Levitikas 19:27 - Buka Blahi Ka Cheke Holo

^27-28 “Eghuteuna jame kaisei ka ghotilo lehe, ghotilo thosei kuchi koko khakla ka geri phaꞌumi are, eghuteuna ghotilo thosei korho koko khakla ka gremohomi re, nei thosei raurapu thinimi re eigna ihei te lehe, nei thosei vahe thinimi re fagaglana eigna te diꞌanagnafa ghotilo na. Iara Lord.

Levitikas 19:27 ပူးပေါင်းရင်းမြစ်များ

Diutronomi 14:1

Mae Moses ne cheke eghu, “Ghotilo thugna Lord nomi God. Eghume kate lehe kaisei naikno na, ghotilo thosei vahe thinimi themi are, ba ghoighori khakla ka greremi are eigna te lehe naikno na.

Levitikas 21:5

“Pris na theome mala ghoighori phaꞌugna na ba gremohogna na mala laseni te diꞌanagnafa ka glehegna kaisei naikno na, eghuteuna mana mala theome vahe thinigna naugna mana te diꞌanagnafa na.

Profet Esikiel 44:20

“Mae pris re theome mala ghoighori phaꞌudi re, ba theome mala rheu fara. Mare mala famane kuchi fakmoꞌei kolho khakladi re.

Profet Jeremaea 48:37

Mare kuchi phaꞌudire, ghoighori gremohodire, kusu geghesudire, eghuteuna pipichi pohe thona fagaglana eigna nodi diꞌanagnafa nei natanhi teuna.

Profet Jeremaea 16:6

Neubane mae dedei ba mae te kuma, mare ginauna lehe ka kantri igne. Ginauna na theo kaisei naikno nate kokhonidi, tanhidi nei giugiluidi teure. Eghuteuna ginauna na theo kaisei naikno nate vahe thinigna thegna na, ba nate ghoighori phaꞌugna thegna na, fagaglanagna nogna diꞌanagnafa na.

Profet Isaia 15:2

Naikno ka namono Dibon igre tei ka vido mala tarai na mala diꞌanagnafa nei tanhi eghu. Naiknodi Moab igre tanhi fabiꞌo ke kligna thogele Nebo nei ka namono Medeba. Mare ghoighori phaꞌudi nei gremohodi teure, naugna mare ne thono diꞌanagnafadi fara.

Profet Esikiel 7:18

Mare ginauna pipichi ka pohe thona, eghuteuna mare ginauna mhaghu balu dedede nodi. Mare ginauna mamaja nodi fara ghoighori phaꞌudi re, fagaglagna nodi diꞌanagnafa na.

Profet Jeremaea 41:5

nhanasalei mae mei funudi ka namono Sekem, Saelo, nei Samaria. Mare mei ne namo Mispa. Mare atha mei keha wit, nei insens mala fafara ka Sugablahi na. Mare ghoighori gremohodire nei rerheku nodi pohere, eghuteuna mare vaevahe thinidire, fagaglana gna nodi diꞌanagnafa na.

Ululahu Kronikols 19:4

Aonu King Hanun nomhini cheke igne ne loku famaku nogna tothoghei mae King Devet igre. Eghuteuna mare ne ghoighori kaisei phile gremohodi re, eghuteuna kusu fakmoꞌei nodi pohere mala tangomana naiknore te filodi pesidi mare re, gnafa teuna ame ke kuru fapulodi nga.

Profet Jeremaea 9:25

Lord ne cheke eghu, “Kmana naikno vahe thinidire, nu mare theome leghu ghau iara. Tutuani, narane te mala paradi iara naikno te vahe kolho thinidire la namo meihi.