Levitikas 21:6 - Buka Blahi Ka Cheke Holo

⁶ Mare mala au blahi malagu iara nodi God mare, eghuteuna mare mala theome goigoni ni nanghagu iara na, naugna mare mala ei fafara mala tangomana gano re te kaisei glepo blahi na. Naugna igne mare mala blahi fara.

Levitikas 21:6 ပူးပေါင်းရင်းမြစ်များ

Levitikas 18:21

“Blahi ihei ka ghotilo te faleheni thugna na, eghuteuna gahu ka khaꞌaghi te mala fafara ka god Molek, naugna puhi igne goigoni nanghagu iara te blahi nomi Lord God ghotilo.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Profet Esikiel 44:7

Ghotilo snakredi naiknodi kantri delei te theome vahe nei theome leghu ghau iara teu are te tei lamna ka nogu Sugablahi iara na. Ka puhi igne, ghotilo huhughunihi baubahu teke eni iara balumi ghotilo ia, eghuteuna ghotilo fachara ka nogu Sugablahi iara na kate hata mare garofa nei dadaradi buluka te fafara mei ka iara ra.

Profet Isaia 52:11

Jifla mei ka namono Babilonia! Jifla mei ka namono te diꞌa tuana! Thosei haboni kaisei glepo te thona ka tathagna God. Ghotilo mae te atha te mei glepo te blahi ka sugagna Lord ra, ghotilo mala jifla mei ka namono tuana, eghuteuna ghotilo mala gae ka tathagna God.

Esra 8:28

Iara tusu lao glepo igre ka hatimare nabotho phei mae pris igre, neke cheke eghu ka mare, “Ghotilo mae mala loku ranghini Lord nodi God kuꞌeda tifa ra, eghuteuna dis igre jaola nogna Lord. Eghuteuna gol nei silva teu igre jaola mala namha ranghini Lord.

Levitikas 21:8

Ghotilo naiknomi Israel ra mala ghatho tahudi mae pris gre mae blahi, naugna mare mala fafara gano blahi. Naiknore mala laseni mae pris te gnafa igre blahi naugna iara Lord, iara blahi, eghuteuna iara fablahidi nogu naiknore mala blahi.

Levitikas 19:12

“Eghuteuna ghotilo thosei nhaꞌa cheke chaichaghi ka nanghagu iara, naugna goigoni ni nanghagu iara na. Iara Lord.

Levitikas 10:3

Aonu mae Moses ne cheke eghu ka mae Eron, “Igne gaoghatho gna unha teke cheke eghu Lord ia: “ ‘Iara ginauna fakakhana te blahi iara ka iheire te mei namo ka iara na. Eghuteuna nogu naikno iara gre ginauna fafnaknoni nogu nolaghi iara na.’ ” Nu mae Eron ne au kmu kolho.

Eksodas 29:44

“Iara thegu ginauna fablahi Suga Tapuale te Blahi nei olta teu igre. Eghuteuna iara thegu ginauna fablahini Eron baludi thugna manare mala loku ranghi ghau iara jateula pris eghu.

Eksodas 28:36

Mare na atha kaisei vido famane gol ikoi ne eni kaisei medol tagna. Mare na famane tuge fatataba, eghuteuna ghagra cheke igre ka thagrugna: “Blahi ka Lord.”

Eksodas 19:22

Neubane mae pris, mae iheire te tangomana te mei rhegu iara te mala mei fafara igre, mare jaola mala kulu fablahidi thedi. Jame te theo mare na, iara ginauna paradi mare.”

Levitikas 21:17

“Cheke ka Eron, jame kaisei ka tharakna gna mana na au keha glepo te jafra ka thinigna na, mana blahi te mei namo ka olta te mala fafara mei ka iara gano blahi na.

Levitikas 21:21

Kate au kaisei glepo te jafra ka thini gna kaisei ka tharakna gna mae pris biꞌo na, blahi te mei namo ka olta te mala fafara mei gano blahi na ka iara.

Levitikas 20:3

Mae ihei te eni igne mana goigoni ni nogu vido blahi iara na, nei goigoni ni nanghagu iara te blahi na. Eghume iara ginauna figri tagruni nei lisei fadeleini ka naiknodi Israel.

Levitikas 21:23

Nu mana thosei mei namo ka pohe te bobotho gna Chogho te Thono Blahi Fara, eghuteuna mana mala thosei mei namo ka nogu olta iara na, glahu edi phei vido blahi igre theome klino ka tathagu iara na. Iara Lord, iara mae ihei teke fablahidi re.”

Naba 16:5

Kate gnafa tarai na, mana ne cheke eghu ka mae Kora baludi keha mae kheragnare, “Hamerane nathui Lord ginauna fakakhana ka tahati mae ihei teke vahini mana mala nogna pris, eghuteuna mae tuana kolho mala loku ka nogna olta te blahi mana na.

Naba 28:2

“Iagho na tonu lao nogu cheke iara gre ka naiknodi Israel: Leuleghu fata kate mala edi fafara re, ghotilo mala fafara nogu fafara blahi iara na mala mei sisiri gna te keli na nei gleꞌa iara eghu.