Levitikas 19:33 - Buka Blahi Ka Cheke Holo

³³ “Ghotilo thosei diꞌa ranghidi naiknodi delei te mei au balumi ka nomi glose ghotilo are.

Levitikas 19:33 ပူးပေါင်းရင်းမြစ်များ

Eksodas 23:9

“Iagho thosei eni kaisei puhi te diꞌa ranghini naikno gna delei te mei au ka namonomu iagho na. Iagho laseni puhigna naikno te jifla kokoni namono gna na te tei au delei na, naugna ghotilo neke au Ijep tifa na.”

Eksodas 22:21

“Ghotilo thosei fakokhoanadi nei paradi eghu naiknodi delei te mei au balumi are. Naugna tifa na ghotilo neke jateula tuana neku Ijep.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Profet Jeremaea 7:6

Ghotilo thosei faparini ihei te mei funugna ka kantri delei te mei au balumi ghotilo, baludi goro sua tela lehehi idodi ba kmadi, nei baludi goro naikno biꞌo tela lehehi khetodire. Ghotilo thosei faleheni ihei te theome eni kaisei najafra. Ghotilo thosei tarai ka mumuju god, naugna nafnata puhi igne ginauna goigoni ghami ghotilo.

Diutronomi 24:14

“Jame kaisei nomi mae gloku ghotilo kuma fara, neuba ne kherami, ba mae phosa te au ka nomi namono ghotilo na, ghotilo thosei chaghini mana.

Profet Esikiel 22:29

Naiknore chaghi nei blau eghu farithedi. Mare fakokhoanadi naikno te kuma nei paradi naiknodi keha kantri te mei au baludi. Uve, mare tapla sorudi pari naikno phosa te au baludi re nei chaghi di ka fate na eghu.

Profet Esikiel 22:7

Theo kaisei naikno ka namono igne te ghatho tahudi idodi kmadire. Eghuteuna ghotilo chaghidi naiknodi delei te mei au balumi, goro sua glehe kokoi, nei goro naikno biꞌo te glehe kokoi.

Diutronomi 24:17

“Ghotilo leghuni puhi te doglo ka fate na ranghidi naikno phosa nei goro sua te glehe kokoi. Eghuteuna jame kaisei naikno biꞌo tela lehehi khetogna na kaoni ka ghotilo, ghotilo thosei hata nogna pohe na mala ke tughu fapulo nogna kaoni na.

Diutronomi 24:18

Leuleghu fata na ghotilo ke ghathoni teke sneka ghotilo Ijep ia, eghuteuna Lord nomi God neke hata fajifla ghami ka na au sosolo igne. Naugna igne iara tusu ari ka ghotilo nafnata vetula igre.

Diutronomi 27:19

“ ‘Puhi biꞌo ginauna thokeni ihei te theome leghuni puhi te doglo kate fateni naikno phosa nei goro sua te glehe kokoi, nei goro naikno biꞌo tela lehehi khetodi re.’ Eghuteuna naiknore ginauna cheke eghu, ‘Amen!’

Eksodas 22:20

“Naiknore mala fafara ka Iara ngala, theome ka ihei nga. Eghuteuna jame ihei te fafara ka mumuju na, ghotilo falelehe naikno tuana.