Levitikas 20:16 - Buka Blahi Ka Cheke Holo

¹⁶ “Eghuteuna jame kaisei gaꞌase eni puhi te diꞌa na ka kaisei glepo tautagu, ghotilo faleheni naꞌa, eghuteuna ghotilo jaola aknu falehe glepo tautagu tuana. Glehedi gaꞌase ghe glepo tautagu igre najafradi thedi.

Levitikas 20:16 ပူးပေါင်းရင်းမြစ်များ

Hibru 12:20

Naugna kate cheke God ranghidi na, mare tirodi nomhini nafnata cheke igne, “Ihei te haboni thogele igne ba kaisei buluka kolho te tapla kau thogele igne na, ghotilo fada falehe ka thina.”

Eksodas 21:32

Eghuteuna jame buluka nalhaꞌugna igne faleheni kaisei mae sneka ba kaisei gaꞌase sneka, mae khotogna buluka nalhaꞌugna igne mala foli tolufulu silva koen ka mae funeigna mae sneka igne, eghuteuna ghotilo jaola fada falehe buluka nalhaꞌugna igne ka thina.

Eksodas 19:13

Mare mala fada falehe mae igne ka thina ba ka jata, mala theome tangomana kaisei naikno te habo tagna na. Neubane kaisei naikno ba kaisei buluka te habo ka thogele igne na, mala lehe. Nu ke leghu kate nomhini mare kaisei naogla khufli te taitanhi te raugha na, mare ginauna tangomana te haghe ka thogele igne.”

Eksodas 21:28

Lord ne cheke eghu, “Jame kaisei buluka nalhaꞌugna faleheni kaisei mae ba kaisei gaꞌase, ghotilo fada buluka tuana ka thina ghilei lehe naꞌa. Nu ghotilo thosei ghamu nafnahigna, eghuteuna ghotilo thosei parani mae ihei te khotogna buluka igne.

Eksodas 22:19

“Ghotilo falelehe mae nalhaꞌu ba gaꞌase te eni puhi te diꞌa ka khuma ba ka bosu ba ka buluka teu are.

Levitikas 18:23

“Eghuteuna blahi fara nalhaꞌu ba gaꞌase te eni puhi te diꞌa na ka bosu ba ka khuma. Naugna puhi igne theome doglo, eghuteuna fathona ni naikno na ka tathagu iara na.

Levitikas 20:15

“Jame kaisei mae eni puhi te diꞌa na ka kaisei glepo tautagu, ghotilo faleheni mana, eghuteuna ghotilo jaola aknu falehe glepo tautagu tuana.

Levitikas 20:17

“Jame kaisei mae tolaghi ka thofno greghagna na, neubane thugna gaꞌase kmagna mana, ba thugna gaꞌase idogna mana, repa mala mamaja ka glepo igne. Eghuteuna mare mala au fadelei ka kheradi repa re. Naugna mana famamajani greghagna na, mae igne nabagna te mala papara eigna puhi igne.