Levitikas 20:20 - Buka Blahi Ka Cheke Holo

²⁰ “Eghuteuna jame kaisei mae eni puhi te diꞌa na ka khetogna mae thabusigna kmagna na, mana famamajani nebugna na, mae igne balugna gaꞌase na mala papara eigna. Eghume repa ginauna theome tangomana nate au kaisei sua na ghilei thokeni narane te lehe repa na.

Levitikas 20:20 ပူးပေါင်းရင်းမြစ်များ

Levitikas 18:14

“Thosei thuru balugna khetogna nebumu na, naugna fapea greghamu iagho. Puhi igne famamajani nebumu na.

Luku 23:29

Naugna kaisei narane na ginauna thoke mei nate cheke eghu naiknore, ‘Keli tami fara ghotilo goro naikno biꞌo te theohi thumi are ba thau te theome fachuꞌu sua majaghani nga teura.’

Luku 1:25

Nu naꞌa ne cheke eghu, “Leghu lahu na Lord la ghilei togho ghau iara ka puhi igne la hata fadeleidi mamajagu iara teke theo thugu na.”

Luku 1:7

Nu repa neke theo thudi, naugna Elisabet gne theome tangomana te au sua na, eghuteuna repa la kafe naikno biꞌo hi.

Profet Jeremaea 22:30

Lord ne cheke eghu, Ghotilo rioriso thoutonu eigna mae igne. Mae igne jateula mae te theo thugna ra eghu. Eghuteuna mana ginauna na theome eni kaisei glepo te keli ka nakarhagna na. Naugna theo kaisei ka vikegna mae igne nate ke tughuni mana mala teke gnokro ka nogna sape nafnakno mae king Devet te mala funei fruni ka kantri Juda.”

Nodi Khoje Hatimare Mae Jiu 109:13

Ghehati magnahagheni mana nei iheire fateo eghu nate karha mei ka vikegna mana ginau re mala kafe lehe! Uve, ghehati theome magnahagheni kaisei naikno te ghatho fapuloni mana na.

Thoutonu Eigna Mae Job 18:19

Mana ginauna theo thugna, eghuteuna theo kaisei naikno nate karha mei ka vikegna mana na.

Levitikas 20:21

“Jame kaisei mae atha khetogna mae thabusigna na kate karha nga teu mana na, mae igne famamajani mae thabusigna na. Glepo igne kaisei glepo diꞌa, eghume repa ginauna theome thudi kolho.