Levitikas 16:27 - Buka Blahi Ka Cheke Holo

²⁷ Eghuteuna mare hata ne tei keha vidodi buluka igne nei nanigot eghu teke fafara pris biꞌo igne mala ke doglo ghotilo ka tathagu iara na, eghuteuna dadara teke hata teke mei pris Eron lamna ka Chogho te Thofno Blahi fara na. Mare mala hata tei thinidi phei glepo igre balu gulidi nei butudi eghu mala tei gnubra ke kosigna vido te au ghotilo tagna.

Levitikas 16:27 ပူးပေါင်းရင်းမြစ်များ

Levitikas 6:30

Nu jame mae pris biꞌo fafara mala doglo ka tathagu iara Lord, eghuteuna mana atha mei dadaragna na lamna ka Suga Tapuale te Blahi na, eghuteuna blahi kaisei naikno te ghamu nafnahigna fafara igne. Mare mala thofno gnubra fahui ka khaꞌaghi.”

Levitikas 4:21

Aonu mae pris ginauna pala tei buluka nalhaꞌugna igne mala gahu ke kosigna vido te au mare na, jateula teke eni ka buluka ululahu teke fafara teke atha fadelei nakhibogna ra eghu. Eghume buluka te fafara igne mala doglo ghotilo gnafa ka tathagu iara na.”

Levitikas 8:17

Nu mana atha ne tei keha vidogna buluka igne, balu guli nei chara lamna ka thiꞌagna na, ne thofno gnubra fateo ke kosigna vido glose te au mare na, jateula unha teke chekeni Lord ka mana na neu.

Levitikas 6:11

Aonu mana tei tughu nogna pohere, eghuteuna ke pulo mei mala atha nakrofu igre tei kosi ka vido te au ghotilo na tei ka kaisei vido te gae ka tathagu iara Lord na mala totofa ka vido tuana.

Levitikas 6:23

Jateula tuana eghu, flaoa te gnafa teke edi ka famane wit teke atha mei kaisei mae pris igre mala thofno gnubra fahui ke kligna olta. Blahi te ghamu mae pris kaisei vido tagna na.”