Levitikas 16:34 - Buka Blahi Ka Cheke Holo

³⁴ “Vetula igre ghotilo mala leghudi fabrahu. Kaisei narane kolho leghu finogha na ghotilo mala edi glepo igre ka narane biꞌo igne mala hata fadelei nakhibomi te gnafa ghotilore.” Eghume, Eron neke leghudi unha teke chekedi Lord ka Moses.

Levitikas 16:34 ပူးပေါင်းရင်းမြစ်များ

Hibru 9:7

Nu thegna mae pris biꞌo ngala te ruma ka fapea chogho te blahi fara na. Mana ruma jare kaisei fata kolho ke lamnagna kaisei finogha. Kate eni igne, mana atha balugna dadara buluka nei nanigot mala fafara ka God, mala hata fadelei nakhibogna thegna re, baludi nakhibo teke edi naiknore, naugna mare theome laseni unha glepo te keli na.

Hibru 9:25

Mae pris biꞌo na, ruma ke lamnagna suga tapuale leuleghu finogha. Mana hata balugna dadara buluka, theome dadaragna thegna. Nu mae Kraes ruma jare kaisei fata kolho ne fafarani thegna ka God.

Eksodas 30:10

Kaisei fata leuleghu finogha, Eron atha katha dadara buluka teke aknu falehe na mala fafara mei mala gae ghotilo ka tathagu iara na, eghuteuna lilisei ka fati hona gna olta igne mala fablahi iara Lord. Leuleghu finogha na mae pris biꞌo mala eni igne fabrahu.”

Hibru 10:14

Kate fafarani thegna kaisei fata ngala, mae Kraes ne fablahidi naikno teke fagagae thegna igre mala klino fabrahu tifa tifa.

Hibru 10:3

Nu theome jateula tuana eghu. U fafara te edi mare leuleghu finogha igre, mare toghodi naiknore mala ke ghatho fapulodi koba nakhibodire kolho.

Naba 29:7

Lord neke cheke eghu, “Ka fanabotho narane gna ka fafitu nhigra na, tuana kaisei narane blahi mala theome ghamu nei loku eghu ghotilo, nu ghotilo ginauna mei khapru mala kilo fnakno ghau iara.

Levitikas 23:31

Ghotilo thosei eni kaisei gloku ka narane igne! Igne kaisei vetula te mala leghuni fabrahu ghotilo ka vido aheva te au ghotilo na.

Eksodas 27:21

Leuleghu bongi na, Eron na fakasa juta re ka Thaba te lilisei Juta, eghuteuna mana fiofilodi mala phae ke ulugu iara ghilei hamerane. Thaba te mala lilisei Juta igre mala au ke ulugu iara ke lamna Suga Tapuale te Blahi ke kosi ka pohe te bobotho Chogho te Thofno Blahi fara na aheva te au Bokis Blahi na. Ghotilo naiknodi Israel mala leghuni fabrahu vetula igne.”

Levitikas 17:1

Lord neke cheke eghu ka Moses,

Levitikas 23:28

Ghotilo thosei eni kaisei gloku ka narane biꞌo igne, blahi! Naugna narane mala hata fadelei nakhibomi ghotilo re, mala ke doglo ghotilo ka tathagu iara na.

Eksodas 39:43

Aonu, Moses ne filo ka nodi gloku mare igre, eghuteuna kate filo fakeli mana ka gobigna lepo te edi mare igre, mare thofno edi glepo igre leghuni unha teke chekedi Lord ka Moses. Aonu Moses ne fablahidi mare.

Levitikas 3:17

“Ghotilo naiknomi Israel ra thosei ghamu kaisei garofa ba dadara buluka. Igne kaisei vetula te mala leghuni nei taji fakelini teu fabrahu ghotilo ka namono aheva nate au ghotilo tagna na.”

Levitikas 16:2

Lord ne cheke eghu, “Cheke ka thabusimu Eron, mala thosei ruma mei fabrahu mana ke lamnagna Chogho te thono Blahi fara te bobotho ka pohe igne. Jame te mei mana ka narane te theome naba te mala mei mana na, mana ginauna lehe naugna ka vido blahi igne iara tangomana te mei ka ghopa ke lamna grokho ke kligna thotoku gna Bokis Nhaꞌa Cheke te thofno Blahi fara na.

Levitikas 24:23

Kate tei Moses te cheke ka mare nogna cheke Lord igre ka naiknore, mare hata fajifla ne tei mae te cheke diꞌa ka nangha gna Lord igne. Eghuteuna mare ne fadini mana ka thina ne ghilei lehe. Ka puhi igne, mare ne edi unha teke chekedi Lord ka Moses.