Levitikas 19:15 - Buka Blahi Ka Cheke Holo

¹⁵ “Kate fateni ghotilo kherami na ka kot, ghotilo fateni mana ka puhi te doglo. Jame kaisei mae kuma tei ka kot, ghotilo thosei kaisei phile fara ka mana naugna te kuma mana na. Eghuteuna jame mae dedei tei ka kot, ghotilo theome ghatho tahuni fara mana naugna mana mae dedei. Ghotilo fatedi phia mare kaisei nanaba kolho.

Levitikas 19:15 ပူးပေါင်းရင်းမြစ်များ

Diutronomi 1:17

Eghuteuna kate fatedi naiknore, ghotilo fate ka puhi te doglo, thosei phile ka ihei nga. Neubane mae biꞌo ba fiti mae kolho, ghotilo thosei mhaghuni ihei, nu fatedi naiknore ka puhi te naba ka gaoghathogna God. Eghuteuna jame kaisei puhi biꞌo fara, te theome naba ghotilo te fadoglini na, ghotilo ginauna hata mei ka iara, eghuteuna iara ginauna fadoglini puhi tuana.”

Proveb 24:23

Igre langau keha nodi famane cheke mae ihei te au tagna gaoghatho te keli na. Mae mala fate na mala theome mala phile balugna ihei nga ka kot.

Diutronomi 27:19

“ ‘Puhi biꞌo ginauna thokeni ihei te theome leghuni puhi te doglo kate fateni naikno phosa nei goro sua te glehe kokoi, nei goro naikno biꞌo tela lehehi khetodi re.’ Eghuteuna naiknore ginauna cheke eghu, ‘Amen!’

Levitikas 19:35

“Ghotilo thosei chaghini ihei kate sabiri iagho kaisei glepo na. Ghotilo thosei skel ba fananaba glepo tuana ka puhi te diꞌa.

Proveb 18:5

Theome doglo te phile balugna mae ihei te huhughuni vetula na. Eghuteuna theome doglo te theome toghoni ihei te theome huhughuni vetula na te mala lus ka fate na.

Diutronomi 16:19

Mare mala theome leghuni puhi te theome doglo na. Mare theome mala phile baludi keha mae kolho. Mare theome mala snakreni ihei mala famaemaheni kaisei naikno mala hata sileni ka mana, naugna puhi te famaemahe igre tangomana te fadofuni mae mala fate neuba mana ne mae glalase, eghuteuna mae mala fate ginauna theome cheke fadoglo ka kot.

Nodi Khoje Hatimare Mae Jiu 82:2

Aonu mana na cheke eghu ka mare, “Ghotilo thosei fatedi naiknore kau nafnata puhi te theome doglo, nei ghotilo thosei ke phile ka naikno te diꞌa puhidi are.

Eksodas 18:21

Jaola, iagho vavahi keha famane mae funei te lalase mae iheire te ghatho tahuni God nei mae iheire te tutuani nodi cheke re nei mae iheire te theome tusu lao sileni ka naiknore te mala eni u puhi te diꞌa na eghu. Mae igre keha mala batuni kaisei thogha naikno, keha mala batuni kaisei gobi, keha mala batuni glima fului nei keha mala batuni nabothoi eghu.

Jone 7:24

Thosei vavahi ka unha glepo te keli kolho fifilogna ke kosi na, nu te keli na vavahi ka unha glepo te thofno tutuani.”

Mae Khuru 23:3

Mae Pol ne cheke eghu ka mae Ananias, “God ginauna tapo nighola iagho! Iagho jateula kaisei gringni tela diꞌahi eghuteuna ke peda vegha kolho teu ia eghu! Gnokrou sagho jare mala fate ghau iara leghuni u vetula na. Nu iagho themu na huhughu nila vetula na, naugna blahi fara ka vetula na te chekedi iagho mae igre te mala mei tapo ghau iara na.”

Diutronomi 10:17

Lord nomi God ghotilo igne, mana God frunidi god te gnafa nei Lord frunidi Lord te gnafa teu igre. Mana Thofno God mae ihei te au nolaghi fateote'o eghuteuna naikno te gnafa ka nauthoglu igne mhaghuni mana. Kate fateni ihei na, mana theome tangomana te phile ka ihei, eghuteuna mana theome tangomana te hata sileni ka ihei te mala theome fate ka puhi te doglo.

Thoutonu Eigna Mae Job 13:8

Ba, ghotilo magnahaghei God te phile ka ghotilo? Ba, ghotilo gaoghathomi na ghotilo tangomana te toghoni God mala fapholai ka fate na?

Thoutonu Eigna Mae Job 32:21

Job, iara ginauna na theome phile balumu iagho, eghuteuna iara theome tangomana la te phile baludi thilo mae igre. Eghuteuna iara ginauna na theome fariuriu mala famaemaheni kaisei mae ka ghotilo.

Thoutonu Eigna Mae Job 34:19

Mana theome phile baludi mae mala baubatu, eghuteuna mana theome fanomho ka mae te dedei nei mae te kuma, naugna mana ngala teke vuavuhadi mare te gnafa na.

Proveb 31:9

Kate gnokro ka kot na, iagho mala eni puhi te fadoglo na. Eghuteuna iagho toghodi naikno te kuma nei iheire te au ka nakarha te ninhigrana.