Levitikas 21:8 - Buka Blahi Ka Cheke Holo

⁸ Ghotilo naiknomi Israel ra mala ghatho tahudi mae pris gre mae blahi, naugna mare mala fafara gano blahi. Naiknore mala laseni mae pris te gnafa igre blahi naugna iara Lord, iara blahi, eghuteuna iara fablahidi nogu naiknore mala blahi.

Levitikas 21:8 ပူးပေါင်းရင်းမြစ်များ

Levitikas 21:6

Mare mala au blahi malagu iara nodi God mare, eghuteuna mare mala theome goigoni ni nanghagu iara na, naugna mare mala ei fafara mala tangomana gano re te kaisei glepo blahi na. Naugna igne mare mala blahi fara.

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Jone 17:19

Iara na fablahi ghau thegu mala loku ranghi nigho iagho, mala tangomana langau mare te thofno blahi fara te mala loku ranghi nigho iagho na.”

Hibru 10:29

Te eghu na, unha nate eni God ranghini mae ihei te filo soruni Thugna God na? Unha nate eni God ranghini mae ihei te filo soruni dadaragna mae Kraes teke horoghoto ka nogna nhaꞌa cheke God na ngala nate fagaeni mana ka nakhibo na? Unha nate eni God ranghini mae ihei te filo soruni mae Tharunga te Blahi te falalase nogna namha na ka mana? Mae igne nabagna na mala au papara fara!

Jone 10:36

Eghuteuna ka unha gne site ne cheke faparini iara mae Mama teuni ghotilo gnea? Ba, naugna te cheke eghu iara, ‘Iara Thugna God’ teu iara gne? God vahi ghau iara neke kuru mei ghau iara kau nauthoglu gne.

Eksodas 29:1

Lord ne cheke eghu ka mae Moses, “Igne unha nate eni iagho kate taofidi mae Eron nei thugna manare teu te mala loku mare nogna gloku mae pris na ranghi ghau iara. Iagho mala atha kaisei sua buluka nalhaꞌugna nei phei sipu nalhaꞌudi te theo kaisei thona ka thinidire.

Eksodas 28:41

Iagho mala toghoni thabusimu Eron nei thugna mana re, mala fahaghe pohe igre. Aonu iagho mala tofa oel blahi ka phaꞌudi mare re mala fablahidi mare, mala tangomana mare te eni nogna gloku pris na ranghi ghau iara.

Eksodas 19:14

Kate soru mae Moses funugna ka thogele igne, mana ne fablahidi naiknore, mala tangomana mare te pogho soru ka God. Eghuteuna naiknore ne titihi nodi pohere.

Eksodas 19:10

Eghuteuna Lord ne cheke eghu ka mae Moses, “Iagho ke pulo ka naikno ra mala cheke ranghidi gognaro nei nathuꞌu iagho ginauna fablahidi, mala tangomana mare te pogho soru ka iara na. Mare mala jaola titihi fagae nodi pohere,

Profet Malakai 1:7

“Filo si ghotilo, ghotilo cheke eghu, ‘Ba? Niha ngala si teke cheke fadiꞌani ghehati nanghamu iagho naia?’ “Nu te chekeni iara ka ghotilo na, ‘Leghu fata na, ghotilo loku fadiꞌa ke kligna nogu olta iara.

Levitikas 22:16

Jame pris snakreni mae ihei te theome nabagna te mala ghamu gano blahi igne na, nabagna na mae igne papara eigna igne. Iara Lord, mae ihei teke edi fablahi igre.”

Naba 28:2

“Iagho na tonu lao nogu cheke iara gre ka naiknodi Israel: Leuleghu fata kate mala edi fafara re, ghotilo mala fafara nogu fafara blahi iara na mala mei sisiri gna te keli na nei gleꞌa iara eghu.

Nehemaea 13:29

Nogu God, ghathodi sagho puhidi mare te diꞌa igre, naugna mare ne ei fadiꞌa nogna gloku pris na, eghuteuna mare ne goigoni u nhaꞌa cheke teke eni iagho baludi mae pris nei mae Livaet.