Levitikas 22:18 - Buka Blahi Ka Cheke Holo

^18-19 “Cheke ka Eron baludi thugna mana ra, nei naiknodi Israel eidi vetula te mala edi fafara te thofno krono fara. Jame kaisei ka ghotilo, ba kaisei naikno phosa te au balumi ghotilo hata mei glepo tautagu mala fafara gna kaisei nhaꞌa cheke, ba fafara teke eni leghuni unha teke magnahagheni mana na, te eghu na, glepo tautagu igne mala nabagna. Mala tangomana iara te glealeꞌa di fafara igre, mare tangomana hata te mei kolho buluka nalhaꞌugna, ba sipu nalhaꞌugna, ba nanigot nalhaꞌugna te theome au kaisei thona ka thinigna na.

Levitikas 22:18 ပူးပေါင်းရင်းမြစ်များ

Diutronomi 12:6

ghotilo nate hata te mei unha te mala fafara na. Fafara te thofno krono nei keha nafnata fafara la ngau, nei kaisei nomi fabotho re, nei nafnata fafara te nheta eigna nhaꞌa cheke, nei keha nafnata fafara te edi ghotilo leghuni unha te magnahagheni ghotilo, nei nomi sua buluka te karha ulu.

Naba 15:3

ne magnahaghei edi fafara te blahi nga ghotilo jare nu, ghotilo tangomana te atha kaisei buluka, ba sipu nei nanigot. Ka glepo te tautagu igre ghotilo ginauna tangomana te eni fafara te knoro ia, ba fafara naugna ghotilo neke eni kaisei nhaꞌa cheke, ba fafara mala edi ghotilo unha te magnahaghedi ghotilo re, ba keha fafara te magnahaghei edi ghotilo ka nomi gaghamhu re.

Levitikas 1:2

Eghuteuna Lord ne cheke ka mae Moses mala cheke mana ka naiknore. Mana ne cheke eghu, “Jame kaisei ka ghotilo magnahaghei fafara mala pogho soru ka iara, te keli na mana atha kaisei buluka ba kaisei nanigot ba kaisei nogna sipu.”

Mae Khuru 18:18

Mae Pol ne au Korin kmana narane baludi naikno khiloau re. Ke leghugna igne, mana jifla ne tei ka namono Kenkria. Jare mana ne kuchi fakmoꞌei khaklagnare. Igne kaisei nogna nhaꞌa cheke mana ka God. Aonu mana saghe ka vaka ne tei Siria. Prisila ghe mae Akuila ne tei balugna mana

Profet Nahum 1:15

Ghotilo naiknomi Juda! Filo ghotilo ia! Kaisei mae mala hata nonomho na la plomho mei ka thogele ro. Mana hata mei famane nonomho eigna pharikeli. Te keli na tahati mala gleale'a eidi noda narane biꞌo igre mala ke ghathodi noda nhaꞌa cheke teke eni tahati balugna Lord. Naikno te diꞌare ginauna theome tangomana nate mei hata noda namono tahati igne. Lord ginauna thofno goigonidi mare, eghuteuna theo kaisei ka mare nate karha na.

Profet Jona 2:9

Nu iara ginauna koje mala kilo fnakno nigho eghuteuna iara ginauna fafara mala cheke fakeli nigho. Gobigna lepo te nhaꞌa chekedi iara ka iagho igre, iara ginau na ediu. ‘Lord kolho tangomana te fakarhini naikno na.’ ”

Profet Jona 1:16

Mae te loku ka vaka na igre ne mhaghuni fara Lord kate filoni glepo igne. Aonu, mare atha kaisei glepo tautagu ne fafara ka Lord nei jaola ne nhaꞌa cheke ka mana.

Eklesiasti 5:4

Jame iagho eni kaisei nhaꞌa cheke ka God, iagho faghose leghuni nhaꞌa cheke teke eni iagho igne thosei ofo me raugha. God na theome kelitagna ka iheire te theome leghuni nodi nhaꞌa cheke na.

Nodi Khoje Hatimare Mae Jiu 116:18

Ka tathadi nou naikno iagho te salo fodu mei tarai ka nou Sugablahi iagho na Jerusalem igre, iara ginauna tusu ari glepo teke nhaꞌa chekedi iara ra. Tahati cheke fakelini Lord!

Nodi Khoje Hatimare Mae Jiu 116:14

Ka tathadi nogna naikno God te salo fodu mei tarai teu igre iara ginauna tusu ranghini mana gobigna lepo teke nhaꞌa cheke iara ka mana ra.

Nodi Khoje Hatimare Mae Jiu 66:13

Iara ginauna gahu nogu fafara na ka sugamu iagho na. Uve, iara ginauna tusu ari glepo teke kulu nhaꞌa chekedihi iara ka iagho ra.

Nodi Khoje Hatimare Mae Jiu 65:1

God, ghehati na haghe ka Thogele Saion mala pala hagheni nanghamu iagho na. Eghuteuna ghehati na edi unha teke mala edi teku teke nhaꞌa chekedi ghehati tifa ra.

