Levitikas 17:6 - Buka Blahi Ka Cheke Holo

⁶ Pris hata dadara gna glepo tautagu tuana mala fuafusa ka fati khukru gna olta te au rhegna grengatha gna Suga Tapuale te Blahi na. Eghuteuna mana mala gahu garofa gna na mala kelitagna Lord ka sisiri gna na.

Levitikas 17:6 ပူးပေါင်းရင်းမြစ်များ

Naba 18:17

“Nu buluka, sipu nei nanigot teu te kulu karha re theome tangomana te foli fajifladire. Naugna glepo tuare thono blahi fara nei jaola nogu iara. Nafnata glepo te tautagu igre, iagho ginauna atha dadaradire, eghuteuna frusa lao ka gerigna olta na, eghuteuna iagho ginauna gahu garofadire ke kligna gna olta na mala blahi u fafara tuana, eghuteuna gagahugna te siri famane na te ginau fagleꞌa ghau iara na.

Levitikas 3:2

Mana mala habo khamegna na ka phaꞌugna buluka igne mala laseni fafara igne te nogna mana na. Eghuteuna mana mala aknu falehe ka grengathagna Suga Tapuale te Blahi na, aonu pris thugna mae Eron igre fuafusa dadara igne ka fati philegna olta na.

Levitikas 4:31

Mae tuana atha fajifla gnafa garofagna nanigot igne, jateula teke atha fajifla mare garofadi glepo tautagu na ka fafara tuana te mala laseni te au fakeli mare balugu iara na. Aonu pris igne gahu garofa igre ke kligna olta, eghuteuna iara Lord keli tagu ka sisirigna na. Ka puhi igne, pris tangomana te fafara te mala teke doglo mae igne ka tathagu iara na, eghuteuna iara ginauna atha fadeleidi nakhibogna mana re.

Levitikas 3:13

mana habo lao khamegna na ka phaꞌugna nanigot igne, eghuteuna mana aknu falehe ke ulugna Suga Tapuale te Blahi na. Aonu mae pris ka thugna mae Eron igne mana mala atha dadaragna nanigot igne mala fuafusa ka fati philegna olta na.

Levitikas 3:8

mana habo khamegna na ka phaꞌugna sipu igne, eghuteuna mana aknu falehe sipu igne ke ulugna Suga Tapuale te Blahi igne. Aonu mae pris ka thugna mae Eron igne atha dadaragna sipu igne mala fuafusa ka fati philegna olta na.

Levitikas 3:5

Aonu mae pris igne gahu glepo igre ke kligna olta, baludi keha fafara te thofno krono. Igne kaisei glepo blahi te kelitagu iara Lord ka sisirigna na.

Eksodas 29:18

Eghuteuna iagho gnubra fahui vidogna sipu igne ke kligna olta, mala pogho soru ka iara Lord. Igne kaisei glepo blahi te famane sisiri keligna iara Lord nate gleꞌani fara.

Eksodas 29:13

Aonu iagho atha garofa te thafru ka thiꞌagna buluka nalhaꞌugna igne, eghuteuna iagho atha fajifla famane vido ka khebugna na, eghuteuna phei chauchaugna balu garofa teke au tagna na, eghuteuna iagho gahu fahui ke kligna olta.

Levitikas 17:5

Gaoghatho gna vetula igne mala lhotidi naiknodi Israel te mala fafara glepo tautagu ke kosi glalaba na igne theome doglo te eni igne. Ghotilo mala hata mei glepo te tautagu igne ka iara, eghuteuna ghotilo mala tusu lao ka pris ke ulugna grengatha gna Suga Tapuale te Blahi na. Eghuteuna ghotilo mala aknu falehe jare mala fafara mala laseni ghotilo te au fakeli balugu iara na.

Profet Esikiel 44:15

Lord God ne cheke eghu, “Neuba naiknodi Israel igre ne tei koko ghau iara, hatimare mae Livaet teke karha mei ke leghu ka vikegna Sadok igre faꞌuve ghau iara te mala loku ka nogu Sugablahi iara na. Mare loku ranghi ghau iara jateula pris eghu. Mare mala mei namo ka iara mala hata mei fafara ka nogu Sugablahi iara na. Mare mala hata mei garofadi nei dadaradi eghu buluka mala fafara mei ka iara. Tutuani, iara Lord God neke chekeni igne.