Levitikas 21:22 - Buka Blahi Ka Cheke Holo

²² Nu mana tangomana te ghamu vidodi fafara te mala ghedi mae pris, neuba vido gna fafara igne ne blahi, ba thono blahi fara.

Levitikas 21:22 ပူးပေါင်းရင်းမြစ်များ

Levitikas 2:3

Keha vidogna flaoa nei oel teu igre maladi mae pris Eron nei thugna mana re. Flaoa igne blahi fara naugna vidogna na neke tusu meihi ka iara.

Ululahu Korin 9:13

Ghotilo lasedihi iheire te loku ka Sugablahi ra, mare tangomana te hata gano ka Sugablahi na. Eghuteuna iheire te gahu fafara ka olta ra, mare tangomana te hata vido gano teke fafara mare ka olta na.

Naba 18:19

Eghuteuna leuleghu fata na, unha glepo teke nhaꞌa fadelei ka fafara te blahi teke tufa mei naikno ka iara Lord na, gobi lepo tuare, iara na tufa ari ka iagho baludi naikno te gnafa ka vikemu iagho are. Igne ngala kaisei nhaꞌa cheke te eni iara balumu iagho nei ka vikemu iagho re. Igne ngala kaisei nhaꞌa cheke balumu iagho nei vikemu iagho te theome tangomana iara huhughuni na.”

Levitikas 7:1

Lord ne cheke eghu, “Igne vetula eigna fafara te mala poloru na: Nafnahigna fafara igne blahi fara.

Levitikas 2:10

Keha vidogna flaoa nei oel teu igre maladi mae pris Eron nei thugna mana re. Flaoa igne blahi fara naugna vidogna na neke tusu meihi ka iara.

Levitikas 6:29

Kaisei mae ka tharaknadi mae pris mana tangomana te ghamu nafnahigna fafara tuana, naugna thono blahi fara.

Levitikas 21:23

Nu mana thosei mei namo ka pohe te bobotho gna Chogho te Thono Blahi Fara, eghuteuna mana mala thosei mei namo ka nogu olta iara na, glahu edi phei vido blahi igre theome klino ka tathagu iara na. Iara Lord, iara mae ihei teke fablahidi re.”

Levitikas 22:25

Ghotilo theome tangomana te hata nafnata glepo tautagu igne ka ihei te theome naikno gna Israel, ghotilo thosei fafara glepo igne jateula gano blahi eghu ka iara. Nafnata glepo tautagu igne theome naba nei au thona ka thinigna na, eghume iara theome gleꞌani nafnata fafara igne.”

Levitikas 6:10

Aonu hamerane na, kaisei mae pris ginauna fahaghe nogna phoko na balugna nogna trasis kmo'ei na, eghuteuna mana tei mala atha koko nakrofu baludi garofa re eghuteuna lisei fadelei rhegna olta na.

Levitikas 7:6

Kaisei mae ka tharaknadi mae pris igre tangomana te ghamu nafnahigna na, nu mare mala ghamu lamna ka Suga Tapuale te Blahi na naugna fafara igne thono blahi fara.”

Levitikas 10:12

Aonu mae Moses ne cheke ka mae Eron nei ka phei thugna mana mae Eleasa ghe mae Itama, phei thugna mana te karha nga teu, mana ne cheke eghu, “Kate atha te mei naiknore flaoa teke eni ka famane wit na, ghotilo tangomana te atha flaoa blahi te theome krono igne mala ei bret te theo isi gna. Eghuteuna leuleghu fata na, ghotilo ghamu bret igne rhegna olta kolho, naugna blahi fara.

Levitikas 10:17

“Fafara igne mala doglo naikno te gnafare ka tathagna Lord! Eghume naugna unha si ghotilo te theome ghamu thofno nafnahi blahi igne ka glalaba blahi gna Suga tapuale te Blahi gnea?

Levitikas 14:13

Mana mala aknu falehe sipu igne lamna ka vido gna Suga tapuale te Blahi na, ka vido te mala aknu falehe glepo tautagu gna fafara tuana mala ke doglo naikno na ka tathagu iara na eghuteuna fafara te thofno knoro. Igne mala aknu falehe ka vido tuana naugna nafnahi gna poloru fafara tuana mala ke doglo naikno na ka tathagu iara na fafara te thofno krono tuana. Mana mala aknu falehe ka vido tuana naugna nafnahi gna poloru fafara tuana thofno blahi fara, eghuteuna mala ghedi mae pris kolho jateula nafnahi gna fafara tuana mala ke doglo naikno na.

Levitikas 27:28

“Gobigna lepo teke lisei fadelei ghotilo malagu iara Lord teu igre thofno blahi fara. Neuba glepo igre ne naikno, ba glepo tautagu, ba vido glose nodi tharakna gna mae ihei teke nhaꞌa cheke na, ghotilo theome tangomana teke sabiri ba foli fapulo.