Levitikas 19:32 - Buka Blahi Ka Cheke Holo

³² “Eghuteuna ghotilo kegra haghe ke uludi goro mae biꞌo, mala filoni naiknore te ghatho tahudi ghotilo mae khuekuꞌe re. Eghuteuna ghotilo mala ghatho tahu ghau iara nomi God ghotilo. Iara Lord.

Levitikas 19:32 ပူးပေါင်းရင်းမြစ်များ

Ululahu Timoti 5:1

Kate fadoglini kaisei mae tela kueku'ehi na, iagho thosei cheke fabiꞌo ka mana. Nu iagho famane cheke ranghini mana jateula te cheke ka mae kmamu themu eghu. Fadoglidi hatimare mae majaghani jateula thabusigna eghu,

Lamentations 5:12

Mare haru gnarho graradi mae mala baubatu ka ghehati re, eghuteuna mare theome ghatho tahudi mae biꞌore.

Proveb 16:31

Khakla te nufa na jateula nogna khepi nafnakno eghu mae biꞌo na. Mana tangomana te thokeni ka nakarha te doglo.

Proveb 20:29

Naiknore kelitadi ka mae majaghani te nheta thinigna na. Nu mare ghatho tahuni tulao mae biꞌo te nufa khaklagna na.

Thoutonu Eigna Mae Job 32:6

Aonu mae Elihu ne cheke eghu: “Iara kaisei mae majaghani kolho, eghuteuna ghotilo mae biꞌo, eghume iara mhaghu nogu te cheke fajiflani gaoghathogu na ka ghotilo.

Thoutonu Eigna Mae Job 32:4

Nu naugna mae Elihu gne mae ke majaghanidi thilo mae igrei, mana ofo neu ne ghilei gnafa mare nodi cheke re.

Ululahu Pita 2:17

Ghatho tahudi naikno te gnafa nei namhadi kherada te gnafa ka khiloau gne. Thofno ghatho tahuni God ke uludi naikno te gnafare nei jaola ghatho tahuni mae king biꞌo gna Rom.

Letas Teke Riso Tei Mae Pol Ka Khiloau Rom 13:7

Ghotilo mala foli sopai nafnata takis leghuni unha te chekeni vetula na. Eghuteuna ghotilo mala ghatho tahudi mae biꞌo re eghuteuna fafnaknodi nabadi mare hui.

Profet Isaia 3:5

Naiknore ginauna fari pholai fari thedi. Naiknore ginauna theome keli ranghidi kheradi fofodure, eghuteuna mae nalhaꞌu majaghani nei gaꞌase majaghani teu igre ginauna theome ghatho tahudi naikno biꞌo nei mae biꞌo teure. Eghuteuna naiknore ginauna maꞌedi kolho nomi mae funei ghotilore.

Levitikas 19:14

“Eghuteuna ghotilo thosei tibrini mae te megli na, ghotilo thosei goigonini mae te dofu na mala uka mana, naugna iara Lord, nomi God ghotilo, eghuteuna ghotilo mala thofno ghatho tahu ghau iara.

Ululahu Kings 2:19

Aonu Batseba tei ne filoni King Solomon eigna igne. Kate ruma Batseba ka suga na, king kegra haghe ne pogho soru ka naꞌa. Aonu King Solomon gnokro soru ka nogna sape nafnakno na, eghuteuna mare hata kaisei sape nafnakno ka kuin, idogna na, ne gnokro rhegna mana.

Jenesis 31:35

Resel ne cheke eghu ka mae Laban, “Mama, thosei diꞌatamu ka iara. Iara gne theome nabagu te kegra haghe ke ulumu iagho kate thoke ghau iara nomi khabru ghehati goro gaꞌase gre.” Mae Laban ne filo tongana ka gobigna lepore ne theome filodi nogna mumuju re.

Fapea Kings 17:36

Ghotilo mala leghu ghau iara kaisei Lord ngala, mae ihei teke hata fajifla ghami ghotilo Ijep balu nolaghi biꞌo nei nanheta. Ghotilo mala pogho soru ka iara eghuteuna ghotilo mala fafara ka iara.

Proveb 23:22

Fanomho ka kmamu mae ihei teke fakarhi nigho na, eghuteuna thosei ghatho ihoni idomu na kate kaekave naꞌa na.

Jenesis 48:12

Eghuteuna mae Josep ne hata fadelei phei mae thugna re ka ghahegna mae kmagna na ne pogho soru pari.