Levitikas 22:32 - Buka Blahi Ka Cheke Holo

³² Ghotilo thosei lausasaba ni nanghagu iara te blahi gne, nu ghotilo naiknomi Israel ra laseni te iara blahi, eghuteuna iara na fablahi ghami fabrahu leghu fata.

Levitikas 22:32 ပူးပေါင်းရင်းမြစ်များ

Luku 11:2

Mae Jisas ne cheke eghu, “Kate tarai na, ghotilo cheke eghu, “ ‘Mama, ghehati magnahaghei te ghatho tahuni nanghamu te blahi. Ghehati magnahaghe nigho te mei funei fruni ghami.

Levitikas 18:21

“Blahi ihei ka ghotilo te faleheni thugna na, eghuteuna gahu ka khaꞌaghi te mala fafara ka god Molek, naugna puhi igne goigoni nanghagu iara te blahi nomi Lord God ghotilo.

Matiu 6:9

“Eghume, kate tarai na, ghotilo tarai jateula igne eghu: “ ‘Mama te au kligna, ghehati magnahaghei te ghatho tahuni nanghamu te blahi.

Levitikas 22:2

“Cheke ka Eron baludi thugna mana ra mala au fadelei mare ka glepo blahi teke lisei fadelei naiknodi Israel mala fafara mei ka iara, aonu mae pris gre mala theome goigoni nanghagu iara te blahi na. Iara Lord.

Levitikas 10:3

Aonu mae Moses ne cheke eghu ka mae Eron, “Igne gaoghatho gna unha teke cheke eghu Lord ia: “ ‘Iara ginauna fakakhana te blahi iara ka iheire te mei namo ka iara na. Eghuteuna nogu naikno iara gre ginauna fafnaknoni nogu nolaghi iara na.’ ” Nu mae Eron ne au kmu kolho.

Ululahu Korin 1:2

te riso ari letas igne ka ghotilo naikno khiloau te au ka namono biꞌo Korin. God kilo ghami ghotilo mala nogna naikno blahi mana baludi naikno heva heva te tore ka nanghagna noda Lord Jisas Kraes. Jisas noda Lord tahati gnafa!

Jone 17:17

Mama, fablahidi kau chekemu te tutuani fara.

Profet Isaia 5:16

Nu mare ginauna na fafnaknoni Nanghagna Lord mae ihei te au nolaghi fateote'o igne. Naiknore ginauna filoni puhigna noda God te blahi fara igne thofno doglo fara. Naugna Mana fatedi naiknore ka puhi te doglo.

Levitikas 21:15

Jame te theome eghu na, thugna re theome klino ka tathagu iara na. Iara Lord, iara neke fablahini mana.”

Levitikas 21:8

Ghotilo naiknomi Israel ra mala ghatho tahudi mae pris gre mae blahi, naugna mare mala fafara gano blahi. Naiknore mala laseni mae pris te gnafa igre blahi naugna iara Lord, iara blahi, eghuteuna iara fablahidi nogu naiknore mala blahi.

Levitikas 20:8

Ghotilo faꞌuvedi nei leghudi eghu nogu vetula nei nogu cheke teu iara gre, naugna iara Lord neke fablahi ghami ghotilo.

Levitikas 22:16

Jame pris snakreni mae ihei te theome nabagna te mala ghamu gano blahi igne na, nabagna na mae igne papara eigna igne. Iara Lord, mae ihei teke edi fablahi igre.”

Levitikas 22:31

“Ghotilo mala leghudi nogu cheke iara igre naugna iara Lord.

Levitikas 22:33

Iara neke hata fajifla ghami ghotilo Ijep mala nomi God ghotilo. Iara Lord.”

Profet Isaia 8:13

Iara Lord mae ihei te au nolaghi fateote'o nei thono blahi fara. Iara kolho mae ihei te mala ghatho tahuni, nei mhaghuni teu iagho na.