Levitikas 17:5 - Buka Blahi Ka Cheke Holo

⁵ Gaoghatho gna vetula igne mala lhotidi naiknodi Israel te mala fafara glepo tautagu ke kosi glalaba na igne theome doglo te eni igne. Ghotilo mala hata mei glepo te tautagu igne ka iara, eghuteuna ghotilo mala tusu lao ka pris ke ulugna grengatha gna Suga Tapuale te Blahi na. Eghuteuna ghotilo mala aknu falehe jare mala fafara mala laseni ghotilo te au fakeli balugu iara na.

Levitikas 17:5 ပူးပေါင်းရင်းမြစ်များ

Profet Esikiel 22:9

Ke lamnagna namono igne, naiknore cheke chaichaghi koba eidi keha naiknore, mala tangomana mare te aknu falehedi keha naiknore. Eghuteuna kehare ghamu nafnahi teke fafara ka mumuju. Eghuteuna keha ka ghotilo ei puhi diꞌa koba ka gaꞌase.

Profet Esikiel 20:28

Kate hata iara kuꞌemi ghotilo ra te tei au ka kantri teke nhaꞌa chekeni iara teke tusu falao ka mare igne na, mare neke filoni kaisei thogele kligna, ba kaisei gaju biꞌo te au kmana khaklagna mala fafara ka mumuju god ka vido tuana. Iara thono diꞌatagu fara kau fafara igre, nei ka waen te tusu lao mare ka god te chaichaghi igre.

Fapea Kronikols 28:4

Eghuteuna king igne mana fafara ka keha god delei ka nodi vido blahi mae bongihehe ke kligna thogele nei ke pari gaju biꞌo. Eghuteuna mana jaola gahu insens ka vido blahi igre.

Fapea Kings 17:10

Mare fakegra haghe thina brahu nei mumuju gna god gaꞌase Asera teu igre ke kligna di thogele ba ke paridi gaju biꞌo.

Fapea Kings 16:4

Eghuteuna king neke fafara nei gahu insens eghu ka mumuju ka nodi vido blahi mae bongihehe ke kligna thogele nei ke pari gaju biꞌo.

Ululahu Kings 14:23

Mare horo vido blahi heva heva ke kligna thogele, ba ke pari gaju biꞌo. Mare jaola fakegra haghe thina blahi, ba sari mumuju god gaꞌase Astarot.

Diutronomi 12:2

Kate ngolhi fajifladi ghotilo naikno teke au ka glose igne na, ghotilo mala goigoni fahui nodi vido blahi te gnafa nodi god mare te au ka thogele nei ka gukhu, nei ke pari gaju.

Eksodas 24:5

Gnafa teuna mae Moses ne kurudi keha mae majaghani mala tei fafara ka Lord. Mare jaola ne fafara keha buluka mala au ka pharikeli balugna God.

Jenesis 31:54

Mana ne falelehe sipu ne fafara ka God ka thogele igne. Aonu mana ne kilo meidi vikegna re ne ghamu fodu u nafnahi teke fafara mana ka God na. Ke leghugna ghamu te gnafa na, mare ne thuru jare ka thogele na u bongi tuana.

Jenesis 22:13

Aonu mae Ebraham ne filo tafri ne filoni kaisei sipu nalhaꞌu gna te khale teu hona gnana ka gaju ikoi na. Aonu mae Ebraham tei ne hata sipu igne ne falelehe ne gahu ne fafara tongana ka God. Eghume u sipu igne ne lehe tughuni mae Isak.

Jenesis 22:2

Aonu God ne cheke eghu ka mana, “Iagho au kaisei mae thumu nalhaꞌu kolho, mae Isak, mae ihei iagho te namhani fara, hata mae sitei igne tei ka nohi Moriah. Iara ginauna na falalase ka iagho kaisei thogele jare. Ka thogele igne te mala falelehe iagho mae thumu Isak gne te mala gahu re mala fafara ka iara na.”

Jenesis 21:33

Mae Ebraham ne joꞌu kaisei gaju tamarik jare Bereseba. Jare mae Ebraham ne tarai ka Lord, mae ihei te karha fabrahu te tifa te tifa.

Levitikas 17:6

Pris hata dadara gna glepo tautagu tuana mala fuafusa ka fati khukru gna olta te au rhegna grengatha gna Suga Tapuale te Blahi na. Eghuteuna mana mala gahu garofa gna na mala kelitagna Lord ka sisiri gna na.

Profet Esikiel 43:27

Ka fahanagna narane na, nei leuleghu narane, hatimare mae pris mala gahu ka olta igne fafara te thofno krono na, eghuteuna fafara igre mala falaseni te au fakeli naiknore balugu iara na. Eghume iara ginauna kelitagu fara ka ghotilo hui. Igne nogu cheke iara Lord God!”

Profet Esikiel 44:15

Lord God ne cheke eghu, “Neuba naiknodi Israel igre ne tei koko ghau iara, hatimare mae Livaet teke karha mei ke leghu ka vikegna Sadok igre faꞌuve ghau iara te mala loku ka nogu Sugablahi iara na. Mare loku ranghi ghau iara jateula pris eghu. Mare mala mei namo ka iara mala hata mei fafara ka nogu Sugablahi iara na. Mare mala hata mei garofadi nei dadaradi eghu buluka mala fafara mei ka iara. Tutuani, iara Lord God neke chekeni igne.

Ululahu Kings 3:2

Ka narane igre naiknore fafara kolho ka vido blahi ke kligna thogele, naugna mare neke theome eni nga neku nogna Sugablahi Lord na.

Ululahu Kings 3:3

Neuba mae Solomon ne namhani Lord ne leghudi cheke te gnafa teke farirhiuni mae kmagna na. Nu mana jaola neke fafara nei gahu insens neku ka keha vido blahi ke kligna thogele.