Levitikas 17:7 - Buka Blahi Ka Cheke Holo

⁷ Aonu ghotilo mala thosei ke fafarai ka nanigot naitu tuana, naugna puhi igne jateula gaꞌase te tei balugna mae te theome khetogna naꞌa ia eghu. Igne vetula te mala leghuni fabrahu ghotilo na.

Levitikas 17:7 ပူးပေါင်းရင်းမြစ်များ

Ululahu Korin 10:20

Theo! Nu unha te fafara iheire te theome fatutuani ni God re, mare fafara ka naitu kolho, theome ka God. Eghuteuna iara theome magnahaghe ghami ghotilo te kaisei balugna naitu na.

Eksodas 34:15

“Ghotilo thosei eni kaisei nhaꞌa cheke te mala au fakeli baludi naikno gna glose igne, naugna kate pogho soru te tarai nei fafara mare ka nodi god re teuna, mare ginauna kilo ghami ghotilo mala tarai baludi. Glahu ghamu ghotilo gano teke fafara lao mare ka nodi god re.

Fapea Kronikols 11:15

Jeroboam fablahidi nogna pris thegna re te mala loku ka vido blahire. Mare tarai tufru soru ka mumuju nanigot nei ka sua buluka.

Diutronomi 32:17

Ghotilo fafara ka naitu te theome thofno god kolho na. God chaichaghi igre, kuꞌemi ghotilo tifa ra neke theome lasedi, god igre posa mei majaghani kolho. Eghuteuna kuꞌemi ghotilo tifara neke theome ghatho tahudi nei mhaghudi neku.

Nodi Khoje Hatimare Mae Jiu 106:37

Mare ne falelehe thudi nalhaꞌu nei gaꞌase teure ne fafara ka mumuju.

Thakle 9:20

Keha naikno ka nauthoglu igne re ne theome lehe ka papara biꞌo igre. Nu mare tirodi tughu nagnafa nei figri tagrudi eghu mumuju teke horo thedi ka khamedire. Tutuani, mare theome gnafa ka puhi te pogho soru ka naitu nei mumuju eghu teke hohoro ka gol, silva, bras, thina, nei gaju. Glepo igre theome tangomana te fifilo ba nonomho ba nonolo.

Profet Esikiel 23:8

Naꞌa leghudi kolho puhi te diꞌa teke edi teke mei funu Ijep kani gaꞌase majaghani gna teku naꞌa na. Ka narane tuana, mae nalhaꞌure mei thuru fodu balugna naꞌa, nei loku ka chuꞌugna re, eghuteuna mare lalahu fadiꞌa balugna naꞌa.

Diutronomi 31:16

Aonu, Lord ne cheke eghu ka mae Moses, “Iagho ginauna lehe. Eghuteuna kate lehe iagho na, naikno igre ginauna na theome raugha tarai nei pogho soru eghu ka nodi god naikno te au ka glose nate tei ghotilo tagna na. Mare ginauna lisa ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Levitikas 20:5

iara thegu nate figri tagruni mana nei tharaknagna mana na, nei keha naikno iheire te loku fodu balugna mana te mala leghuni god Molek igne, eghuteuna iara ginauna hata fadeleidi mare ka naiknodi Israel.

Eksodas 32:8

Mare ghosei la kokohi puhi teke chekedi iara mala leghudi mare tekura. Mare la horohi kaisei mumuju buluka nalhaꞌugna teke horo ka gol, mare la pogho soru nei fafara lau tagna. Eghuteuna mare la cheke eghu, ‘Ghotilo naiknomi Israel! Igne noda god tahati na, mae ihei teke atha fajifla ghita Ijep!’ ”

Eksodas 22:20

“Naiknore mala fafara ka Iara ngala, theome ka ihei nga. Eghuteuna jame ihei te fafara ka mumuju na, ghotilo falelehe naikno tuana.

Efesus 2:2

Uve, tifa na ghotilo neke leghuni puhidi naikno te diꞌa ka nauthoglu igne. Ghotilo neke leghuni kolho mae Satan, mae funeidi naitu ka maloa gne, eigna mana gognaro na tangomana te funeidi iheire naikno te theome leghuni God.

Fapea Korin 4:4

Eigna Satan mae ihei te funei frunini nauthoglu igne ne faromnodi nagnafadi naikno te theome fatutuanire. Eghume mare theome tangomana te filoni u naphae gna Nonomho te Keli te thofno fatakleni nogna nolaghi biꞌo Kraes na, mae ihei te thofno thotoghale gna God na.

Jone 14:30

Iara ginauna theome cheke faraugha balumi ghotilo, naugna mae Satan mae funei gna nauthoglu igne, la namo meihi. Tutuani fara, mana theo kaisei nogna nolaghi ke klignagu iara.

Jone 12:31

Gognarona God ginauna kafe fatedi naikno te theome fatutuani ghau iara. Eghuteuna gognaro mana na kulu hata fadelei nogna nolaghi mae Satan, mae ihei te baubatu fadiꞌadi naikno te au ka nauthoglu igne.

Profet Jeremaea 3:1

Lord ne cheke eghu, “Jame kaisei mae koko khetogna na, eghuteuna gaꞌase te koko mana igne ke tei tolaghi ka keha mae delei ngau. Ba, mae igne na faꞌunha? Mae igne tangomana na teke atha fapulo gaꞌase igne? Theo, naugna jame te eghu na, mana ginauna goigoni glose igne ka tathagu iara na. Nu ghotilo te tei koko ghau iara igne, ghotilo jateula gaꞌase vine te tei eni puhi te diꞌa na ka keha maei ra eghu. Eghume faꞌunha eghu jame teke pulo mei ghotilo ka iara na?

Levitikas 3:17

“Ghotilo naiknomi Israel ra thosei ghamu kaisei garofa ba dadara buluka. Igne kaisei vetula te mala leghuni nei taji fakelini teu fabrahu ghotilo ka namono aheva nate au ghotilo tagna na.”

Levitikas 17:8

“Jame kaisei naikno khulumono Israel, ba kaisei naikno phosa au balumi ghotilo, eni fafara te thofno krono ba eni keha fafara,

Nodi Khoje Hatimare Mae Jiu 106:39

Uve, ka puhi igne na mare fathonadi fara thedi ka tathagna God na, nei figri tagruni nei theome leghuni eghu nogna nhaꞌa cheke mana na.

Profet Esikiel 23:3

Kani majaghanidi na repa neke au Ijep, eghuteuna repa neke gaꞌase vine. Ka namono tuana, mae nalhaꞌure ne mei thuru baludi repa, ne loku ka chuꞌudi repa re.

Eksodas 22:19

“Ghotilo falelehe mae nalhaꞌu ba gaꞌase te eni puhi te diꞌa ka khuma ba ka bosu ba ka buluka teu are.

Eksodas 27:21

Leuleghu bongi na, Eron na fakasa juta re ka Thaba te lilisei Juta, eghuteuna mana fiofilodi mala phae ke ulugu iara ghilei hamerane. Thaba te mala lilisei Juta igre mala au ke ulugu iara ke lamna Suga Tapuale te Blahi ke kosi ka pohe te bobotho Chogho te Thofno Blahi fara na aheva te au Bokis Blahi na. Ghotilo naiknodi Israel mala leghuni fabrahu vetula igne.”