Levitikas 20:8 - Buka Blahi Ka Cheke Holo

⁸ Ghotilo faꞌuvedi nei leghudi eghu nogu vetula nei nogu cheke teu iara gre, naugna iara Lord neke fablahi ghami ghotilo.

Levitikas 20:8 ပူးပေါင်းရင်းမြစ်များ

Eksodas 31:13

“Iagho ginauna chekedi naiknodi Israel ra nogu cheke iara gne, ‘Narane Sabat gne nogu iara, eghume ghotilo tathaji fakeli fabrahu narane igne. Narane Sabat gne kaisei fagaglana theo ka gnafagna u Nhaꞌa Cheke fari hoteigu iara nei ghotilo te theo ka gnafagna, mala lase fakelini ghotilo te iara Lord teke fablahi ghami ghotilo mala thofno nogu naikno iara.

Jemes 1:22

Ghotilo mala leghuni koba u chekegna God na. Eghuteuna te cheke eghu ghotilo na, “Ghehati la nomhinihi chekegna God na” teu ghotilo, nu tiromi leghuni unha te chekeni mana na teuna, ghotilo chaghi ghami kolho themi.

Fapea Tesalonika 2:13

Uve kheraguro, noda Lord thofno namha ghami ghotilo. Ghehati nabami te cheke fakelini God koba eimi ghotilo. Naugna God neke vahi ghami ghotilo ame vuvuha nga nauthoglu igne mala fakarhi ghami. Ghotilo mala nogna naikno blahi God kate fatutuani ni ghotilo cheke te tutuani igne ka nogna nolaghi mae Tharunga te Blahi.

Ululahu Tesalonika 5:23

Ghehati tarai ka God thegna, mae ihei te tusu ranghi ghami nogna pharikeli, mala faklino ghami fabrahu. Ghehati tarai ka God mala batu fakelidi nagnafami, tharungami nei thinimi fateo, mala theo kaisei najafra kate mei noda Lord Jisas Kraes.

Levitikas 21:8

Ghotilo naiknomi Israel ra mala ghatho tahudi mae pris gre mae blahi, naugna mare mala fafara gano blahi. Naiknore mala laseni mae pris te gnafa igre blahi naugna iara Lord, iara blahi, eghuteuna iara fablahidi nogu naiknore mala blahi.

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.

Ululahu Korin 1:30

Nu God neke togho ghami ghotilo mala kaisei ghotilo balugna mae Jisas Kraes. Eghuteuna ka Kraes na, tahati lalase fara, eghuteuna doglo fara ka tathagna God na, nei mala nogna naikno blahi mana. Kraes na jaola neke foli fajifla ghita ka nakhibo.

Jone 13:17

Naugna ghotilo la lasedihi unha te chekedi iara igre. Eghuteuna ghotilo ginauna keli tami fara jame te leghudi re.

Matiu 12:50

Ihei te eni unha te magnahagheni mae Kmagu iara te au kligna na thofno thabusigu nei greghagu nei idogu eghu iara.”

Matiu 7:24

Mae Jisas ne cheke eghu, “Eghume, mae ihei te nomhidi chekegu iara igre nei leghudi teuna, mana ginauna jateula kaisei mae te lalase babana nogna suga na ke tagru glose te saesape ka thina ia eghu.

Matiu 5:19

Eghume, ihei te huhughuni kaisei phugra cheke ka vetula na, eghuteuna jaola meke farirhiudi keha naiknore mala ke huhughunila vetula na teuna, naikno tuana ginauna pari lahu ka naikno te funei frunidi God re. Eghuteuna ihei te leghuni vetula na eghuteuna jaola meke farirhiudi la keha naiknore mala leghuni la vetula na teuna, naikno tuana ginauna mae biꞌo lahu ka naikno te funei frunidi God re.

Profet Esikiel 37:28

Nogu vido blahi iara na ginauna au fabrahu farihoteidi mare, eghume naiknodi keha kantri igre ginauna laseni te iara Lord neke vahidi naiknodi Israel igre mala nogu naikno blahi iara.’ ”

Profet Esikiel 20:12

Uve, iara jaola neke cheke ranghidi mala ghatho tahuni mare nogu narane Sabat na mala gnafa mare tagna, mare tangomana te leghuni, nei laseni eghu teke eni iara nhaꞌa cheke igne baludi mare. Eghuteuna mare mala jaola laseni te iara Lord, iara neke fablahidi mala nogu naikno blahi iara.

Levitikas 19:37

“Ghotilo mala faꞌuvedi nei leghudi eghu nogu vetula te gnafa nei cheke te gnafa teu iara igre, naugna iara Lord.”

Matiu 23:17

Ghotilo mae noli nei dofu eghu! Aheva gne te glepo ulu na, sesere ba Sugablahi gne? Sugablahi igne glepo ulu te mala fablahidi sesere igre.

Levitikas 19:19

“Ghotilo mala leghudi nogu vetula iara gre. “Ghotilo thosei snakreni kaisei nafnata glepo tautagu mala ei sua ka keha nafnata glepo tautagu te jafra. “Eghuteuna ghotilo thosei joꞌu phei nafnata khatu ka kaisei nagare kolho. “Eghuteuna ghotilo thosei pipichi pohe teke horo mare phei soasopai glepo jateula ghajo ghe wul.

Levitikas 20:26

Ghotilo mala au blahi naugna iara Lord, iara blahi, eghuteuna iara neke atha fajifla ghami ghotilo ka keha naiknore, mala nogu naikno iara.

Levitikas 22:32

Ghotilo thosei lausasaba ni nanghagu iara te blahi gne, nu ghotilo naiknomi Israel ra laseni te iara blahi, eghuteuna iara na fablahi ghami fabrahu leghu fata.