Levitikas 20:9 - Buka Blahi Ka Cheke Holo

⁹ “Jame kaisei naikno tibrini idogna ba kmagna na, ghotilo aknu faleheni mana, eghuteuna glehegna mana na najafra gna thegna.

Levitikas 20:9 ပူးပေါင်းရင်းမြစ်များ

Eksodas 21:17

“Ihei te thofno cheke fadiꞌani idogna ba kmagna na, ghotilo aknu falehe.

Nonomho Te Keli Teke Risoi Mae Mak 7:10

Mae Moses neke cheke eghu, ‘Ghatho tahudi idomu kmamure,’ nei ‘Ihei te cheke fadiꞌani idogna ba kmagna na, naikno tuana nabagna na mala falelehe.’ ”

Diutronomi 27:16

“ ‘Puhi biꞌo ginauna thokeni ihei te theome ghatho tahudi idogna kmagna re, Lord ginauna parani mana.’ Eghuteuna naiknore ginauna cheke eghu, ‘Amen!’

Matiu 15:4

Naugna God na neke cheke eghu, ‘Ghatho tahudi idomu kmamure,’ nei ‘Ihei te cheke fadiꞌani idogna ba kmagna na, naikno tuana nabagna na mala falelehe.’

Proveb 20:20

Ihei te cheke fadiꞌadi idogna kmagna re, mana ginauna lehe, jateula juta te lehe ka vido te thono romno ra eghu.

Proveb 30:17

“Jame te tirou fanomho iagho ka idomu kmamure, eghuteuna cheke fadiꞌadi repa teuna, gaghata biꞌo ginauna mei biko fajifla phei tathamu iagho re, eghuteuna saroko ginauna ghamu thinimu iagho na.

Proveb 30:11

“Keha maere cheke fadiꞌadi idodi kmadi re.

Jajis 9:24

God neke eni igne naugna funei igne neke aknu falehe fitusalei thabusigna mana thugna Jerub-Baal eghuteuna naiknodi Sekem igre ne leghuni mana, aonu God ne kafe paradi mare eigna igne.

Matiu 27:25

Naiknore ne kafe cheke eghu ka mana, “Uve, glehegna mae igne nomi puhi ghehati themi nei vikemi ghehati ginaure eghu!”

Ululahu Kings 2:32

Lord ginauna nake tughu fapulo ka mae Joab dadaradi phia mae tura, naugna mae kmagu iara na theome laseni mae Joab te aknu falehedi mae Abna, thugna mae Neri mae komanda ka armi gna Israel, ghe mae Amasa, thugna mae Jeta mae komanda ka armi gna Juda. Phia mae igre thofno keli fara nei doglo eghu uluni mae Joab.

Josua 2:19

Jame ihei te jifla ka suga igne, eghuteuna lehe ka ghehati teuna, tuana nakhibogna thegna, ghehati ginauna theome au papara tagna. Nu jame kaisei ka ghehati te aknu falehe kaisei te au ke lamnagna suga igne na, ghehati ginauna au papara tagna.

Levitikas 20:27

“Jame kaisei mae ba gaꞌase cheke baludi tharungadi naikno teke lehe ra ba ka keha naitu, ghotilo fada faleheni ka thina, eghuteuna glehegna na eigna najafra gna mana thegna.”

Levitikas 20:16

“Eghuteuna jame kaisei gaꞌase eni puhi te diꞌa na ka kaisei glepo tautagu, ghotilo faleheni naꞌa, eghuteuna ghotilo jaola aknu falehe glepo tautagu tuana. Glehedi gaꞌase ghe glepo tautagu igre najafradi thedi.

Profet Esikiel 22:7

Theo kaisei naikno ka namono igne te ghatho tahudi idodi kmadire. Eghuteuna ghotilo chaghidi naiknodi delei te mei au balumi, goro sua glehe kokoi, nei goro naikno biꞌo te glehe kokoi.

Profet Esikiel 18:13

Mana tufa sileni koba ka keha mae na mala hata sileni biꞌo. Ba, mae igne ginauna au ka karha? Theo! Mana ginauna mala lehe! Mana edi koba glepo te diꞌa re, eghume mana ginauna mala lehe kolho. Nu najrafagna thegna igre kolho nate faleheni mana na.