Levitikas 21:10 - Buka Blahi Ka Cheke Holo

^10-12 “Mae ihei te pris biꞌo teke tofa oel blahi mare ka phaꞌugna na, eghuteuna mare neke taofini mana mala fahaghe mana nodi pohe mae pris. Eghume kate lehe kaisei ka tharakna gna mana na, mana theome tangomana te edi glepo te mala laseni te diꞌanagnafa na, ba rerheku nogna pohe na, nei mana theome mala leghuni puhi te mala pore khaklagna re teu igne. Neuba mae ihei ne lehe kmagna ba idogna, mana blahi te tei ka thini na te fathonani thegna te theome mala klino ka tathagu iara na. Eghuteuna mana theome tangomana te jifla ka nogu vido blahi iara na te mala giugilui thini igne, naugna jame te eghu na, mana eni nogu vido blahi iara nogna God mala theome klino ka tathagu iara na. Naugna mare neke taofini mana ka nogu oel blahi iara na. Mana mala leghudi glepo igre naugna iara Lord.

Levitikas 21:10 ပူးပေါင်းရင်းမြစ်များ

Levitikas 16:32

Pris biꞌo teke tofa oel blahi mare ka phaꞌu gna na te fablahi na mala ke tughuni kmagna na, mana tangomana te edi glepo te mala hata fadelei nakhibodi naiknore. Aonu, mana mala fahaghe nogna pohe mae pris biꞌo na.

Matiu 26:65

Kate nomhini igne, mae pris biꞌo na ne rerheku nogna phoko na, naugna mana diꞌatagna fara. Aonu mana ne eha eghu fabiꞌo, “Tore! Mae igne cheke faparini God! Gognarona tahati theome magnahaghei keha thoutonui eigna mana. Naugna ghotilo nomhinihi themi mana cheke faparini God.

Naba 35:25

Eghuteuna jame te laseni mare te fiti lehe mana ka hoholo na, ghotilo ginauna lhotini kheragna mae te lehe igne mala thosei ke edi keha glepo ka mae te aknu poru na. Ghotilo ginau ke kuru tei ka kaisei namono mala poru mana. Mana mala au jare ghilei thokeni narane mala lehegna mae pris biꞌo na.

Levitikas 8:12

Mana tofa keha oel ka phaꞌugna mae Eron, mala blahi mana.

Nodi Khoje Hatimare Mae Jiu 133:2

Nafnata puhi te au fodu igne thofno keli fara, jateula teke eni mare kani teke taofini mae Eron ia eghu. Mare neke tofa oel te siri keligna na ka phaꞌugna mana na, eghuteuna oro me soru ka gremohogna nei pohegna teku mana ra.

Nogna Buka Esta 6:12

Ke leghugna igne, mae Modikae neke pulo loku ka sugagna king. Nu mae Haman ne toku tafru tathagna nei foflogna teure, naugna mana ne thofno mamaja nogna fara ne rikha ne tei ka nogna suga na.

Fapea Samuel 15:30

Eghuteuna mae king ne thofno diꞌanagnafa gna fara. Aonu mana ne hata koko nogna sadol na ne toku tafru phaꞌu gna na. Mana tanhi fabiꞌo ne haghe ka Thogele Gaju Olivi. Eghuteuna naikno te gnafa te tei balugna mana igre jaola ne toku tafru phaꞌudire balu tanhi.

Levitikas 13:45

“Jame ihei te au fogra diꞌa ka thinigna na, mana pipichi ka nabreku pohe thona, eghuteuna mana thosei pore khaklagna re. Jame te filoni mana kaisei mae na, mana mala toku tafru foflogna na, eghuteuna na eha eghu, ‘Iara theome klino! Iara theome klino!’

Jenesis 37:34

Mae Jekop ne tanhini mae thugna na ne rerheku nogna pohe na, eghuteuna mana ne hata kaisei nabreku pohe te tiatifa ne pipichi, igne fagaglana gna te diꞌanagnafani mae thugna na. Kmana narane mana ne tanhi ni mae thugna na.

Thoutonu Eigna Mae Job 1:20

Job kegra haghe ne rerheku nogna pohe na, eghuteuna kuchi koko khaklagna re naugna mana ne diꞌa nagnafagna fara. Mana thuru soru pari tathagna nei foflogna teure ka glose na ne cheke fakelini Lord.

Eksodas 29:7

Eghuteuna iagho atha oel blahi igne mala tofa ka phaꞌugna mana na mala taofini mana.

Profet Esikiel 24:17

Iagho tanhi faꞌikoi kolho eghuteuna thosei snakreni naoglamu na mala nomhi nigho naiknore, nei thosei fakakhana te diꞌanagnafa iagho na. Iagho thosei hata koko pohe diꞌanagnafa igne ka phaꞌumu na, ba hata koko sadol ka ghahemu ana. Thosei toku tafru tathamu foflomu teu are, eghuteuna thosei ghamu gano te ghamu naikno kate tanhi nei diꞌanagnafa teu are.”

Levitikas 4:3

“Jame mae pris biꞌo na tapla jafra ka nakhibo. Naugna nakhibogna mana igne, ghotilo te gnafa na ginauna kafe jafra ka tathagu iara na. Eghume mana atha kaisei buluka nalhaꞌugna majaghani te theo kaisei thona ka thinigna na, te eghuna mana fafara mala doglo ka tathagu iara na.

Naba 6:7

Neubane lehe kmami, idomi, thabusimi, ba greghami teure, ghotilo thosei tei rhedi thinidi naikno te lehe tuare neke fathonani thegna ke ulugu iara, naugna khakla ghotilo te brahu tuare fagaglanagna teke nhaꞌa cheke themi ka iara na.