Levitikas 19:26 - Buka Blahi Ka Cheke Holo

²⁶ “Ghotilo thosei ghamu nafnahi te au teu dadara tagna. “Eghuteuna ghotilo mala thosei eni kaisei glepo ka kastom meresin, ba fariuriu edi glepo ka kastom meresin mala laseni unha nate thoke mei ginauna.

Levitikas 19:26 ပူးပေါင်းရင်းမြစ်များ

Fapea Kings 17:17

Mare gahu ka khaꞌaghi thudi nalhaꞌu nei thudi gaꞌase teure mala fafara ka mumuju god. Eghuteuna mare ghusnadi mae iheire te au naitu nhaghe nei mae iheire te fafara te mala lasedi unha lepo nate thoke mei ginauna. Mare ghatho nhetani kolho te mala eni glepo te thono diꞌa fara ka tathagna Lord na, eghume mare fabrana ni fara diꞌatagna mana na.

Fapea Kronikols 33:6

Mana gahu thugna thegna na ka glogu Ben-Hinom mala fafara ka mumuju god. Mana loku ka kuro, pophoji, khoraphaꞌu, fafara mala laseni unha nate thakle mei, eghuteuna mana tei filodi iheire te tangomana te cheke ka tharungadi naikno tela lehehi ra. Mana edi kmana glepo te thono diꞌa fara ka tathagna Lord, eghume Lord na thono diꞌatagna fara ka unha te edi mana igre.

Fapea Kings 21:6

Mana gahu neke fafara mae thugna thegna na ka mumuju. Mana loku ka nunughere nei khoraphaꞌu, khaekae, eghuteuna mana tei filodi iheire tangomana te cheke baludi tharungadi iheire tela lehehi. Eghuteuna mana edi kmana glepo te thono diꞌa fara ka tathagna Lord na, aonu Lord ne diꞌatagna fara ka mana.

Diutronomi 12:23

Nu ghotilo thosei koꞌu dadara, naugna nakarhagna glepo te tautagu igne au ka dadaragna na, eghuteuna blahi te ghamu nafnahi te au teu karha tagna na.

Levitikas 7:26

Eghuteuna namono aheva te au ghotilo tagna na, blahi te ghamu ghotilo dadaradi nanghaji ba dadaradi glepo tautagu.

Levitikas 3:17

“Ghotilo naiknomi Israel ra thosei ghamu kaisei garofa ba dadara buluka. Igne kaisei vetula te mala leghuni nei taji fakelini teu fabrahu ghotilo ka namono aheva nate au ghotilo tagna na.”

Profet Jeremaea 10:2

Lord ne cheke eghu, “Thosei leghuni puhidi naiknodi keha kantri are. Eigna mare tangomana te filodi thua nafnata fagaglana te thakle mei ka maloa. Nu neuba mare ne mhaghudi fagaglana tuare, ghotilo thosei mhaghudi.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Profet Daniel 2:10

Aonu, mae igre ne cheke eghu ka mana, “King, theo kaisei naikno ka nauthoglu igne te tangomana te rurutha ka iagho glepo te magnahaghei laseni iagho igne. Theo kaisei king, ba kaisei mae biꞌo te toreni glepo jateula igne teku ka nogna mae khaekae nei nogna mae kastom teku na.

Ululahu Samuel 15:23

Mae ihei te tirogna ni God na, mana tapla jafra jateula mae te loku ranghini naitu ra eghu. Eghuteuna mae ihei te fakliakligna ni thegna na, mae igne diꞌa fara jateula mae te pogho soru ka nodi mumuju god mae bongihehe ra eghu. Naugna te tirouni iagho chekegna Lord na, mana tirogna nighola iagho.”

Eksodas 8:7

Nu hatimare mae meresin re ne jaola ne loku ka nodi nolaghi te mala eꞌei kofubobhoi na. Aonu groma re ne jifla ka khoꞌu na ne kafe haghe ka namhata na.

Eksodas 7:11

Nu king ne chekedi nogna mae glalase teure mala edi kastom te lasedi mare re, eghuteuna maedi Ijep igre ne edi jateula te edi Eron igre neu. Hatimare mae glalase nei hatimare mae meresin nei mae khodo teudi Ijep re mala eni la ngau nafnata te eni mae Eron igne.

Mae Khuru 15:20

Te keli na, tahati rioriso kaisei letas ranghidi mare. Igre glepo jame te mala chekedi tahati ranghidi re, ‘Thosei ghamu gano teke fafara ka mumuju. Thosei eni puhi te diꞌa. Thosei ghamu gano teke lalamho falehe. Thosei koꞌu dadara.’

Jenesis 9:4

“Nu kaisei glepo ngala te thosei ima ghotilo na, u nafnahi te au teu dadara tagna na, eigna u dadara gne ngala u nafugna u karha na.

Jenesis 44:5

Naugna unha site blau ghotilo nogna kapu nogu mae funei iara ia? U kapu te blau ghotilo ia ngala te mala koꞌu mana na. Eghuteuna kapu igne jaola te mala lasedi mana gaoghathodi u mifi re. Ghotilo la enihi kaisei najafra te diꞌa fara.’ ”

Levitikas 19:25

Leghu lahu na, ka falima finogha na ghotilo tangomana te ghamu sisi na. Jame te leghuni ghotilo igne na, iara ginauna fablahidi nomi gaju ghotilo re, mala ure kmana sisi, naugna iara Lord, nomi God ghotilo.

Diutronomi 12:16

Nu ghotilo ginauna thosei ghamu dadaradi glepo te tautagu igre. Ghotilo tofa tei dadara igre ka glose.

Diutronomi 15:23

Nu ghotilo thosei ghamu dadaradi glepo tautagu igre, ghotilo totofa koko dadara igre.”

Ululahu Samuel 14:32

Aonu mare chari ne tei hata unha teke uludi mare ka magra na. Mare ne falehe sipu nei buluka balu suadi aheva te kadi mare mala ghamu. Nu mare ne theome ofoni u nafnahi te dadara teuna ne ghamu.

Ululahu Samuel 14:33

Eghuteuna keha naiknore tei ne cheke eghu ka king, “Filo sagho! Mare khibo ranghini Lord, naugna mare ne ghamu nafnahi te au teu dadara tagna na.” Aonu King Sol ne cheke eghu, “Tore! Ghotilo khibo ranghini Lord. Gognarona, ghotilo pili mei kaisei thina biꞌo.”