Levitikas 16:33 - Buka Blahi Ka Cheke Holo

³³ Mana mala fablahi Chogho te thofno Blahi fara na, nei Suga Tapuale te Blahi na, nei Olta te mala Gahu Fafara na, mala kafe klino ka tathagu iara na. Eghuteuna ka narane tuanala mana mala edi mae pris nei naiknodi Israel teu igre mala klino ka tathagu iara na.

Levitikas 16:33 ပူးပေါင်းရင်းမြစ်များ

Levitikas 16:16

Eghume ka puhi igne, pris biꞌo tangomana te eni igne ka Chogho te Thofno Blahi fara na nei ka Suga Tapuale te Blahi na mala klino ka tathagu iara na. Eron mala jateula igne eghu ka nakhibodi naiknodi Israel naugna mare theome klino ka tathagu iara na.

Levitikas 16:24

Eghuteuna mana mala apu ka vido blahi tuana, eghuteuna ke leghu mana mala fahaghe keha pohe mala eni nogna gloku na. Mana fahaghe nogna pohe ne jifla kosi mala fafara sipu nalhaꞌugna te thofno krono fara na mala hata fadelei nakhibo gna thegnare, eghuteuna mana fafara keha sipu nalhaꞌu gna na mala thofno krono fara mala hata fadelei nakhibodi naiknore.

Levitikas 16:6

“Eron mala hata mei kaisei buluka nalhaꞌugna mala fafara eigna mana balu tharakna gna mala ke doglo ka tathagu iara na.

Levitikas 16:11

“Kate aknu falehe Eron buluka nalhaꞌugna igne mala fafara eigna thegna nei tharakna gna mana teu te mala ke doglo ka tathagu iara na,

Profet Esikiel 45:18

Lord God neke cheke eghu, “Iara Lord God te cheke eghu igne: Ka narane ululahu gna nhigra ululahu leuleghu finogha, ghotilo ginauna hata kaisei sua buluka te theo kaisei thubu ba thona ka thinigna na, mala fafara mei ka iara mala gae ka tathagu iara na nogu Sugablahi iara gne.

Levitikas 23:28

Ghotilo thosei eni kaisei gloku ka narane biꞌo igne, blahi! Naugna narane mala hata fadelei nakhibomi ghotilo re, mala ke doglo ghotilo ka tathagu iara na.