Levitikas 21:15 - Buka Blahi Ka Cheke Holo

¹⁵ Jame te theome eghu na, thugna re theome klino ka tathagu iara na. Iara Lord, iara neke fablahini mana.”

Levitikas 21:15 ပူးပေါင်းရင်းမြစ်များ

Ululahu Korin 7:14

Mae ihei te theome fatutuani na, mana tangomana te mei namo ka God na, naugna mana ne kaisei balugna thau khiloau te tolaghi mana tagna na. Eghuteuna gaꞌase te theome fatutuani na, naꞌa tangomana te mei namo ka God naugna naꞌa ne kaisei balugna mae khiloau te tolaghi naꞌa tagna na. Jame te theome tutuani igne na, thumi ghotilo re ginauna theome doglo ka tathagna God na. Nu gognaro na naugna ka nomi fatutuani ghotilo idodi kmadira, thumi ghotilo re tangomana te mei namo ka God.

Letas Teke Riso Tei Mae Pol Ka Khiloau Rom 11:16

Jame te kulu fafara lao tahati katha vido bret ka God na, u bret thongana tuana la nogna God hila. Jame glathigna kaisei gaju na nogna God gregere ginauna jaola nogna God.

Profet Malakai 2:15

“Nu kate eni repa nhaꞌa cheke igne, God loku fodudi repa mala jateula kaisei thini nei kaisei gaoghatho eghu ngala repa. Naugna unha si God te eni ignea? God neke eni igne mala au sua vuragha ghotilo neku, eghuteuna goro sua igre mala goro thugna God. Eghume ghotilo mala reireghi fakelini nakarhagna thegna na, thosei huhughuni nhaꞌa cheke teke eni ghotilo ka narane teke loku fodu ghami God.

Profet Malakai 2:11

“Ghotilo naiknomi Juda huhughuni nhaꞌa cheke teke eni tahati balugna God. Uve, ghotilo Jerusalem nei keha vido te gnafa ka kantri igne edi glepo te thono diꞌa fara. Ka puhi te tolaghi ghotilo ka gaꞌasedi keha kantri delei te pogho soru te tarai ka mumuju, eghuteuna ghotilo mei ne eni puhi te diꞌa na ka nogna Sugablahi Lord.

Esra 9:2

Mare hata gaꞌase bongihehe igre mala tolaghi, eghuteuna mare jaola hata thudi gaꞌase mare re mala tolaghi ka thudi nalhaꞌure. Eghume tahati nogna naikno blahi God igre la kaisei loku fodu baludi naikno bongihehe te au faligoho ghita igre la thona ka tathagna noda God. Eghuteuna noda mae lida tahati igre baludi keha mae biꞌo igre ngala te baubatudi naiknore te edi puhi te jafra igre.”

Esra 2:62

Aonu mae pris igre ne filo ka buka susurei na mala laseni mae igre thofno au ka tharakna igne, nu mare ne theome filoni. Eghume mae biꞌodi mae pris gre theome snakredi mare te eni nogna gloku pris na.

Levitikas 21:8

Ghotilo naiknomi Israel ra mala ghatho tahudi mae pris gre mae blahi, naugna mare mala fafara gano blahi. Naiknore mala laseni mae pris te gnafa igre blahi naugna iara Lord, iara blahi, eghuteuna iara fablahidi nogu naiknore mala blahi.

Jenesis 18:19

Iara neke vahini mae Ebraham gne mala thofno mae kheragu thegu neku. Eghume iara ginauna na cheke thakleni ka mae Ebraham nate roꞌeni iara namono biꞌo Sodom gne mala cheke mana ka goro thugna nei vikegna teu igre mala leghuni puhigna Lord na. Iara na eni igne mala au fakeli, nei doglo eghu naiknore. Eghuteuna kate filoni iara vikegna mae Ebraham te thofno leghuni puhigu iara na, iara ginauna na tusu ranghini mae Ebraham unha teke nhaꞌa chekeni iara ka mana na.”

Matiu 23:17

Ghotilo mae noli nei dofu eghu! Aheva gne te glepo ulu na, sesere ba Sugablahi gne? Sugablahi igne glepo ulu te mala fablahidi sesere igre.

Levitikas 21:14

Mae pris biꞌo theome tangomana te tolaghi ka gaꞌase glehe kokoi, ba gaꞌase teke divos mare, ba kaisei gaꞌase vine. Eghuteuna mana mala tolaghi ka kaisei gaꞌase majaghani ka vikegna Livae, teke theo kaisei mae teke thuru balugna naꞌa teku na.

Levitikas 21:16

Eghuteuna Lord neke cheke eghu ka Moses,

Eksodas 34:16

Glahu atha ghotilo thudi gaꞌase mare tuare mala tolaghi ka thumi nalhaꞌu re, ka nafnata puhi igre, goro gaꞌase tuare ginauna korho thumi nalhaꞌu ghotilo tuare mala tei koko ghau iara mala tei leghudi nodi god naikno bongihehe igre.

Levitikas 20:7

“Ghotilo lisei fadelei ghami themi mala blahi ke ulugu iara, naugna iara Lord, nomi God ghotilo.

Levitikas 22:16

Jame pris snakreni mae ihei te theome nabagna te mala ghamu gano blahi igne na, nabagna na mae igne papara eigna igne. Iara Lord, mae ihei teke edi fablahi igre.”