Levitikas 17:10 - Buka Blahi Ka Cheke Holo

¹⁰ “Eghuteuna jame kaisei naikno gna Israel, ba kaisei naikno phosa au balumi ghotilo, koꞌu dadara ba ghamu nafnahi te dadara teu, iara ginauna theome magnahagheni naikno tuana, hata fadeleini ka naiknodi Israel.

Levitikas 17:10 ပူးပေါင်းရင်းမြစ်များ

Levitikas 17:11

Gobigna lepo te karha igre, nakarhadi na au ka dadaragna na. Naugna igne iara vahini dadaragna fafara na pris tangomana te toatoafa dadara igne ka olta na mala hata fadelei nakhibomi ghotilo re. Naugna dadaragna glepo te tautagu na jateula nakarhagna eghu, eghume dadara na tangomana te hata fadelei nakhibomi ghotilo re.

Diutronomi 12:23

Nu ghotilo thosei koꞌu dadara, naugna nakarhagna glepo te tautagu igne au ka dadaragna na, eghuteuna blahi te ghamu nafnahi te au teu karha tagna na.

Diutronomi 12:16

Nu ghotilo ginauna thosei ghamu dadaradi glepo te tautagu igre. Ghotilo tofa tei dadara igre ka glose.

Levitikas 3:17

“Ghotilo naiknomi Israel ra thosei ghamu kaisei garofa ba dadara buluka. Igne kaisei vetula te mala leghuni nei taji fakelini teu fabrahu ghotilo ka namono aheva nate au ghotilo tagna na.”

Profet Jeremaea 44:11

“Eghume igne unha te chekeni Lord mae ihei te au nolaghi fateote'o nodi God maedi Israel: ‘Iara ginauna theome ke tughu gaoghathogu na, eghuteuna iara ginauna goigoni ghami ghotilo gnafa.

Ululahu Samuel 14:33

Eghuteuna keha naiknore tei ne cheke eghu ka king, “Filo sagho! Mare khibo ranghini Lord, naugna mare ne ghamu nafnahi te au teu dadara tagna na.” Aonu King Sol ne cheke eghu, “Tore! Ghotilo khibo ranghini Lord. Gognarona, ghotilo pili mei kaisei thina biꞌo.”

Levitikas 26:17

Iara ginauna figri tagru ghami ghotilo, eghuteuna nomi naoka ghotilo are ginauna ulu ghami ghotilo, eghuteuna iheire te susuku ghami ghotilo are ginauna funei fruni ghami ghotilo. Neubane theo kaisei naikno te ngolhi ghami ghotilo na, ghotilo ginauna rikha, naugna ghotilo ne thono mhaghu nomi fara!

Jenesis 9:4

“Nu kaisei glepo ngala te thosei ima ghotilo na, u nafnahi te au teu dadara tagna na, eigna u dadara gne ngala u nafugna u karha na.

Profet Esikiel 44:7

Ghotilo snakredi naiknodi kantri delei te theome vahe nei theome leghu ghau iara teu are te tei lamna ka nogu Sugablahi iara na. Ka puhi igne, ghotilo huhughunihi baubahu teke eni iara balumi ghotilo ia, eghuteuna ghotilo fachara ka nogu Sugablahi iara na kate hata mare garofa nei dadaradi buluka te fafara mei ka iara ra.

Profet Esikiel 15:7

Uve, iara ginauna figri tagrudi mare. Neuba mare ne rikha kokonihi kaisei khaꞌaghi, nu gognarona keha khaꞌaghi na ginauna nhako falehedi mare hui. Eghuteuna kate figri tagrudi iara mare na, ghotilo ginauna laseni te iara Lord.

Profet Esikiel 14:8

Iara ginauna eni mae igne mala paꞌapara mana, igne kaisei fagaglana mala kafe filoni ghotilo. Eghuteuna iara ginauna hata fadelei mae igne ka nogu naiknore. Ka narane tuana, ghotilo ginauna laseni te iara Lord.

Nodi Khoje Hatimare Mae Jiu 34:16

Nu Lord na theome magnahaghedi naikno te diꞌa puhidire. Eghuteuna ka glehedire naikno tuare ginauna, na theo kaisei naikno ka nauthoglu igne na teke ghatho fapulodire.

Diutronomi 15:23

Nu ghotilo thosei ghamu dadaradi glepo tautagu igre, ghotilo totofa koko dadara igre.”

Levitikas 19:26

“Ghotilo thosei ghamu nafnahi te au teu dadara tagna. “Eghuteuna ghotilo mala thosei eni kaisei glepo ka kastom meresin, ba fariuriu edi glepo ka kastom meresin mala laseni unha nate thoke mei ginauna.

Profet Esikiel 33:25

Eghume iagho cheke eghu ka mare, ‘Lord God neke cheke eghu: Leuleghu fata na ghotilo ghamu nafnahi te au teu dadara tagna, ghotilo tarai ka mumuju, ghotilo magra fari themi, ghotilo falehe naikno. Eghuteuna ghotilo te gnafa na thuru fodu baludi khetodi kherami themi are. Ba, na snakreni iara glose igne mala khotogna themi eghu ghotilo gaoghathomi na? Ghotilo theo nomi nolaghi te mala khotogna glose igne.’

Profet Jeremaea 21:10

Iara neke chekehi, eghuteuna iara ginauna na theome ke tughu nagnafagu na. Iara ginauna na theome eni kaisei glepo te keli ka namono igne. Theo. Iara ginauna goigoni ni fara ka khaꞌaghi.’ Igne chekegna Lord.

Mae Khuru 15:20

Te keli na, tahati rioriso kaisei letas ranghidi mare. Igre glepo jame te mala chekedi tahati ranghidi re, ‘Thosei ghamu gano teke fafara ka mumuju. Thosei eni puhi te diꞌa. Thosei ghamu gano teke lalamho falehe. Thosei koꞌu dadara.’

Hibru 10:29

Te eghu na, unha nate eni God ranghini mae ihei te filo soruni Thugna God na? Unha nate eni God ranghini mae ihei te filo soruni dadaragna mae Kraes teke horoghoto ka nogna nhaꞌa cheke God na ngala nate fagaeni mana ka nakhibo na? Unha nate eni God ranghini mae ihei te filo soruni mae Tharunga te Blahi te falalase nogna namha na ka mana? Mae igne nabagna na mala au papara fara!

Ululahu Samuel 14:32

Aonu mare chari ne tei hata unha teke uludi mare ka magra na. Mare ne falehe sipu nei buluka balu suadi aheva te kadi mare mala ghamu. Nu mare ne theome ofoni u nafnahi te dadara teuna ne ghamu.

Profet Emos 9:4

Neuba mae naokare ne hatadi mare ne tei ka namono te khaba fara mala nodi naikno sneka neu, iara ginauna cheke faheta ka mae naoka igre mala aknu falehedi jare. “Iara theome tangomana te toghodi re, iara na goigoni fahuidi gnafa.”

Eksodas 30:33

Jame ihei te eni nafnata oel igne, ba tofa lao oel igne ka phaꞌugna ihei te theome pris na, mana au kosi ka naiknodi Israel.’ ”