Levitikas 23:1 - Buka Blahi Ka Cheke Holo

¹ Lord cheke eghu ka Moses,

Levitikas 23:1 ပူးပေါင်းရင်းမြစ်များ

Levitikas 22:33

Iara neke hata fajifla ghami ghotilo Ijep mala nomi God ghotilo. Iara Lord.”

Levitikas 23:2

“Cheke ka naiknodi Israel. Igre nogna narane biꞌo Lord mala khapru mei ghotilo mala kilo fnakno ghau iara.”

Naba 15:3

ne magnahaghei edi fafara te blahi nga ghotilo jare nu, ghotilo tangomana te atha kaisei buluka, ba sipu nei nanigot. Ka glepo te tautagu igre ghotilo ginauna tangomana te eni fafara te knoro ia, ba fafara naugna ghotilo neke eni kaisei nhaꞌa cheke, ba fafara mala edi ghotilo unha te magnahaghedi ghotilo re, ba keha fafara te magnahaghei edi ghotilo ka nomi gaghamhu re.

Profet Esikiel 45:17

King igne ginauna hata mei fafara te thofno krono fara na, eghuteuna fafara ka flaoa ka famane wit, nei fafara teke tofa waen naikno rhegna olta na. Fafara igre ginauna mala Gaghamu Khafa, nei narane Sabat, nei keha narane biꞌo te vavahi iara malami ghotilo naiknomi Israel. King ginauna famei glepo igre mala fafara mala ke doglo naikno na ka tathagu iara na, eghuteuna flaoa ka famane wit, nei fafara te thofno krono, nei fafara te mala laseni te au fakeli naikno na balugu iara. Jame te eni ghotilo igne na, ghotilo naiknomi Israel te gnafa igre ginauna doglo ka tathagu iara na.”

Levitikas 23:44

Aonu Moses ne leghuni unha te chekeni Lord igne ne cheke ka naiknodi Israel eidi nogna narane biꞌo Lord igre.

Ululahu Kronikols 23:31

Mare eni nafnata puhi igne kate gahu fafara ka narane Sabat, nei ka Gaghamu Khafa, nei ka keha narane biꞌo mala tarai. Mae igre edi gloku ka Sugablahi na leghuni thofno naba te magnahagheni mare na nei leghuni kastom gna gloku na.

Fapea Kronikols 2:4

Uve, iara gognarona tarabana mala horo kaisei Sugablahi mala tarai nei tufru soruni eghu Lord nogu God, nei mala gahu insens te famane sisiri keligna fara. Eghuteuna ghehati ginauna fafara bret blahi na ka Lord leuleghu narane, hamerane nei grafi, ka narane Sabat, nei ka Gaghamu Khafa, nei ka keha nogna narane blahi God. Ghehati ginauna gahu fafara ka Sugablahi igne mala ghatho tahuni Lord. Eghuteuna ghehati ginauna eni igne fabrahu leghuni unha teke chekeni Lord.

Fapea Kronikols 8:13

Mana fafara koba ka narane blahire leghuni unha te chekeni ka nogna Vetula mae Moses. Tulao ka Narane Sabat, Gaghamu Khafa, nei thilo gaghamu te edi mare leuleghu finogha, Narane biꞌo eigna Bret te Theo Isi gna, Narane biꞌo eigna Fitu Wik, nei Narane biꞌo Eigna te Au ka Grorofe Ikoi.

Profet Isaia 1:13

Iara theome magnahaghedi fafara te famei fabrahu ghotilo ka iara igre. Kate gnanghodi iara nomi insens ghotilo igre, iara thono rogu luꞌadi fara. Eghume, naugna te edi fabrahu ghotilo puhi te diꞌa igre, iara jaola theome magnahaghei te filodi Gaghamu Khafa, nei Narane Sabat nei keha narane teu te khapru te faidu ghotilo are.

Profet Esikiel 44:24

“Eghuteuna jame naiknore fari pholai, mae pris mala leghuni nogu vetula iara na mala fadoglini ka mare fapholai igne. Mare mala tajidi nogu gaghamu iara re, leghuni unha te chekeni ka nogu vetula iara na, eghuteuna tajini narane blahi Sabat.

Profet Esikiel 46:11

Ka narane gaghamu na, ihei jaola te hata te mei sipu nalhaꞌugna te mala fafara na, mana mala nhaꞌa lao nabotho kilo wit ba bali, balugna buluka nalhaꞌugna, eghuteuna mana mala jaola eni igne ka sipu nalhaꞌugna. Eghuteuna eidi sua sipu igre, mana ginauna tangomana te hata niha wit ba bali te magnahaghei tusu lao na. Eghuteuna mana hata fati lita oliv oel, balu nabotho nhana kilo wit ba bali teke hata teke mei mana na.

Galesia 4:10

Leghu fata na ghotilo tathaji u narane tuthuana, khafa majaghani nei keha nafnata narane ulu ka finogha.

Kolose 2:16

Eghume, thosei snakreni kaisei naikno mala lilisei kaisei vetula ranghi ghami eidi gano nei khoꞌu ba narane Sabat ba gaghamu eigna glaba majaghani ba keha narane tuthuana teu are.