Levitikas 22:8 - Buka Blahi Ka Cheke Holo

⁸ Mae pris re theome tangomana te ghamu nafnahidi glepo tautagu teke lehe thegna na, ba glepo mata teke aknu falehe na, naugna nafnahi tuana ginauna fathona ni mana ka tathagu iara na. Iara Lord.

Levitikas 22:8 ပူးပေါင်းရင်းမြစ်များ

Levitikas 17:15

“Jame kaisei khulumono gna Israel ba mae phosa ghamu nafnahi glepo tautagu teke lehe thegna, ba neke kathu falehe khuma mhata, mae tuana mala titihi nogna pohe na, eghuteuna mana mala apu fakeli, mae igne ginauna theome klino ka tathagu iara na ghilei rafi. Nu ke leghu, mana ginauna klino ka tathagu iara na.

Eksodas 22:31

“Eghume ghotilo nogu naikno iara ra, ghotilo thosei ima nafnahi buluka ba sipu teke falelehe mata. Ghotilo atha mala faghamu khuma kolho.”

Profet Esikiel 44:31

Pris theome mala ghamu nafnahi nanghaji ba nanigot teke lehe thegna ba teke kathu falehe khuma mata.”

Diutronomi 14:21

“Ghotilo thosei ghamu buluka ba unha te filoni ghotilo tela lehehi thegna na. Ghotilo tangomana te tusu lao glepo igne ka maedi delei te mei au balumi ghotilo are mala ghamu mare, ba ghotilo tangomana te sabiri ka naiknodi keha kantri are. Ghotilo eni igne naugna ghotilo nogna naikno blahi Lord, nomi God. “Eghuteuna kate kuki ghotilo kaisei nanigot ikoi na, ghotilo thosei kuki ka milk gna idogna na.”

Levitikas 7:24

Eghuteuna garofadi glepo tautagu te lehe kolho thedi, ba garofadi glepo tautagu teke kathu falehe glepo tautagudi mata igre, ghotilo thosei ghamu. Ghotilo tangomana te atha garofa tuana maladi keha nafnata gaoghatho, nu blahi te ghamu ghotilo na.

Profet Esikiel 4:14

Nu iara cheke eghu, “Lord! Iara theome eni kolho kaisei glepo te mala thona iara ka tathamu iagho na. Funu ka narane kani suagu te ghilei mei posa ka narane gognarogne, iara theome ghamu kaisei nafnahi buluka teke lehe thegna, ba keha nafnata glepo tautagu teke kathu falehe keha glepo te tautagu na. Iara theome ghamuni kaisei gano te theome gae ka tathamu iagho na.”

Eksodas 22:30

buluka nei sipu eghu teke kulu karha are eghu mala nogu iara. Sua buluka nei sipu teu are mala au ka idogna na naba fitu narane, eghuteuna ka fahana narane na ghotilo falelehe mala fafara ka iara.