Levitikas 16:4 - Buka Blahi Ka Cheke Holo

⁴ Mana mala kulu apu, eghuteuna mana mala fahaghe nogna pohe blahi teke horo ka famane pohe. Tuana nogna pohe brahu mana na, nei nogna trasis kmoꞌei na, nei nogna nhugha pohe na, nei nogna khepi na.

Levitikas 16:4 ပူးပေါင်းရင်းမြစ်များ

Hibru 7:26

Eghume mae Jisas ngala nafnata mae pris biꞌo te magnahaghei tahati na. Mana mae blahi, mana kaisei mae doglo fara, nei mana theome eni kaisei puhi te diꞌa. Eghuteuna God neke hata fadeleini mana ka iheire te diꞌa nei hata hagheni mana kau nafnakno kligna.

Levitikas 6:10

Aonu hamerane na, kaisei mae pris ginauna fahaghe nogna phoko na balugna nogna trasis kmo'ei na, eghuteuna mana tei mala atha koko nakrofu baludi garofa re eghuteuna lisei fadelei rhegna olta na.

Hibru 10:22

Naugna igne tahati mala mei namo ka God balu nagnafa heta nei fatutuani ni fara mae Jisas Kraes. Mana faklinodihi nagnafada nei gaoghathoda te thona. Eghume tahati laseni God na la hata fadeleidihi nakhibodare nei mana la faklino ghitahi ke ulugna thegna.

Hibru 2:14

Naugna tahati naikno kolho, mae Jisas karha mei neke hata thinida mala jateula tahati. Mana neke eni igne, mala ka glehegna na mana tangomana te tapla soruni mae Satan, mae ihei te au nogna nolaghi te mala faleheni naikno na.

Filipae 2:7

Mae Kraes neke theome ghatho peapea, nu mana gleale'a neke lisa laoni nogna nolaghi biꞌo balu nafnakno na neke leghuni puhigna mae gloku kolho. Eghuteuna mana karha mei naikno neke au jateula fiti naikno neku kolho ka nauthoglu gne.

Luku 1:35

Engel ne cheke eghu ka naꞌa, “Meri, mae Tharunga te Blahi na ginauna na soru mei ke kligna mu iagho. Eghuteuna nogna nolaghi biꞌo God na ginauna na au balumu iagho. Naugna igne u sua na ginauna na blahi eghuteuna naiknore ginauna na kiloi mana thofno Thugna God.

Profet Isaia 53:2

Lord snakreni nogna mae gloku na mala karha haghe jateula kaisei gaju ikoi te karha majaghani ka vido te moja ra eghu. Mae gloku igne theome famane mae ka tathadi naiknore, eghuteuna theo kaisei naikno te magnahaghei filo ka mana na. Theo glepo te keli te filoni ka mana, te mala magnahagheni mare na.

Levitikas 16:24

Eghuteuna mana mala apu ka vido blahi tuana, eghuteuna ke leghu mana mala fahaghe keha pohe mala eni nogna gloku na. Mana fahaghe nogna pohe ne jifla kosi mala fafara sipu nalhaꞌugna te thofno krono fara na mala hata fadelei nakhibo gna thegnare, eghuteuna mana fafara keha sipu nalhaꞌu gna na mala thofno krono fara mala hata fadelei nakhibodi naiknore.

Eksodas 40:12

“Iagho ginauna atha mei Eron baludi thugna ka grengatha gna Suga Tapuale te Blahi mala titihi di ka khoꞌu, mala klino mare ka tathagu iara na.

Eksodas 29:4

Iagho atha Eron baludi thugna ra mala mei kegra ka grengatha gna Suga Tapuale te Blahi na mala thafoni God, eghuteuna iagho faꞌapudi mala gae ka tathagu iara na.

Eksodas 28:2

Iagho mala susuki nodi pohe mae pris malagna thabusimu iagho Eron, mala famane keli filogna eghuteuna naiknore tangomana te ghatho tahuni mana.

Levitikas 16:23

“Eghuteuna pris Eron ginauna ke pulo ke tei ruma ke lamna ka Suga Tapuale te Blahi, mala hata koko pohe fahaghe teke mei mala ruma lamna ka Chogho te Thofno Blahi fara na, mana mala lilisei pohe igre ka vido tuana.

Levitikas 16:32

Pris biꞌo teke tofa oel blahi mare ka phaꞌu gna na te fablahi na mala ke tughuni kmagna na, mana tangomana te edi glepo te mala hata fadelei nakhibodi naiknore. Aonu, mana mala fahaghe nogna pohe mae pris biꞌo na.

Profet Esikiel 9:2

Eghuteuna iara ne filodi namno mae ne ruma mei funudi ka grengatha biꞌo ke raru gna Sugablahi igne. Mare kafe hata ne mei nodi glepo mala magra re. Eghuteuna kaisei mae ihei te pipichi famane pohe na mana hata ne mei glepo mala rioriso tagna na, mana jaola mei baludi mare. Mae igre kafe mei ne kegra rhegna olta teke horo ka bras.

Profet Esikiel 44:19

Eghuteuna kate jifla mare ka glalaba biꞌo kosi ka vido aheva te au teu naiknore tagna na, mare mala hata koko pohe teke fahaghe mare ka nogu Sugablahi iara na mala lilisei fakeli lamna ka chogho blahi igre eghuteuna mare ke fahaghe nodi pohe thedi re mala jifla kosi. Naugna naiknore theome tangomana te habo ka glepo te blahi na.