Nodi Khoje Hatimare Mae Jiu 61:8

Leuleghu narane na, iara ginauna tusu ari ka iagho unha teke nhaꞌa cheke ne iara mala tusu ari ka iagho teku ia, eghuteuna iara ginauna na koje mala kilo fnakno nigho.

Nodi Khoje Hatimare Mae Jiu 61:5

God, iagho la nomhidihi unha teke nhaꞌa chekedi iara ka iagho ra. Eghuteuna iagho la fameihi ka iara unha te maladi iheire te ghatho tahu nigho re.

Nodi Khoje Hatimare Mae Jiu 56:12

God, iara ginauna na tusu ari ka iagho glepo teke nhaꞌa chekedi iara mala faꞌari ka iagho teku ra. Iara ginauna tusu ari ka iagho nogu namha na kate cheke fakeli nigho na.

Nodi Khoje Hatimare Mae Jiu 22:25

Iara ginauna na cheke fakeli nigho eidi unha teke edi iagho re ke uludi iheire te kafe khapru mei te mala pogho soru nigho re. Iara ginauna na fathokeni nogu nhaꞌa cheke na mala fafara ari ka iagho ka Sugablahi na.

Diutronomi 16:10

Aonu ka narane ululahu gna fahana gna wik, ghotilo ei Gaghamu biꞌo nabagna Fitu Wik. Ka narane biꞌo igne, ghotilo mala hata mei ka Lord leghuni unha ghotilo te magnahagheni. Unha te hata mei ghotilo na naba te leghudi glepo teke fablahi ghami Lord.

Diutronomi 12:17

Gobigna lepo te tufa ghotilo ka Lord igre, ghotilo thosei ghamu ka sugami re. Neubane kaisei ka fabothodi gano ba waen ba oel, eghuteuna neubane sua karha ulu ka nomi glepo te tautagu ghotilo, ba fafara eigna kaisei nhaꞌa cheke, ba kaisei fafara te eni ghotilo leghuni unha te magnahagheni ghotilo na, ba keha fafara la ngau, gobigna lepo jateula igre teuna blahi te ghamu ghotilo ka sugami re.

Levitikas 23:38

Narane biꞌo te gnafa igre ghotilo mala jaola tathaji fakeli narane Sabat te gnafa, nei namha te gnafa, nei nhaꞌa cheke te gnafa, nei nogna fafara te gnafa mae ihei te leghuni unha te magnahagheni mana.

Levitikas 17:13

“Jame kaisei khulumono gna Israel ba kaisei naikno phosa tei hili eghuteuna falelehe kaisei glepo tautagu ba kaisei nanghaji naba te mala ghamu na, mana tofa koko dadaragna na mala tatafru ka glose.

Levitikas 17:10

“Eghuteuna jame kaisei naikno gna Israel, ba kaisei naikno phosa au balumi ghotilo, koꞌu dadara ba ghamu nafnahi te dadara teu, iara ginauna theome magnahagheni naikno tuana, hata fadeleini ka naiknodi Israel.

Levitikas 7:16

“Jame kaisei mae ei fafara naugna mana neke eni kaisei nhaꞌa cheke, ba fafara te eni mana leghuni unha te magnahagheni mana na, mana tangomana te ghamu nafnahi gna fafara igne ka narane tuanala nei jaola ka keha narane na.

Levitikas 1:10

“Jame kaisei mae ka ghotilo magnahaghei fafara sipu ba nanigot te thofno krono, mana atha kaisei nalhaꞌu gna te theo kaisei thona ka thinigna na.

Levitikas 22:17

Lord neke cheke eghui ka Moses,

Profet Emos 4:5

Ghotilo hata mei koba bret te gahu balu isi mala cheke fakelidi ka iara. Ghotilo fahaehaghe ghami fara kate hata kmana glepo te mei te mala cheke fakelidi ka iara re. Puhi igre te thofno magnahaghedi ghotilore.” Igne chekegna Lord.

Profet Malakai 1:14

Iara ginau tibridi iheire te nhaꞌa cheke chaichaghi ka iara igre. Naugna mare ne theome leghuni nhaꞌa cheke mala atha mei famane sipu mala fafara ka iara tekura, nu mare atha mei ka iara sipu te diꞌare. Iara mae king biꞌo, mae ihei te nolaghi fateoteꞌo, eghuteuna naikno te gnafa ka nauthoglu igne mala kilo fnakno ghau iara. Uve, igne nogna cheke Lord.”

Fapea Kronikols 31:14

Eghuteuna kaisei mae Livaet nanghagna na Kore, thugna Imna, mana te reireghini grengatha gna Sugablahi fei ke maghati na. Mare jaola vahini mae Kore mala hata thufa teke tusu ranghini God naiknore, leghuni nodi magnahaghei thedi na. Eghuteuna mana jaola tufa gano igre ka hatimare mae pris nei hatimare mae Livaet.