Levitikas 22:27 - Buka Blahi Ka Cheke Holo

²⁷ “Jame kaisei sua buluka, ba sua sipu, ba sua nanigot karha majaghani, khudau mala au balugna idogna na nabagna fitu narane. Ke leghu gna te gnafa fitu narane igre, naba ghotilo te hata te mei te mala fafara ke kligna olta mala tusu mei jateula glepo blahi eghu ka iara Lord.

Levitikas 22:27 ပူးပေါင်းရင်းမြစ်များ

Eksodas 22:30

buluka nei sipu eghu teke kulu karha are eghu mala nogu iara. Sua buluka nei sipu teu are mala au ka idogna na naba fitu narane, eghuteuna ka fahana narane na ghotilo falelehe mala fafara ka iara.

Levitikas 22:25

Ghotilo theome tangomana te hata nafnata glepo tautagu igne ka ihei te theome naikno gna Israel, ghotilo thosei fafara glepo igne jateula gano blahi eghu ka iara. Nafnata glepo tautagu igne theome naba nei au thona ka thinigna na, eghume iara theome gleꞌani nafnata fafara igne.”

Eksodas 28:38

Eron mala lilisei medol igne ka grere gna na. Igne fagaglana te atha mana glepo te jafra glahu te edi naiknodi Israel kate fafara mare ka iara. Mana mala eni igne mala gleꞌa iara Lord ka glepo blahi te tusu mei mare ka iara.

Levitikas 22:26

Lord tudu ne cheke eghu ka Moses,

Ululahu Samuel 7:9

Aonu mae Samuel ne aknu falehe kaisei sipu ikoi ne gahu knoro ka khaꞌaghi jateula kaisei fafara neu ka Lord. Eghuteuna mana ne tarai heta ka Lord mala toghodi naiknodi Israel. Eghuteuna Lord ne nomho ka nogna tharai mana na.

Eksodas 22:29

“Ghotilo thosei thodo te atha wit nei oliv oel nei waen mala fafara ka iara. Thumi nalhaꞌu teke kulu karha ka ghotilo are, nei