Levitikas 20:7 - Buka Blahi Ka Cheke Holo

⁷ “Ghotilo lisei fadelei ghami themi mala blahi ke ulugu iara, naugna iara Lord, nomi God ghotilo.

Levitikas 20:7 ပူးပေါင်းရင်းမြစ်များ

Levitikas 11:44

Iara Lord nomi God ghotilo, eghume ghotilo mala klino ka tathagu iara na, eghuteuna ghotilo mala au blahi naugna iara au blahi. Eghume ghotilo thosei ghamu kaisei nafnata glepo tautagu igre nate fathona ghami ghotilo ka tathagu iara na.

Efesus 1:4

Ka narane theome vuavuha nga teku nauthoglu gne God neke vahi ghita mala nogna thegna kate kaisei tahati balugna Kraes. Tutuani, God neke vahi ghita mala naikno blahi nei theo kaisei najafra ke ulugna mana.

Kolose 3:12

God neke vahi ghami ghotilo te mala nogna naikno blahi mana nei namha ghami fara ghotilo. Eghume ghotilo mala edi fabrahu glepo igre: kokhonidi keha naiknore, taegodi, au faleghu, au blagna, thosei diꞌatami faghose ka keha naiknore.

Ululahu Tesalonika 4:7

Naugna God neke kilo ghita mala naikno blahi eghuteuna theome magnahaghei ghita te au ka nakhibo.

Ululahu Tesalonika 4:3

Te chekeni iara igne unha te magnahagheni God na. Mana magnahaghei ghami ghotilo te blahi nei klino. Eghume te keli na ghotilo te au fadelei ka gnognoro.

Hibru 12:14

Fariuriu mala au kau pharikeli baludi naikno te gnafa nei fariuriu langau mala au ka nakarha te klino. Naugna iheire ngala te au klino re nate filoni God na.

Josua 24:19

Josua neke cheke faheta eghu ka vikegna Israel, “Jame te leghudi ghotilo keha god are na ghotilo ginauna theome nabami te mala leghuni Lord, naugna mana thono blahi fara, eghuteuna mana theome magnahaghei ghami ghotilo te tarai ka keha god delei. Eghume jame te leghudi ghotilo keha god delei are na mana ginauna na theome tangomana te hata fadelei nakhibomi ghotilo re.

Levitikas 11:45

Naugna iara, Lord, iara neke atha fajifla ghami ghotilo Ijep, mala tangomana iara te nomi God ghotilo na. Eghume, ghotilo mala au blahi naugna iara blahi.

Levitikas 21:8

Ghotilo naiknomi Israel ra mala ghatho tahudi mae pris gre mae blahi, naugna mare mala fafara gano blahi. Naiknore mala laseni mae pris te gnafa igre blahi naugna iara Lord, iara blahi, eghuteuna iara fablahidi nogu naiknore mala blahi.

Levitikas 21:15

Jame te theome eghu na, thugna re theome klino ka tathagu iara na. Iara Lord, iara neke fablahini mana.”

Levitikas 21:23

Nu mana thosei mei namo ka pohe te bobotho gna Chogho te Thono Blahi Fara, eghuteuna mana mala thosei mei namo ka nogu olta iara na, glahu edi phei vido blahi igre theome klino ka tathagu iara na. Iara Lord, iara mae ihei teke fablahidi re.”

Josua 3:5

Mae Josua ne cheke eghu ka naiknore, “Ghotilo mala kulu fagae ghami themi ka tathagna Lord, naugna nathuꞌu na, mana ginauna eni kaisei kofubobhoi farihoteida tahati.”