fakelini teu fabrahu ghotilo ka namono aheva nate au ghotilo tagna na.”

Levitikas 23:20

Pris mala hata phei bret igre baludi phei sipu, mala pala mei ke ulugu iara jateula kaisei fafara eghu ka iara. Eghuteuna fafara igne blahi nogu iara Lord, eghuteuna pris kolho tangomana te mala ghamu na.

Levitikas 23:25

Ka narane biꞌo tuana, ghotilo mala thosei eni kaisei gloku. Eghuteuna ghotilo mala eni kaisei fafara mala tusu mei jateula kaisei glepo blahi eghu ka iara Lord.”

Eksodas 27:21

Leuleghu bongi na, Eron na fakasa juta re ka Thaba te lilisei Juta, eghuteuna mana fiofilodi mala phae ke ulugu iara ghilei hamerane. Thaba te mala lilisei Juta igre mala au ke ulugu iara ke lamna Suga Tapuale te Blahi ke kosi ka pohe te bobotho Chogho te Thofno Blahi fara na aheva te au Bokis Blahi na. Ghotilo naiknodi Israel mala leghuni fabrahu vetula igne.”

Levitikas 23:31

Ghotilo thosei eni kaisei gloku ka narane igne! Igne kaisei vetula te mala leghuni fabrahu ghotilo ka vido aheva te au ghotilo na.