Levitikas 20:26 - Buka Blahi Ka Cheke Holo

²⁶ Ghotilo mala au blahi naugna iara Lord, iara blahi, eghuteuna iara neke atha fajifla ghami ghotilo ka keha naiknore, mala nogu naikno iara.

Levitikas 20:26 ပူးပေါင်းရင်းမြစ်များ

Levitikas 20:7

“Ghotilo lisei fadelei ghami themi mala blahi ke ulugu iara, naugna iara Lord, nomi God ghotilo.

Levitikas 20:24

Nu iara neke nhaꞌa chekehi ka ghotilo te mala atha ghotilo nodi glose mare na. Uve, iara ginauna tusu ari ka ghotilo mala khotogna namono aheva glosegna na thofno keli fara, eghuteuna leuleghu fata na au kmana gano.” Iara Lord, nomi God ghotilo. Iara neke vahi ghami ghotilo neke hata fajifla ghami ka keha naikno re, mala nogu naikno iara.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Diutronomi 7:6

Ghotilo mala edi glepo igre, naugna ghotilo nogna naikno blahi Lord, nomi God. Mana neke vahi fadelei ghami ka keha naikno te gnafa ka nauthoglu igne mala nogna naikno thegna.

Diutronomi 14:2

Ghotilo thosei diꞌanagnafa, jateula keha naikno te leghudi keha nafnata god delei ra eghu. Naugna ghotilo nogna naikno blahi Lord nomi God. Eghuteuna Mana neke vahi fadelei ghami ka keha naikno te gnafa ka nauthoglu igne mala nogna naikno mana kolho.”

Profet Isaia 6:3

Mare kafe koje fodu eghu fabiꞌo: “Lord mae ihei te au nolaghi fateote'o, mae ihei te blahi fara! Nogna nolaghi biꞌo mana na siasigla ka vido te gnafa ka nauthoglu igne.”

Thakle 4:8

Fati glepo te karha igre sopa au namno baghi. Glepo te karha igre thinidire iko tongana ka tatha, ke lamna nei ke kosi. Bongi narane na mare theome gnafa te kojeni, “Blahi, blahi, blahi Lord God thofno nolaghi, teke au tifa, nei gognaro gne nei nake pulo mei nathuꞌu nauriha.”

Thakle 3:7

Mae igne neke cheke eghu ka iara, “Iagho rioriso tei kaisei letas ranghini engel gna khiloau Filadelfia, eghuteuna iagho cheke eghu ka mana: Igre nogu cheke iara mae ihei te blahi nei taji fabrahuni teu nogu nhaꞌa cheke na. Iara au nolaghi te mala funei frunidi naiknore jateula mae King Devet tifa ia eghu. Tutuani iara au nolaghi te mala chekeni ihei te ruma haghe ka nogna nauthoglu majaghani God na, nei ihei nate theome ruma haghe jare na. Jateula iara te au kaisei ki ka khamegu na te mala tothora grengatha na ranghidi kehare nei bobotho ranghidi kehare teuna.

Nodi Khoje Hatimare Mae Jiu 99:9

Tahati mala cheke fakelini noda Lord God mae ihei te blahi. Uve, tahati tarai ka mana ka nogna thogele blahi na.

Nodi Khoje Hatimare Mae Jiu 99:5

Lord mae ihei te blahi na noda God tahati. Mana gnokro ka nogna sape nafnakno na mala funei fruni. Eghume, tahati mala pogho soru ka mana mala tarai nei cheke fakelini eghu mana.

Profet Isaia 30:11

Ghotilo mae profet ra thosei toutonuni mei ka ghehati. Ghehati theome magnahaghei te nomhidi thua nafnata cheke eigna God te Blahi gna Israel!’ ”

Eksodas 33:16

Jame te theome tei iagho balumi ghehati na, faꞌunha eghu laseni naiknore te tei iagho balumi ghehati na? Nu jame te au iagho balumi ghehati na, keha naiknore ginauna laseni te ghehati gne nhogriu ka keha naikno ka nauthoglu igne.”

Josua 24:19

Josua neke cheke faheta eghu ka vikegna Israel, “Jame te leghudi ghotilo keha god are na ghotilo ginauna theome nabami te mala leghuni Lord, naugna mana thono blahi fara, eghuteuna mana theome magnahaghei ghami ghotilo te tarai ka keha god delei. Eghume jame te leghudi ghotilo keha god delei are na mana ginauna na theome tangomana te hata fadelei nakhibomi ghotilo re.

Levitikas 11:44

Iara Lord nomi God ghotilo, eghume ghotilo mala klino ka tathagu iara na, eghuteuna ghotilo mala au blahi naugna iara au blahi. Eghume ghotilo thosei ghamu kaisei nafnata glepo tautagu igre nate fathona ghami ghotilo ka tathagu iara na.

Levitikas 20:8

Ghotilo faꞌuvedi nei leghudi eghu nogu vetula nei nogu cheke teu iara gre, naugna iara Lord neke fablahi ghami ghotilo.