Levitikas 20:27 - Buka Blahi Ka Cheke Holo

²⁷ “Jame kaisei mae ba gaꞌase cheke baludi tharungadi naikno teke lehe ra ba ka keha naitu, ghotilo fada faleheni ka thina, eghuteuna glehegna na eigna najafra gna mana thegna.”

Levitikas 20:27 ပူးပေါင်းရင်းမြစ်များ

Levitikas 19:31

“Eghuteuna ghotilo thosei tei ka naikno te cheke baludi tharungadi iheire teke lehe tifa ra, ba ka keha naitu. Jame te hirodi ghotilo igre na, ghotilo goigoni ghami themi ka tathagu iara na. Iara Lord, nomi God ghotilo.

Levitikas 20:6

“Eghuteuna jame kaisei ka ghotilo tei ka mae ihei tangomana te cheke baludi tharungadi naikno teke lehe tifa ra ba ka keha naitu, iara ginauna figri tagruni mana eghuteuna lisei fadeleini mana ka naiknodi Israel.

Eksodas 22:18

“Ghotilo falelehe goro gaꞌase te au naitu te mala falehe naikno are.

Mae Khuru 16:16

Kaisei narane kate tei ghehati ka vido te mala tarai na, kaisei gaꞌase gloku mei ne deni ghami ghehati. Kaisei naitu na au ka gaꞌase tuana mala tangomana naꞌa te toutonudi glepo te theome thoke mei nga teure. Aonu nogna mae funei naꞌa re hata sileni biꞌo fara kate eni naꞌa tuana.

Levitikas 24:14

“Ghotilo hata mae tuana tei ke kosigna vido te au ghotilo na. Eghuteuna iheire teke nomhini mana teke cheke fadiꞌa na mala tei lisei khamedi re ka phaꞌugna mana na, mala laseni mana te jafra na. Eghuteuna ghotilo te gnafa na fadi faleheni mana ka thina.

Naba 15:35

Lord ne cheke eghu ka Moses, “Ghotilo atha fajiflani mana ka nomi namono gne, eghuteuna faleheni mana eghu! Ghotilo te gnafa ginauna fadini mana ka thina ghilei lehe mana.”

Diutronomi 21:21

Eghume nabagna na maegna ka namono igne fada faleheni mana ka thina mala ghilei lehe mana. Ka puhi igne, ghotilo ginauna fahuhui puhi te diꞌa igne ke lamnami ghotilo. Aonu kate nomhini igne, naiknodi Israel igre ginauna mhaghu nodi fara.”

Ululahu Samuel 28:3

Kate lehe mae Samuel na, naiknodi Israel re ne diꞌanagnafadi fara ne tanhini mana. Aonu mare ne giugiluni mana Rama ka nogna namono na. Eghuteuna king Sol neke khi fajifladi hi Israel mae nalhaꞌu ba gaꞌase te cheke ka tharungadi naikno tela lehe hi tifa re.

Fapea Kronikols 33:6

Mana gahu thugna thegna na ka glogu Ben-Hinom mala fafara ka mumuju god. Mana loku ka kuro, pophoji, khoraphaꞌu, fafara mala laseni unha nate thakle mei, eghuteuna mana tei filodi iheire te tangomana te cheke ka tharungadi naikno tela lehehi ra. Mana edi kmana glepo te thono diꞌa fara ka tathagna Lord, eghume Lord na thono diꞌatagna fara ka unha te edi mana igre.