Levitikas 19:10 - Buka Blahi Ka Cheke Holo

¹⁰ Eghuteuna ghotilo thosei ke figri ka nagare grep ghotilo ra mala ke salo sisi teke lilisei ghotilo ra, ba mala ke sene haghe sisi teke khoko ra. Ghotilo mala lisa lao glepo igre maladi iheire te kuma nei naikno phosa te au balumi ghotilo igre. Iara Lord, nomi God ghotilo.

Levitikas 19:10 ပူးပေါင်းရင်းမြစ်များ

Profet Isaia 24:13

Tutuani, igne unha nate thoke mei heva heva ka nauthoglu igne. Eghuteuna nauthoglu igne ginauna na jateula nagare gaju oliv te pulei fateo sisigna ra eghu. Ba ginauna na jateula nagare gaju grep te hata fateo sisi te kelire teke lisei faleghu keha maladi naikno te kuma teku ra.

Profet Isaia 17:6

Uve, ginauna na theome kmana naikno nate karha ka kantri igne. Ginauna Israel gne na jateula kaisei gaju oliv te tei naikno te vigho te brusu soru pari sisigna re te tei hata fahui naikno ra eghu, eghuteuna phei, ba thiloi sisi kolho nate au teu ka grege kligna na, eghuteuna phei ba thiloi kolho te au ka grege pari na teura eghu kolho.” Igne nogna cheke Lord nodi God maedi Israel.

Levitikas 25:6

Neuba ghotilo thosei tobi ka finogha tuana, nu glose na tangomana te favuragha gano ka ghotilo naiknomi Israel. Kaisei gano teke karha thegna na, malami ghotilo, nei maladi naikno sneka, nei maladi naikno gloku, nei maladi naikno phosa te au balumi ghotilo.

Profet Maeka 7:1

Iara kokhoni ghau fara! Iara diꞌa nagnafagu fara! Iara jateula mae te rofo fara te tei tafri mala hiro sisi mala ghamu teura eghu kolho. Nu theo kaisei sisi te au ka gaju fig nei gaju grep. Mare la atha fateohi sisi te gnafa re.

Profet Obadaea 1:5

Uve, ghotilo lasenihi igne. Kate mei bongiro mae te blau na te hata unha te magnahagheni na, mana ginauna lilisei faleghu unha te theome magnahagheni mana na. Eghuteuna kate ukli grep naiknore, mare ginauna lilisei faleghu kehare. Nu nomi naoka ghotilore ginauna mei para ghami ghotilo fara na theo kaisei glepo te au na.

Profet Jeremaea 49:9

Kate ukli sisi grep na, naiknore lilisei faleghu koba keha sisi grep maladi iheire te kuma. Eghuteuna kate mei bongiro mae te blau na, mana tangomana te mei atha kolho unha te magnahagheni mana na.

Jajis 8:2

Nu Gidion ne cheke eghu ka mare, “Thosei diꞌanagnafami! Unha te eni ghehati igne ikoi kolho, theome thokedi glepo te biꞌo teke edi ghotilo ra. Ghotilo tangomana te edi glepo ke biꞌodi te edi iara igrei. Gloku te edi ghotilo Efrem ra biꞌo fara salaꞌudi unha te edi ghehati vikegna Abiesa ra.

Levitikas 19:9

“Kate hata mei gano ghotilo ka nomi nagare re, ghotilo thosei kafe hata gano ka gerigna nagare na, eghuteuna ghotilo thosei figri ke hata kaisei glepo ka unha teke lisei ghotilo ke leghu re.

Levitikas 19:11

“Ghotilo thosei blau, ba thosei chaghi tafridi keha kherami re.

Levitikas 23:22

“Iara Lord, nomi God ghotilo, eghume kate tei ghotilo te hata gano ka nomi nagare are, ghotilo thosei hata hui tei thoke ka gerigna nagare na. Eghuteuna ghotilo thosei ke pulo mala ke hata gano teke lisei faleghu teku ghotilo ra. Ghotilo khudau gano igre maladi iheire te kuma nei naikno phosa te au balumi ghotilo.”

Diutronomi 24:19

“Kate hata gano ghotilo ka nagare na, glahu ghatho ihodi ghotilo keha gano. Jame te eghu na, ghotilo thosei pulo ke hata. Ghotilo khudau maladi naikno phosa, nei goro sua glehe kokoi, nei goro naikno biꞌo. Kate eghu ghotilo na, Lord nomi God ghotilo igne ginauna fablahidi nomi gloku te gnafa ghotilo re.

Diutronomi 24:20

Eghuteuna kate tei ghotilo te hata ghemi sisi gaju oliv na, eghuteuna keha au meu ka gaju re teuna, ghotilo thosei ke figri mala ke hata sisi igre. Ghotilo khudau, ghedi naikno phosa, nei goro sua glehe kokoi, nei goro naikno biꞌo.

Thoutonu Eigna Rut 2:2

Aonu Rut ne cheke eghu ka Naomi, “Iara magnahaghei tei loku ka nagare mala salo keha bali kate kato soru te lilisei te tei goro nalhaꞌure are. Jame te keliu ngala teu rehati na, iara ginauna tei ke leghudi reꞌe mala salo tei bali te ikodi are.” Naomi ne cheke eghu ka naꞌa, “Keliu ngala, tei sagho.”

Levitikas 11:44

Iara Lord nomi God ghotilo, eghume ghotilo mala klino ka tathagu iara na, eghuteuna ghotilo mala au blahi naugna iara au blahi. Eghume ghotilo thosei ghamu kaisei nafnata glepo tautagu igre nate fathona ghami ghotilo ka tathagu iara na.

Levitikas 19:25

Leghu lahu na, ka falima finogha na ghotilo tangomana te ghamu sisi na. Jame te leghuni ghotilo igne na, iara ginauna fablahidi nomi gaju ghotilo re, mala ure kmana sisi, naugna iara Lord, nomi God ghotilo.

Diutronomi 24:21

Eghuteuna jame ghotilo tei ka nagare mala hata ghemi keha sisi grep, eghuteuna keha sisi au meu teuna, ghotilo thosei ke figri mala ke hata. Ghotilo khudau, ghedi naikno phosa, nei goro sua, nei goro naikno biꞌo.