Levitikas 18:21 - Buka Blahi Ka Cheke Holo

²¹ “Blahi ihei ka ghotilo te faleheni thugna na, eghuteuna gahu ka khaꞌaghi te mala fafara ka god Molek, naugna puhi igne goigoni nanghagu iara te blahi nomi Lord God ghotilo.

Levitikas 18:21 ပူးပေါင်းရင်းမြစ်များ

Diutronomi 12:31

Ghotilo thosei leghudi puhidi mare re kate pogho soruni ghotilo Lord nomi God. Naugna kate pogho soru mare ka nodi god re, mare edi glepo te thono diꞌa fara te tirognadi fara Lord. Ghotilo laseni, mare gahu thudire mala fafara ka nodi god re.

Levitikas 19:12

“Eghuteuna ghotilo thosei nhaꞌa cheke chaichaghi ka nanghagu iara, naugna goigoni ni nanghagu iara na. Iara Lord.

Diutronomi 18:10

Ghotilo thosei snakreni kaisei naikno mala gahu fafara thugna nalhaꞌu ba thugna gaꞌase na. Ghotilo thosei snakreni kaisei naikno mala fafara mala laseni eigna unha nate thoke mei ke leghu na. Ghotilo thosei snakreni kaisei naikno mala loku ka neilehe ba poesen.

Levitikas 22:32

Ghotilo thosei lausasaba ni nanghagu iara te blahi gne, nu ghotilo naiknomi Israel ra laseni te iara blahi, eghuteuna iara na fablahi ghami fabrahu leghu fata.

Mae Khuru 7:43

Nu ghotilo mala pala tei koba balumi suga tapuale te mala pogho soruni god Molok gne nei thotoghale gna u nathunu god Rifan teke hohoro themi are. Tuare god chaichaghi te pogho sorudi koba ghotilo re. Naugna igne, iara ginauna na kuru tei ghami ghotilo kate khaba fara,’ sala'uni Babilon.

Profet Malakai 1:12

“Nu ghotilo cheke fadiꞌani nogu olta iara na, eghuteuna ghotilo atha mei gano te tiromidi themi re mala fafara.

Profet Jeremaea 19:5

Mare babana olta mala gahu thudi nalhaꞌure ka khaꞌaghi mala fafara ka god Baal. Nu iara neke theome chekedi mare te mala eni nafnata puhi igne. Nafnata puhi igne thono diꞌa fara theome jifla mei ka gaoghathogu iara na.

Ululahu Kings 11:33

Iara ginauna eni igne, naugna mae Solomon baludi naiknodi Israel igre ne tei koko ghau iara, nei mare pogho soru ka god Astarot nodi god gaꞌase naiknodi Saedon, eghuteuna Kemos nodi god naiknodi Moab, eghuteuna Molek nodi god naiknodi Amon. Mare theome leghuni puhigu iara na. Eghuteuna mare theome eni unha te doglo ka tathagu iara na, mare theome leghudi nogu vetula nei nogu cheke teu iara re jateula King Devet kmagna mae Solomon teke edi tifa ra eghu.

Ululahu Kings 11:7

Mae Solomon ne eni kaisei vido blahi ka thogele ke maghati Jerusalem mala tarai ka god Kemos, god te thono diꞌa fara igne nodi god naiknodi Moab. Eghuteuna mana jaola eni keha vido blahi na mala pogho soru ka Molek, kaisei nodi god te diꞌa naiknodi Amon.

Levitikas 22:2

“Cheke ka Eron baludi thugna mana ra mala au fadelei mare ka glepo blahi teke lisei fadelei naiknodi Israel mala fafara mei ka iara, aonu mae pris gre mala theome goigoni nanghagu iara te blahi na. Iara Lord.

Profet Emos 5:26

Nu gognarona ghotilo tei koko ghauhi iara, eghuteuna ghotilo tarai ka phei mumuju teke sari themi te kilodi ghotilo keha na, King Sakut eghuteuna keha na, Nathunu Kaiwan. Aonu kate kuru tei ghami iara te tei sosolo ka kaisei kantri te khaba fara ka namono biꞌo Damaskas, eghuteuna ghotilo hata tei balumi mumuju tuare.” Igne chekegna Lord. Nanghagna mana na God mae ihei te au nolaghi fateote'o.

Profet Esikiel 23:37

Repa tapla jafra baludi keha nalhaꞌui, nei aknu falehe naikno eghu. Eghume repa la tei koko ghauhi iara la tei lalahu fadiꞌa ka mumuju, eghuteuna repa aknu falehe fafara ka mumuju thugu iara teke karha ka repa re.

Profet Esikiel 20:31

Kate snakredi ghotilo te mala fafara lao thumi nalhaꞌure ka mumuju te diꞌa igre na, ghotilo fathona ghami themi fabrahu ka tathagu iara na la ghilei mei thoke ka narane gognarogne. Ghotilo naiknomi Israel ra! Naugna unha si ghotilo te edi koba glepo te diꞌa igrea, ba ghotilo tangomana ghami te mei te hironi gaoghathogu iara na? Iara eni nhaꞌa cheke igne ka nanghagu iara Lord God mae ihei te karha fabrahu tifa te tifa. Iara ginauna theome snakre ghami ghotilo te toreni kaisei glepo ka iara na!’ ”

Profet Jeremaea 7:31

Mare horo kaisei olta te kiloni mare, Tofet, ka Glogu Hinom. Aonu mare gahu ka khaꞌaghi thudi nalhaꞌu nei thudi gaꞌase teure ka olta igne mala fafara ka mumuju. Nu iara neke theome chekedi mare te mala eni puhi igne. Nafnata glepo te eni mare igne neke theome jifla mei ka gaoghathogu iara na.

Fapea Kings 23:10

King ne thofno goigoni fara kaisei vido blahi te mala pogho soru mare na jare ka namono Tofet ka glogu Ben-Hinom mala theome tangomana naiknore te gahu thudi re ka khaꞌaghi te fafara ka god Molek.

Fapea Kings 21:6

Mana gahu neke fafara mae thugna thegna na ka mumuju. Mana loku ka nunughere nei khoraphaꞌu, khaekae, eghuteuna mana tei filodi iheire tangomana te cheke baludi tharungadi iheire tela lehehi. Eghuteuna mana edi kmana glepo te thono diꞌa fara ka tathagna Lord na, aonu Lord ne diꞌatagna fara ka mana.

Fapea Kings 16:3

Mana leghudi puhidi mae king di Israel te diꞌa tifa ra. Eghuteuna mana neke gahu thofno thugna na neke fafara ka mumuju. Glepo igne thofno leghuni puhidi naiknodi tifa te thofno diꞌa fara ra, eghuteuna Lord neke khi fajifladi naikno bongihehe igre ka nodi vido glose naiknodi Israel.

Levitikas 21:6

Mare mala au blahi malagu iara nodi God mare, eghuteuna mare mala theome goigoni ni nanghagu iara na, naugna mare mala ei fafara mala tangomana gano re te kaisei glepo blahi na. Naugna igne mare mala blahi fara.

Letas Teke Riso Tei Mae Pol Ka Khiloau Rom 2:24

Naugna eimi ghotilo mae Jiu, grioriso te blahi na cheke eghu, “Iheire te theome naikno Jiure, mare na cheke faparini nanghagna God na.”

Letas Teke Riso Tei Mae Pol Ka Khiloau Rom 1:23

Mare la lilisei fadeleihi puhi te mala ghatho tahuni God mae ihei te karha te tifa na. Eghuteuna mare hohoro mumuju jateula naikno, ba nanghaji ba mogo ba keha nafnata glepo te tautagu te au mata. Igre glepo te thufru sorudi mare re!

Fapea Kronikols 28:3

Eghuteuna mana gahu fafara mala tarai ka keha god delei ka glogu Ben-Hinom. Eghuteuna glepo te thono diꞌa fara te eni mana na, mana gahu ka khaꞌaghi mae thugna re mala fafara ka god igre. Ka puhi igre, mana thofno leghudi puhidi naiknodi tifa te diꞌa ra, naikno igre Lord neke khi fajifladi ka nodi vido glose naiknodi Israel.

Profet Jeremaea 32:35

Mare horo nogna olta god Baal ka glogu Hinom, eghuteuna mare ne gahu thudi nalhaꞌu nei thudi gaꞌase teure mala fafara ka god Molek. Nu iara neke theome chekedi mare te mala eni puhi igne na. Nafnata puhi te eni mare te thofno diꞌa fara igne mala batudi naiknodi Juda igre mala snoꞌo ka nakhibo, eghuteuna nafnata glepo igne neke theome jifla mei ka gaoghathogu iara.”

Profet Esikiel 20:26

Iara lisa laodi mala fathonadi thedi ka tathagu iara na, naugna mare ne fafara thudi teke kulu karhare ka mumuju god. Iara eni igne, mala rhana nodi nei laseni eghu mare iara te Lord na.’

Profet Maeka 6:7

Jame tusu lao kmana thogha sipu tahati ka mana. Ba? Mana ginauna tangomana te glealeꞌa na? Ba jame atha mei kmana oliv oel tahati ka mana. Ba? Mana ginauna tangomana te glealeꞌa na? Jame aknu falehe tahati thuda teke kulu karha re mala tusu lao ka mana. Ba? Fafara tuana tangomana te folidi nakhiboda tahati re? Thono theo fara!

Levitikas 24:15

Ke leghu, iagho mala cheke ka naiknodi Israel ihei te cheke diꞌa ka God, mana mala papara.

Fapea Kings 17:31

naiknodi Ava re sari mumujudi phei god Nibas ghe Tatak, eghuteuna naiknodi Sefavaem re gahu thudire ka khaꞌaghi mala fafara ka phei nodi god, Adramelek ghe Anamelek.

Profet Emos 2:7

Mare tapla faparidi nei theome toghodi neu iheire te nigra ba iheire te kuma. Jaola mae kmagna ghe mae thugnare kafe tapla jafra ka kaisei gaꞌase kolho. Puhi igre thofno diꞌa fara, nei famamajani eghu nanghagu iara te blahi na.